Filipi 2:8 - Bibeli do fee

⁸ í kaye araɛ má nɔ í jirima Ilaaɔ̃ hee í na araɛ í to siò iku si antaii jĩi ku gaau mɔm.

Filipi 2:8 Iomraidhean Croise

Iri ku kɔ̃ 22:16

Gbangɔlɔm í gbɛ bɛi amà. Amɛ̀m í mási anu lelem. Ì jɔ̀ ǹ ku ǹ baa bɛi ilùlù.

Mɔnda ŋa 15:33

Bɛɛrɛi Aɔ̃ Lafɛ̃ɛ ku mài, á kɔɛ si bisi. Bii ì bi i ba bɛɛrɛ, í gbe i kaye araɛ. Bii ì bi i nɛ bɛɛrɛ, jɔ̀ i kaye araɛ titã.

Matie 17:2

Ŋɔi à ba wee araɛ í kpaasi. Wajuɛ wa daana jiida jiida, nɔ jaaɛ ŋa í fũuta pai pai bɛi inya kumá.

Matie 26:39

Iyi í fɔ bɛɛbɛ í tã, ŋɔi í bɔ waju keeke í koo í sɛɛbata ilɛ wa ce kutɔɔ í ni, Baam, bii á ce, jɔ̀ wahalau ihɛ̃ ku jĩim. Amma do nŋu fei, ku maà ti ku jɛ ti idɔɔbim, jɔ̀ idɔɔbiɛ ku ce.

Matie 26:42

Nɔ í jĩò ŋa isɛ gbeejisia má í koo í ce kutɔɔ í ni, Baam, bii í jɛ wahalau ihɛ̃ kaa jĩim, bii í jɛ kù nɛ bɛi á ce iyi n kù yɔɔi, jɔ̀ idɔɔbiɛ ku ce.

Luku 9:29

Iyi wa ce kutɔɔ ŋɔi wajuɛ í kpaasi dimi ikã, nɔ jaaɛɛ í fũuta pai pai.

Laabaau jiida iyi Zãa í kɔ 10:18

Inɛ kãma kaa yɔkɔ ku nya hundem. Amma amu takam nii an nyaa. Ǹ nɛ gbugbã iyi an na hundem, nɔ ǹ nɛ yiiko iyi an gbaaò má. Bɛɛbɛi Baam í dasim ku ce.

Laabaau jiida iyi Zãa í kɔ 14:31

Ǹ wa n ce fei ndɛɛi si bɛi Baaba í nam woodaɛ ku ba inɛi andunya ŋa a mà iyi ǹ buu. To, i dede ka nɛ hai ihɛ̃ ŋa.

Laabaau jiida iyi Zãa í kɔ 15:10

Bii ì waa jirima woodam ŋa, bɛɛbɛ mɔi aa wa si kubim ŋa, bɛi amu mɔ ǹ jirima woodai Baam nɔ ǹ wa si kubiɛ.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Woo bɛ ŋa 8:33

À kayeɛ nɔ à kɔ̀ ku kiitiɛ dee dee. Si bɛi à kpa irii kuwɛɛɛ, kù wa si ilɛu ihɛ̃ má. Yooi á fɔ idei inɛi anyiɛ ŋa má.

Romu 5:19

Si bɛi ide hai gbɔi inɛ akã í jɔ̀ inɛ nkpɔ í jɛ ilu dulum, bɛɛbɛ mɔi Ilaaɔ̃ á ce inɛ nkpɔ dee dee na ide ku jirimai inɛ akãu.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Wooda ku kɔsi 21:23

ikuɛu kù nɛ kpãai ku sũ si antaii jĩi nɔu, ajɔ nŋu bɛ gbakã aa suui, domi inɛ iyi à bagãm do yaase bɛɛbɛ, Aɔ̃ Lafɛ̃ɛ í ceekpeɛi, nɔ kù sĩa i riisi ilɛ iyi Aɔ̃ Lafɛ̃ɛ nŋɛ í mu nŋɛ í jɛ tubu nŋɛu.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 12:4

Iŋɛ, si kujabu nŋɛ do dulum, i kù jabu i kù to hee si iku titã ŋa,

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.