Filipi 2:26 - Bibeli do fee

²⁶ Ǹ wa n sindaɛ wai si na iyi í jɔ̀ wa bi iŋɛ fei ku yɛ ntɔ ntɔ, nɔ laakaiɛ í dede do iyi ì gbɔ ŋa kù waa nɛ baani.

Filipi 2:26 Iomraidhean Croise

Samuɛli 2, 13:39

Nɔ Davidi í jɔ̀ɔ kù waa leleɛ má, domi í tɔɔ araɛ suuru na ikui Amunɔɔu.

Samuɛli 2, 24:17

Iyi Davidi í yɛ amaleka iyi wa kpa zamaau, ŋɔi í tɔɔ Aɔ̃ Lafɛ̃ɛ í ni, amui ǹ ce dulum nɔu. Amui ǹ nɛ taaleu. To, taale yoomai inɛ ŋau ihɛ̃ mɔ à ce. Amui ì nɛ i kpã iju, amu do inɛi kpasɛ̃m ŋa.

Zɔɔbu 9:27

Bii ǹ ni an jɔ̀ kuweewea do inɔ kufɔm nɔui, nɔ n ce wɔɔkɔ,

Iri ku kɔ̃ 69:20

Ì mà bɛi à waa yaakom, ì mà anyɔ iyi à waa dasim, do bɛi à nya bɛɛrɛm. Ì nɔ ì waa yɛ mbɛɛm ŋa fei.

Mɔnda ŋa 12:25

Zigiida í ya jɔ̀ inɛ ku gbɛi, amma ide jiida í ya muaa gbugbãi.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Matie 11:28

Iŋɛ iyi ì gbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.

Matie 26:37

Ŋɔi í gbã Piɛɛ do ama minjii Zebedee ŋau à bɔ waju. Nɔ inɔ kufɔ í naa siɛ hee araɛ fei í rɔ.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Romu 1:11

domi ǹ dasi idɔ jiida jiida n naa n yɛ ŋɛ ku ba i ba gbugbã ŋa do saabum, waatɔ ka ba gbugbã ajɔ si naanɛ ku dasi nwa awaɛ ŋa waati iyi an naa n wa bi tu ŋɛ. Gbugbãu amuai Hundei Ilaaɔ̃i.

Romu 12:15

Inɛ ŋa iyi à wa si inɔ didɔ̃ i ba ŋa inɔ didɔ̃ ku kpɛ̃, inɛ ŋa mɔ iyi à waa kpata i ba ŋa ku kpata ŋa.

Romu 9:2

Inɔm í fɔ ntɔ ntɔ na Zuifu kpaasi ŋa nɔ ǹ ya n maa n ce araare nŋa waati kãma fei.

Kɔrɛnti 1, 12:26

Bii ikɔ̃i ara gɔ í ba wahala, nŋu do iyi à gbe ŋau feii à ya gbɔ ara kurou ajɔ. Bɛɛbɛ mɔi bii à saabu gɔgɔ, nŋu do iyi à gbe ŋau fei à ya nɛ inɔ didɔ̃i ajɔ.

Kɔrɛnti 2, 9:14

Aa ce nŋɛ kutɔɔ do kubi nla nla na irii didɔ̃ nlau ihɛ̃ iyi Ilaaɔ̃ í ce nŋɛ.

Galati 6:2

I sobi njɛ si aso ku so ŋa. Bii ì waa ce bɛɛbɛ ŋa ì waa jirima woodai Kirisi ŋai.

Efɛɛzu 3:13

Na nŋu, ǹ wa n tɔɔ ŋɛ i maà mɔngɔ temua ŋa na ijuukpã iyi ǹ wa n yɛ na iri nŋɛ, domi ijuukpãu, nŋui á jɔ̀ i nɛ bɛɛrɛ ŋa ntɔ ntɔ.

Filipi 1:3

Ǹ ya n maa n saabu Ilaaɔ̃ waati kãma iyi ǹ ye gigi nŋɛ fei.

Filipi 1:8

Ilaaɔ̃i í jɛ sɛɛdam iyi ǹ bi iŋɛ fei bɛi kubii Jesu Kirisi í yɛ.

Filipi 2:25

Amma nsɛi, ǹ yɛ í sĩa n jɔ̀ kpaasim Epafoditi ku nyi wa bi tu ŋɛ, nŋu iyi ì tako ì bɛ sim wa ŋa do sobi iyi ǹ biu. Nŋui í jɛ kpaasi woo ce icɛm nɔ wa bam ku jabu.

Filipi 2:27

Í ce bɔ̃ɔi ntɔ ntɔ hee í maai iku, amma Ilaaɔ̃ í ce araareɛ. Nɔ kù jɛ araarei Epafoditi nŋu akã, do ti amu takam nii, ku ba inɔ kufɔm nɔu ku maà kɔ̃ɔsi má.

Filipi 4:1

Na nŋu iŋɛ baakɔɔm ŋa, iŋɛ iyi ǹ wa n bi ku yɛ jiida jiida má, iŋɛ iyi ì ya jɔ̀ n nɛ inɔ didɔ̃, nɔ ǹ ya n tɔɔ fufu na iri nŋɛ, i jɔ̀ i leekĩ bɛɛbɛ ŋa dim dim si Lafɛ̃ɛ.

Piɛɛ 1, 1:6

Na ŋɔi í jɔ̀ ì ya nɛ inɔ didɔ̃ nla nla ŋa, baa bii í jɛ ì wa si inɔ kufɔ nsɛi ŋa si waati keeke si laakai ku cɔ dimi ikã ikã.