Filipi 2:9 - Bibeli do fee

⁹ Na saabu nŋui Ilaaɔ̃ í soo lele ntɔ ntɔ nɔ í naa iri iyi í nɛ bɛɛrɛ í re iri fei,

Filipi 2:9 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 110:5

Aɔ̃ Lafɛ̃ɛ í wa awɔ njɛɛ. Á ce nfei ilaalu ŋai ajɔ iyi idɔɔkɔ̃ɛ á dede.

Iri ku kɔ̃ 89:27

Nŋui á tɔɔm ku ni, awɔi ì jɛ baam, awɔi ì jɛ Ilaaɔ̃ Lafɛ̃ɛm. Awɔi ì jɛ kuta ku nɛ gbugbã bii faabam í wa.

Iri ku kɔ̃ 91:14

Aɔ̃ Lafɛ̃ɛ í ni, si bɛi wa másim, an jɔ̀ ku fita si. An maa n muui si bɛi í màm.

Ezai 52:13

Aɔ̃ Lafɛ̃ɛ í ni kuwɛɛi woo ce icɛi nŋu á maa bɔ do wajui. Á dedei ku la nɔ ku nɛ bɛɛrɛ nla nla.

Ezai 53:12

Na ŋɔi í jɔ̀ an dasiɛ si inɔi inɛ nla ŋa. Á ce ikpɛ̃i mii ŋa iyi à ya baaò wa hai si igũi do inɛ ŋa iyi à re do gbugbã ŋa, domi í na araɛ hee í koo í kuò. Í jɔ̀ à dasiɛ si inɔi woo ce laalɔ ŋa, nɔ í faaba ilu dulum nkpɔ nkpɔ.

Ezai 9:7

Aɔ̃ Lafɛ̃ɛ í fɔ si tɔkui Zakɔbu ŋa ide, nɔ ideu í cuku si ŋa aŋa inɛi bommai Izirɛli ŋau.

Daniɛli 7:14

Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Luku 10:22

Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Laabaau jiida iyi Zãa í kɔ 13:3

Jesu takaɛ í mà iyi Ilaaɔ̃ Baaba í daa nŋu mii fei si awɔ, í nɔ í mà iyi nŋu í naai hai bi Ilaaɔ̃ nɔ nŋu wa nyi bɛ má.

Laabaau jiida iyi Zãa í kɔ 17:11

Nsɛi ǹ wa n nyi wa bi tɛɛ. Bii í kɔ̃ɔsi keeke n kaa n maa n wa si andunya má, aŋai aa maa wa si andunyau. Baaba kumá, degbe ŋa do gbugbãɛ iyi ì nam, ku ba a jɛ akã si bɛi awaɛ à jɛ akã.

Laabaau jiida iyi Zãa í kɔ 17:12

Waati iyi ǹ wɛɛ do aŋa ǹ degbe ŋa do gbugbãɛ iyi ì nam nɔu. Ǹ degbe ŋa nɔ si inɔ nŋa baa inɛ akã kù ce nfe, í gbe amai nfe ku ceu nŋu akã ku ba kukɔi ideɛ ku kɔ̃.

Laabaau jiida iyi Zãa í kɔ 17:5

Baaba, nsɛi ǹ wa n tɔɔɛi, jɔ̀ n nɛ amboe bi tɛɛ bɛi ǹ tako ǹ nɛ wo hee a maa taka andunya.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Efɛɛzu 1:10

Lasabui Ilaaɔ̃u iyi á ce si ajɔ iyi awaatiɛ í to nŋui í jɛ ku tɔtɔɔ mii iyi í taka fei, hai mii iyi í wa lele do iyi í wa ilɛ fei, nɔ Kirisi ku jɛ iriɛ.

Kolosee 1:18

Igbɛɛ í yɛi bɛi ara, nɔ nŋu mɔi í jɛ iri. Nŋui í jɛ icui kuwɛɛ, nɔ nŋu mɔi í tako í jĩ hai si balɛ, ku ba ku jɛ sinte si mii fei.

Tɛsalonika 2, 1:12

Bɛɛbɛi Lafɛ̃ɛ nwa Jesu á baò amboe hai bi tu ŋɛ, nɔ iŋɛ mɔ i baò amboe hai bi tɛɛ ŋa, do saabui didɔ̃i Ilaaɔ̃ do Lafɛ̃ɛ nwa Jesu Kirisi.

Ebɛɛ 1:4

Si bɛi Ilaaɔ̃ í na Amaɛu iri iyi í re ti amaleka ŋa, bɛɛbɛ mɔi Amau takaɛ í re amaleka ŋa.

Ebɛɛ 1:9

Ì bi jiida nɔ ì cé laalɔ. Na ŋɔi í ce amu Ilaaɔ̃ ǹ cicaɛ, awɔ Ilaaɔ̃. Do inɔ didɔ̃ ǹ tontooɛ ikpo si iri ǹ nyaa ikã hai si inɔi kpaasi ŋa.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Piɛɛ 2, 1:17

nɔ Ilaaɔ̃ Baaba í fɔ wa hai lele í ni, inɛ ihɛ̃i í jɛ ama akãm iyi ǹ bi jiida, siɛi inɔ didɔ̃m fei í ya wa. Waati nŋu Ilaaɔ̃, ilu amboe nla nla, í jɔ̀ Kirisiu í nɛ bɛɛrɛ do amboe.

Zãa 3, 1:7

domi na irii Jesu Kirisii à waa ce isɛɛnɛu, a kù nɔ a kù gba nkãma bi hai dasi naanɛ ŋa.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.

Kuyɛi Zãa 5:12

À dɔ̃ anu à waa ni, ama angudã iyi à ceò kuweeu wo í to ku ba yiiko do amani do kumà do gbugbã do bɛɛrɛ do amboe do saabu.