Filipi 2:30 - Bibeli do fee

³⁰ domi í maai iku si icɛi Kirisi. Í ta hundeɛ í naaò sobi iyi iŋɛ taka nŋɛ i kù ba fayaɛ i naam wa ŋa wo.

Filipi 2:30 Iomraidhean Croise

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Romu 16:4

aŋa iyi a kù saalu baa kuwɛɛ nŋa ku ba a faaba ti amu. Kù jɛ amu akãi ǹ wa n saabu ŋa, hee do igbɛi inɛi Jesu ŋa iyi à jɛ dimi mmu ŋau fei à waa saabu ŋa.

Kɔrɛnti 1, 15:53

Ntɔ ntɔ, ara iyi á bɛjɛu kù nɛ bɛi á ce iyi kù kpaasi iyi ci ya bɛjɛ. Nŋu iyi í jɛ ti iku, kù nɛ bɛi á ce iyi kù kpaasi iyi ci ya ku.

Kɔrɛnti 1, 16:10

Bii Timɔtee í to wa bi tu ŋɛ, i gbaa do yaase bɛi á nɛò ara ku fũ si anini nŋɛ, domi nŋu mɔ icɛi Lafɛ̃ɛi wa ce bɛi ǹ wa n ceu.

Kɔrɛnti 1, 16:17

Ǹ nɛ inɔ didɔ̃ do kunaai Setefani, do Fɔɔtunatu do Akaiku, domi si bɛi i kù wa ihɛ̃ ŋa aŋai à ce mii iyi ì nɛ ku ce ŋa.

Kɔrɛnti 2, 12:15

Inɔ didɔ̃m nii n jɛ mii iyi ǹ nɛ fei, nɔ n loò aram na hunde nŋɛ. Bii kubi nŋɛ iyi ǹ nɛ wa kɔ̃ɔsi, kubi iyi ì bim ŋa á kaye?

Kɔrɛnti 2, 4:12

Bɛɛbɛi awa si anui ikui à wa, amma iŋɛ, kuwɛɛi í jɛ tu ŋɛ.

Filipi 2:17

Naanɛ ku dasi nŋɛ í yɛi bɛi kuwee iyi ì waa cea Ilaaɔ̃ ŋa. Nɔ baa bii í jɛ à kpam nii, nɔ ǹ nikã njɛm bɛi kuweei atɛ̃ vɛ̃ɛ iyi à nikã si antaii kuwee nŋɛu, do nŋu fei inɔm á dɔ̃, nɔ awaɛ ŋa ka kpɛ̃ inɔ didɔ̃u.

Filipi 2:27

Í ce bɔ̃ɔi ntɔ ntɔ hee í maai iku, amma Ilaaɔ̃ í ce araareɛ. Nɔ kù jɛ araarei Epafoditi nŋu akã, do ti amu takam nii, ku ba inɔ kufɔm nɔu ku maà kɔ̃ɔsi má.

Filipi 4:10

Ǹ nɛ inɔ didɔ̃ ntɔ ntɔ do iyi ǹ yɛ ì waa ce lasabum má ŋa, nɔ ǹ wa n saabu Lafɛ̃ɛ. N kaa n yɔkɔ n ni i ci ya ce lasabum ŋa, faya dei i ci ya ba ŋa.

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Filemɔɔ 1:13

Ǹ bi ku wa kɔkɔm nii wo ku sobim si agbɛɛ si waati iyi ǹ wa piisɔ̃ɔ ihɛ̃ na laabaau jiidau.

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.