Filipi 2:20 - Bibeli do fee

²⁰ Inɛ kãma kù wa bi tom ihɛ̃ má iyi awaò à nɛ lasabu akã bii kù jɛ nŋu akã, nɔ nŋu akãi lasabuɛ í wa si ŋɛ ntɔ ntɔ.

Filipi 2:20 Iomraidhean Croise

Iri ku kɔ̃ 55:13

Bii í jɛ mbɛɛm nii wa fɔ inɔm wo, an yɔkɔ n temua. Bii í nɔ í jɛ inɛ iyi í cém nii wa dɛdɛɛm wo, an sa n manjia.

Mɔnda ŋa 31:29

Mɔkɔu í ya maa ni, inaabo jiida nkpɔ nkpɔi í wɛɛ, amma awɔi ì re aŋa fei.

Laabaau jiida iyi Zãa í kɔ 10:13

Á sai domi na fiai wa ce icɛ, kaa nɛ araarei angudã ŋau.

Laabaau jiida iyi Zãa í kɔ 12:6

Iyi wa fɔ bɛɛbɛ kù jɛ wa ce araarei ilu are ŋau fa, amma si na iyi í jɔ̀ í jɛ ile dei. Nŋui í ya maa mu bɔgɔi fia nŋau, nɔ í ya maa ce ilei fia iyi à ya dasiu.

Romu 15:5

Ilaaɔ̃, nŋu iyi wa mu nwa temua do gbugbã, kú jɔ̀ iŋɛ duusɔ̃ɔ i nɛ anu akã ŋa si bɛi ì yɔɔ si Jesu Kirisi ŋa,

Kɔrɛnti 1, 16:10

Bii Timɔtee í to wa bi tu ŋɛ, i gbaa do yaase bɛi á nɛò ara ku fũ si anini nŋɛ, domi nŋu mɔ icɛi Lafɛ̃ɛi wa ce bɛi ǹ wa n ceu.

Filipi 2:2

Na nŋu, ǹ wa n tɔɔ ŋɛ, i jɔ̀ i ya nɛ anu akã ŋa, do kubi akã, do idɔ akã, do lasabu akã. Iyi bɛi á jɔ̀ inɔ didɔ̃m ku kɔ̃.

Filipi 2:22

Iŋɛ taka nŋɛ ì mà ŋa iyi Timɔtee í nyisi araɛ ilu naanɛ nɔ í na araɛ si icɛi laabaau jiidau ku ce do amu bɛi ama do baaɛ.

Kolosee 4:11

Jesu iyi à waa kpe Zusitu, nŋu mɔ í ce ŋɛ fɔɔ. Amanɛ mɛɛta ŋau aŋa akãi à jɛ Zuifu woo dasi Jesu naanɛ ŋa iyi à waa bam icɛ ku ce na bommai Ilaaɔ̃. À muum gbugbã ntɔ ntɔ.

Timɔtee 1, 1:2

Ǹ ceɛ tiau ihɛ̃ wai Timɔtee, awɔ iyi ì yɛ bɛi amaabím si kpãai naanɛ ku dasi. Ilaaɔ̃ Baaba do Jesu Kirisi Lafɛ̃ɛ nwa a ce araareɛ a muuɛ didɔ̃ do laakai ku sũ.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 2, 1:5

Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Timɔtee 2, 3:10

Amma awɔ ì mà sãa sãa yaase bɛi ǹ kɔ inɛ ŋa si cio do yaase bɛi ǹ ce isɛɛnɛm bi tu ŋa, do mii ŋa iyi ǹ dasi idɔ n ce, do naanɛ ku dasim, do suurum, do kubim, do temuam.

Samuɛli 1, 18:1

Si bɛi Davidi í fɔ ide wa tã, ŋɔi kubii Davidi í mu idɔi Zonatãa hee í caa. Tengi bɛ gbakã ŋɔi í sinti ku bi Davidi bɛi nŋu takaɛ.

Samuɛli 1, 18:3

Nɔ Zonatãa í dĩ akabuu do Davidi si na iyi í jɔ̀ í buu bɛi nŋu takaɛ.