Filipi 2:6 - Bibeli do fee

⁶ Baa do iyi í to Ilaaɔ̃, kù dɛdɛ nŋu ku jɛ saai Ilaaɔ̃ do tilasi.

Filipi 2:6 Iomraidhean Croise

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 8:8

Kukɔ̃i inyiu á bɔi hee Zudaa, nɔ á kɔ̃i ntɔ ntɔ hee si kɔ̃ɔ. Á bii kucĩi ilɛɛu mɔm nii fei, Emanuɛli.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 10:30

Nɔ amu do Baam fei akãi.

Laabaau jiida iyi Zãa í kɔ 10:33

Ŋɔi Zuifu ŋau à jɛaa à ni, a kù waa bi ka taɛ kuta na icɛ jiida ŋau, amma si na iyi í jɔ̀ ì waa bu Ilaaɔ̃i, domi awɔ amanɛi nɔ ì waa bi i ce araɛ Ilaaɔ̃.

Laabaau jiida iyi Zãa í kɔ 10:38

Amma bii ǹ wa n coo, baa bii i kù dasim naanɛ ŋa, i dasi icɛm naanɛ ku ba i mà sãa sãa ŋa iyi Baaba í wa sim nɔ amu mɔ ǹ wa si Baaba.

Laabaau jiida iyi Zãa í kɔ 14:28

Ì gbɔ ŋa iyi ǹ sɔ̃ ŋɛ ǹ ni ǹ wa n kooi, amma an nyi wa bi tu ŋɛ má. Bii ì bim ŋa aa wɛɛ do inɔ didɔ̃ ŋa do iyi ǹ wa n bɔ bi Baaba, domi nŋui í rem.

Laabaau jiida iyi Zãa í kɔ 14:9

Ŋɔi Jesu í jɛaa í ni, Filipu, hai ku kpɛi ǹ wa inɔ nŋɛ ihɛ̃ nɔ i kù màm? Inɛ iyi í yɛm í yɛ Ilaaɔ̃ Baabai. To, na mii í ce ì waa ni, nyisi wa Ilaaɔ̃ Baaba má.

Laabaau jiida iyi Zãa í kɔ 17:5

Baaba, nsɛi ǹ wa n tɔɔɛi, jɔ̀ n nɛ amboe bi tɛɛ bɛi ǹ tako ǹ nɛ wo hee a maa taka andunya.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Laabaau jiida iyi Zãa í kɔ 5:18

Na irii ideu bɛi Zuifu ŋa à teese à waa dɛ Jesu ku kpa, kù jɛ si na iyi í jɔ̀ í jɔ̀ inɛɛu í ba iri si ajɔi kusĩmi nŋu akã, amma si na iyi í jɔ̀ wa wã araɛi do Ilaaɔ̃ má, wa ni Ilaaɔ̃i í jɛ baai nŋu.

Laabaau jiida iyi Zãa í kɔ 5:23

ku ba inɛ fei ku saalu amu Amau si bɛi à waa saalu Ilaaɔ̃ Baaba. Inɛ iyi kù saalu amu Amau, Baaba iyi í bɛm wai kù saalu.

Romu 9:5

Bala nŋa ŋai à jɛ inɛi Ilaaɔ̃ ŋa. Si dimi nŋai Kirisi í fita bɛi amanɛ nŋu iyi í re mii fei. Nŋui í jɛ Ilaaɔ̃, nŋu iyi í jɔ ka maa saabu hee do ajɔ fei. Ami.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Timɔtee 1, 1:17

Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 1:6

Amma waati iyi Ilaaɔ̃ í bɛ ama yemmaɛ wa si andunya í ni, amalekam ŋa fei a gulɛaa.

Ebɛɛ 1:8

Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 13:8

Jesu Kirisi ci ya kpaasi hai ana do nnyi hee do ajɔ fei.

Kuyɛi Zãa 21:6

Nɔ í sɔ̃m má í ni, fei ndɛɛ í tã. Inɛ kãma kù takom nɔ inɛ kãma kaa naa do anyim. Amui ǹ jɛ sintei mii fei do iri ku kpaɛ. Inɛ iyi agbɛ wa kpa fei an jɔ̀ ku mɔ inyii isɔ̃ hai nɛ fia ku sã. Nɔ inɛ iyi í mɔ inyiu fei á maa wɛɛi.