Filipi 2:7 - Bibeli do fee

⁷ Amma andi mii iyi í nɛ fei í jɔ̀ɔ nɔ í baa í jɛ amanɛ, í naa í jɛ mɔm nii bɛi aru. Iyi í sinda amanɛ í tã,

Filipi 2:7 Iomraidhean Croise

Iri ku kɔ̃ 22:6

À dɔ̃ siɛ anu nɔ ì nya ŋa. Awɔi à dasi naanɛ nɔ anyɔ kù mu ŋa.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 49:3

Nɔ í sɔ̃m í ni, Izirɛli, awɔi ì jɛ woo ce icɛm. Awɔi an so n nyisiò inɛ ŋa amboem.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Daniɛli 9:26

Si anyii adɔ̃ mɛɛje ikɔ kita do minjiu, aa kpa inɛ gɔ iyi à nya ikã, nɔ inɛ gɔ kaa kɔòɛ. Inɛ ngbo gɔ mɔ á na ku naa do soogeɛ ŋa ku ce nfei iluu do ile kumáu. Idɔɔkɔ̃i Ilaaɔ̃ de á na ku naa si inɛ ngbou ku ce nfeɛ. Amma á maa ce igũi hee ku maa ku, nɔ á ce nfei mii ŋai bɛi à tako à fɔ à jilɔɔu.

Zakari 3:8

Na nŋu, awɔ Zozue, gbɔ ideu ihɛ̃, awɔ iyi ì jɛ woo wee nla, do kpaasi woo wee ŋa iyi à waa buba si wajuɛu, iŋɛ fei i gbɔ. Iŋɛi ì jɛ nyindai mii iyi á na ku naau. An bɛ woo ce icɛm wa, nŋu iyi í yɛ bɛi ijui dimi ku gbɛ̃ iyi wa fita wa.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Maaku 9:12

Ŋɔi í jɛ nŋa í ni, ntɔi Eliii á tako ku naa ku teese mii fei sãa sãa. Amma kukɔi idei Ilaaɔ̃ í ni má, inɛ ŋa aa kpã Amai Amanɛ iju jiida nɔ a dondaɛ, mà iboi.

Luku 22:27

Inɛ iyi í buba wa jɛ si antaii taabu do inɛ iyi wa naaò ijɛu wa, yoo nŋai í re. Kù jɛ inɛ iyi wa jɛui? To, amu wee ǹ wa inɔ nŋɛi bɛi inɛ iyi wa naaò ijɛu wa.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Romu 1:3

Jesu Kirisi Lafɛ̃ɛ nwai wa fãa, nŋu iyi í jɛ Amai Ilaaɔ̃u. À búui bɛi amanɛ si dimii Davidi ilaalu nlau,

Romu 15:3

Kirisi takaɛ ci ya ce mii iyi á dɔ̃a nŋu takaɛ si, amma si bɛi à kɔɔ si idei Ilaaɔ̃ à ni, í sɔ̃ Ilaaɔ̃ í ni, inɛ ŋa iyi à buɛ, arabu nŋa í baa sim.

Romu 15:8

Ǹ wa n sɔ̃ ŋɛi iyi Kirisi nŋui í baa í jɛ woo ce icɛi Zuifu ŋau ku ba ide iyi à wãò bala nŋa ŋau ku kɔ̃, nɔ ku nyisiò iyi Ilaaɔ̃i í jɛ ilu ntɔ.

Romu 8:3

Mii iyi woodai Moizi kù yɔkɔ ku ce si na iyi í jɔ̀ mɔngɔi amanɛ ŋa í jɔ̀ woodau í kua gbugbã, Ilaaɔ̃ í coo. Dulum iyi í wa si arai amanɛ, í kiitiɛ si waati iyi í jɔ̀ Amai nŋu takaɛ í so ara iyi í jɔ arai dulum dii amanɛ ŋa nɔ í bɔɔ wa.

Kɔrɛnti 2, 13:4

Ntɔi, à kpakpaɛ si jĩi ku gaau si gbugbã hai nɛɛ, amma nsɛi í wɛɛ do saabui gbugbãi Ilaaɔ̃. Awa mɔ à jɛ hai nɛ gbugbã si anu akã nwa do nŋu, amma aa ka maa wɛɛ do nŋu si anini nŋɛ na saabui gbugbãi Ilaaɔ̃.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ

Filipi 2:6

Baa do iyi í to Ilaaɔ̃, kù dɛdɛ nŋu ku jɛ saai Ilaaɔ̃ do tilasi.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 13:3

Nɔ i ya ye gigii inɛi piisɔ̃ɔ ŋa bɛi mii iyi à mu iŋɛ mɔ piisɔ̃ɔ ŋa. I ye gigii inɛ ŋa iyi à waa yɛ ijuukpã bɛi mii iyi iŋɛ taka nŋɛ í yɛ ijuukpã ŋa.

Ebɛɛ 4:15

domi woo wee nla iyi à nɛu á yɔkɔ ku ce araarei gbugbã hai nɛ nwa si na iyi í jɔ̀ à lɛlɛɛ ku ceò laalɔ si mii fei bɛi awa mɔ, amma kù ce dulum.