Filipi 2:27 - Bibeli do fee

²⁷ Í ce bɔ̃ɔi ntɔ ntɔ hee í maai iku, amma Ilaaɔ̃ í ce araareɛ. Nɔ kù jɛ araarei Epafoditi nŋu akã, do ti amu takam nii, ku ba inɔ kufɔm nɔu ku maà kɔ̃ɔsi má.

Filipi 2:27 Iomraidhean Croise

Ilaalu 2, 20:1

Waati bɛɛbɛ Ezekiasi wa ce bɔ̃ɔ ku kpa inɛ. Ŋɔi walii Ezai amai Amɔɔsuu í naa í sɔ̃ɔ í ni, ide iyi Aɔ̃ Lafɛ̃ɛ í fɔ wee. Aɔ̃ Lafɛ̃ɛ í ni, awɔ Ezekiasi, sɔ̃ inɛi kpasɛ̃ɛ ŋa woodaɛ ŋa iyi ì nɛ ku jɔ̀ nŋa, domi aa kui, i kaa wɛɛ má.

Zɔɔbu 5:19

Tuuba nkpɔ nkpɔi á nyaɛ hai si wahala. Nɔ waati kãma fei á ya nyaɛi hai si mbiisi, kaa jɔ̀ laalɔ ku baɛ.

Iri ku kɔ̃ 34:19

Aɔ̃ Lafɛ̃ɛ í ya wa kɔkɔi ilu inɔ kufɔ ŋa, í ya faaba inɛ ŋa iyi a kù nɛ kpãa ku cɔ ŋa.

Ezai 27:8

[Aawo, kù ce nŋa bɛɛbɛ.] Í kpã ŋa ijui, í lele ŋa í nya ŋa hai si ilɛu. Í lele ŋai do fufu ku nɛ gbugbãi gɛlɛɛ iyi í yɛ bɛi fufui nunui daakɔ.

Ezai 38:17

Inɔ kufɔm nɔu í baa í kpaasi í jɛ laakai ku sũ. Awɔ ì ce araarem hee ì nyam wa hai si inɔ isai nfe ku ce, domi dulum dom ŋau fei, ì nyɔ ŋa do anyiɛ.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Zeremi 10:24

Aɔ̃ Lafɛ̃ɛ, kpãm iju. Amma, coo ku nɛ zaka, nɔ ku maà jɛ do idɔɔkɔ̃. Bii kù jɛ bɛɛbɛ, aa ce nfem nii mam mam.

Zeremi 45:3

Í ni, ì fɔ ì waa ni, inɔ kufɔi í jɛ titom, domi Aɔ̃ Lafɛ̃ɛ wa kɔ̃ɔsi wahala si ara kurom. Ǹ kakaa ǹ gbɛɛji, nɔ n kù ba kusĩmi.

Zeremi 8:18

Ǹ bi n yɔkɔ n kua inɔ kufɔ iyi í wa sim. Ntɔ ntɔ ǹ wa n wahala hee si lɛlɛi idɔm.

Abakuku 3:2

í ni, Aɔ̃ Lafɛ̃ɛ, ǹ gbɔ à sɔ̃m bɛi ì ce, ŋɔi í jɔ̀ ǹ mà bɛɛrɛi icɛɛu. Aɔ̃ Lafɛ̃ɛ, jɔ̀ ku ce si waati nwau ihɛ̃. Jɔ̀ inɛ ŋa a yɔɔ si waati nwau ihɛ̃. Amma si idɔɔkɔ̃ɛ, ye gigi nwa nɔ i ce araare nwa.

Woo bɛ ŋa 9:37

Ŋɔi ajɔ nŋu gɔ í na í ce bɔ̃ɔ í ku. Iyi à wɛ ikuɛ ŋɔi à koo à jilɔɔ ile lele.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Kɔrɛnti 2, 2:7

Í sĩa i kpa idei kuraraɛ i mua gbugbã ŋa ku ba inɔ kufɔ nlau ku maà caa siɛ.

Filipi 2:26

Ǹ wa n sindaɛ wai si na iyi í jɔ̀ wa bi iŋɛ fei ku yɛ ntɔ ntɔ, nɔ laakaiɛ í dede do iyi ì gbɔ ŋa kù waa nɛ baani.

Filipi 2:28

Ŋɔi í jɔ̀ ǹ wa n saasa n ba n sinda nŋɛ wa ku ba inɔ nŋɛ ku dɔ̃ má bii ì yɔɔ ŋa, nɔ inɔ kufɔi amu takam ku kaye.

Filipi 2:30

domi í maai iku si icɛi Kirisi. Í ta hundeɛ í naaò sobi iyi iŋɛ taka nŋɛ i kù ba fayaɛ i naam wa ŋa wo.