Filipi 2:3 - Bibeli do fee

³ I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Filipi 2:3 Iomraidhean Croise

Mɔnda ŋa 13:10

Ara ku so lele í ya naaò ija wai, amma inɛ ŋa iyi à ya gbɔ ikɔ, aŋai à jɛ ilu bisi ŋa.

Luku 18:14

Jesu í ni, ǹ wa n sɔ̃ ŋɛi, hai bɛ inɛɛu ihɛ̃ í baa í jɛ dee dee si wajui Ilaaɔ̃ í nyiò ideɛ. Amma Farisiu kù jɛ dee dee, domi inɛ iyi í so araɛ lele aa kaye lafɛ̃ɛi, inɛ mɔ iyi í kaye araɛ aa soo lelei.

Romu 12:10

I bi njɛ ŋa, i ce kookaai i ya màò bɛɛrɛi njɛ ŋa.

Romu 13:13

I jɔ̀ ka nɛ dee dee awa iyi à jɛ inɛi inya kumá ŋa. Ka maà jɔ̀ ijɛ ku bi nwa do atɛ̃ ku mɔ nwa ku la ku caa, ka maà nɛ adɛi abo do daa bɛɛtɛkɛ ku ce, nɔ ka jɔ̀ ija do igu.

Romu 2:8

Amma inɛ ŋa iyi à waa ce idɔɔbii ara nŋa nɔ a kù waa ceò ntɔ icɛ í gbe laalɔ, aŋai aa yɛ idɔɔkɔ̃ nlaɛ.

Kɔrɛnti 1, 15:9

Ntɔ ntɔ, amui ǹ jɛ keekei woo bɛ ŋau. N kù to a kpem woo bɛ, domi ǹ kpã inɛi igbɛi Ilaaɔ̃ ŋa iju.

Kɔrɛnti 1, 3:3

si na iyi í jɔ̀ ì waa too idɔɔbii ara titã ŋa. Ntɔ ntɔ, igu do kakɔɔ í wa si anini nŋɛ, nɔ iyi bɛ wa nyisi iyi ì waa too idɔɔbii ara nŋɛi. Isɛɛnɛ nŋɛ ŋa mɔ í yɛi bɛi ti inɛi andunya ŋa.

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Galati 5:15

I maà ya maa ŋɔ njɛ ŋa bɛi mɛɛmui sako ŋa. I ce laakai ŋa ku ba i maà ce nfei njɛ ŋa.

Galati 5:26

Kù sĩa ka jɛ ilu faau, walakɔ woo kosi inɛ ŋa, walakɔ ka maa ce igu si awa duusɔ̃ɔ.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 5:21

Iŋɛ iyi ì mà bɛɛrɛi Kirisi, i ya sũa njɛ iri ilɛ ŋa.

Filipi 2:14

Mii iyi ì waa ce fei i coo ŋa kugbagba ku maà wa si walakɔ kakɔɔ,

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Kolosee 3:8

Amma nsɛi, i nyɔ mii ŋau bɛ fei ŋa, hai idɔɔkɔ̃, do mbɛɛtɛ, do inɔ sãmi. I maà ya jɔ̀ arabu walakɔ ide ku sisi ku fita hai si gɛlɛ nŋɛ ŋa.

Timɔtee 1, 6:4

lafɛ̃ɛ ilu faau nla nlai, kù mà nkãma. Amma wa ce bɔ̃ɔi kakɔɔ do ide ku fengee. Nɔ hai bɛi igu do ija do arabu wa naa, nɔ nŋui í ya jɔ̀ inɛ ŋa a ci ya naanɛ njɛ.

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.