Filipi 2:22 - Bibeli do fee

²² Iŋɛ taka nŋɛ ì mà ŋa iyi Timɔtee í nyisi araɛ ilu naanɛ nɔ í na araɛ si icɛi laabaau jiidau ku ce do amu bɛi ama do baaɛ.

Filipi 2:22 Iomraidhean Croise

Woo bɛ ŋa 16:2

Kpaasi woo dasi naanɛ ŋa iyi à wa Lisiti do Ikonimu à ya maa fɔ jiida ku jɛɛ.

Romu 5:4

Bii à nɔ à temua si wahalau, aa ka fita bɛi inɛ iyi í jɛ igũ si laakai ku cɔ, nɔ igũ iyi à jɛu á bí nwa kpãa ku cɔ.

Kɔrɛnti 1, 16:10

Bii Timɔtee í to wa bi tu ŋɛ, i gbaa do yaase bɛi á nɛò ara ku fũ si anini nŋɛ, domi nŋu mɔ icɛi Lafɛ̃ɛi wa ce bɛi ǹ wa n ceu.

Kɔrɛnti 1, 4:17

Ŋɔi í jɔ̀ ǹ bɛ si ŋɛ Timɔtee wa, nŋu iyi í jɛ amam si kpãai Lafɛ̃ɛ. Í jɛ ilu naanɛ nɔ ǹ buu jiida. Nŋui á ye ŋɛ gigi bɛi isɛɛnɛm í yɛ si kpãai Kirisi si bɛi ǹ wa n kɔ inɛ ŋa si bii fei si igbɛi inɛi Jesu ŋa fei.

Kɔrɛnti 2, 2:9

Na ŋɔi í jɔ̀ ǹ tako ǹ kɔ nŋɛ tia wa wo n cɔ laakai nŋɛ ku ba n mà bii í jɛ ì waa jirima fei ndɛɛ ŋa.

Kɔrɛnti 2, 8:22

À waa bɛ ŋa do inɛ nwa gɔ má, inɛ iyi à cɔ laakaiɛ isɛ fɛɛfɛlo, à nɔ à yɛ í jɛ ilu himma si icɛ nkpɔ. Amma nsɛi himmaɛ í kɔ̃ɔsi domi wa naanɛ ŋɛ ntɔ ntɔ.

Kɔrɛnti 2, 8:24

Na nŋu, i nyisi ŋa iyi ì bi ŋa ŋa ntɔ ntɔ, ku ba igbɛi inɛi Jesu ŋa a mà iyi à nɛ kpãa ka tɔɔ fufu na iri nŋɛ.

Kɔrɛnti 2, 8:8

Kù jɛ woodai ǹ wa n na ŋɛ, himmai inɛ gɔ ŋai ǹ wa n sɔ̃ ŋɛ ku ba ku mu nŋɛ kpãa iyi á jɔ̀ inɛ ŋa a yɔɔ iyi kubi nŋɛu ntɔi.

Filipi 1:12

Kpaasim ŋa, ǹ bi i mà ŋa iyi mii iyi í bam nɔu ihɛ̃i í jɛ waju ku bɔi laabaau jiidau.

Filipi 1:16

Inɛ nŋu ŋau à waa cooi do kubi domi à mà iyi ǹ wa ile piisɔ̃ɔ ihɛ̃i ku ba n jabu na irii laabaau jiidau.

Filipi 1:5

si na iyi í jɔ̀ ì sobim ŋa n sisiò laabaau jiidau hai ajɔ sinteu hee ku baa nsɛi.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 2:20

Inɛ kãma kù wa bi tom ihɛ̃ má iyi awaò à nɛ lasabu akã bii kù jɛ nŋu akã, nɔ nŋu akãi lasabuɛ í wa si ŋɛ ntɔ ntɔ.

Timɔtee 1, 1:18

Timɔtee amam, ide iyi ǹ wa n jilɛɛ wee si bɛi à ce waliiɛ wo na iriɛ. Jɔ̀ idei waliiu ku jɛ jĩnɛi igũɛ iyi aa maa jabuò i ceò igũ jiida.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 2, 1:2

Amui ǹ kɔɛ tiau ihɛ̃ wa Timɔtee, awɔ iyi ǹ bi jiida nɔ ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 2, 3:10

Amma awɔ ì mà sãa sãa yaase bɛi ǹ kɔ inɛ ŋa si cio do yaase bɛi ǹ ce isɛɛnɛm bi tu ŋa, do mii ŋa iyi ǹ dasi idɔ n ce, do naanɛ ku dasim, do suurum, do kubim, do temuam.

Titee 1:4

Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.