Filipi 2:2 - Bibeli do fee

² Na nŋu, ǹ wa n tɔɔ ŋɛ, i jɔ̀ i ya nɛ anu akã ŋa, do kubi akã, do idɔ akã, do lasabu akã. Iyi bɛi á jɔ̀ inɔ didɔ̃m ku kɔ̃.

Filipi 2:2 Iomraidhean Croise

Iri ku kɔ̃ 122:8

Na kubii nyaanzem ŋa do kpaasim ŋa, ǹ wa n tɔɔ laakai ku sũ ku wɛɛa Zeruzalɛmu ntɔ ntɔ.

Laabaau jiida iyi Zãa í kɔ 3:29

Inɛ iyi í nɛ abo titɔ̃ nŋui í jɛ mɔkɔ titɔ̃, mà irei. Amma kpaasii mɔkɔ titɔ̃u, inɛ nŋu á leekĩi ku maa gbɔ. Nŋu mɔ í ya nɛ inɔ didɔ̃ ntɔ ntɔ waati iyi í gbɔ imui mɔkɔ titɔ̃u. Na ŋɔi í jɔ̀ nsɛi amu takam inɔ didɔ̃m í kɔ̃.

Woo bɛ ŋa 1:14

Do anu akãi inɛ ŋau fei à ya tɔtɔɔ a maa ce kutɔɔ do himma, aŋa do ifɔi Jesu ŋa do Maari iyeɛ do inaabo gɔ ŋa má.

Woo bɛ ŋa 2:1

Iyi ajɔi jingaui Pantekotu í to, ŋɔi woo dasi Jesu naanɛ ŋau fei à tɔtɔɔ inya akã.

Woo bɛ ŋa 2:46

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si.

Woo bɛ ŋa 5:12

Ŋɔi woo bɛ ŋau à wasi maamaake do nyinda nkpɔ ku ce si inɛ ŋa. Nɔ woo dasi Jesu naanɛ ŋau à ya tɔtɔɔ bantumai Salomɔɔ.

Romu 12:16

I ya nɛ anu akã ŋa, i maà jɔ̀ lasabui ara ku so ku wa si ŋɛ, amma i ya kaye ara nŋɛ ŋa. I maà ya jilɛ ara nŋɛ ilu bisi ŋa.

Kɔrɛnti 1, 1:10

Iŋɛ kpaasim ŋa, ǹ wa n tɔɔ ŋɛ do irii Lafɛ̃ɛ nwa Jesu Kirisi, i ce kookaai i ya maa gbɔsi njɛ ŋa ku ba njɛ ku fɛɛfɛ ku maà ya wa si anini nŋɛ. I jɔ̀ i nɛ anu akã dee dee ŋa, nɔ lasabu nŋɛ mɔ do mii iyi ì waa lele ŋa ku jɛ akã.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Kɔrɛnti 2, 2:3

Na ŋɔi í jɔ̀ ǹ tako ǹ kɔ nŋɛ tiau bɛ wa do yaase bɛɛbɛ. N kù bi n naa bi tu ŋɛ, iŋɛ iyi hai bi tu ŋɛi an ba inɔ didɔ̃ i fɔ inɔm ŋa. Ǹ wa n naanɛ iŋɛ fei iyi bii inɔm í dɔ̃, inɔ didɔ̃i iŋɛ feii.

Kɔrɛnti 2, 7:7

Kù jɛ kunaaɛ nŋu akãi í mu nwa gbugbã, amma iyi í ni má iŋɛ taka nŋɛ ì mua nŋu gbugbã ŋa. Í nɔ í sɔ̃ wa bɛi ì waa bi ku yɛm ŋa ntɔ ntɔ, do bɛi ì nɛ inɔ kufɔ ŋa, do bɛi ì nɛ kubim ŋa jiida. Ideɛu í jɔ̀ inɔ didɔ̃m í kɔ̃ɔsi hee í caa.

Filipi 1:4

Si kutɔɔm ŋa fei iyi ǹ ya n maa n ce na irii iŋɛ fei, ǹ ya n cooi do inɔ didɔ̃,

Filipi 2:16

nɔ i ya maa sɔ̃ ŋa idei kuwɛɛ ŋa. Bii ì waa ce bɛɛbɛ ŋa an tɔɔ fufu na iri nŋɛ si ajɔ iyi Kirisi á nyi wa, si na iyi í jɔ̀ icɛm iyi ǹ ce do kookaai kù jɛ ngbɛ.

Filipi 2:20

Inɛ kãma kù wa bi tom ihɛ̃ má iyi awaò à nɛ lasabu akã bii kù jɛ nŋu akã, nɔ nŋu akãi lasabuɛ í wa si ŋɛ ntɔ ntɔ.

Filipi 4:2

Ǹ wa n tɔɔ inaabo minji ŋau ihɛ̃ Efodi do Sɛntiki a ya jɔ̀ anu nŋa ku jɛ akã si idei Lafɛ̃ɛ.

Kolosee 2:5

Ntɔ ntɔ, baa do iyi aram í jĩò ŋɛ, lasabum í wa si ŋɛ. Nɔ ǹ nɛ inɔ didɔ̃ si na iyi í jɔ̀ inɛ fei wa ce icɛ si bɛi í jɔ, nɔ naanɛ ku dasi nŋɛ wa leekĩ si Kirisi dim dim.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Timɔtee 2, 1:4

Ǹ wa n ye gigii kukpataɛ, nŋui í jɔ̀ ǹ bi ku yɛɛ ntɔ ntɔ ku ba inɔ didɔ̃m nɔu ku kɔ̃.

Filemɔɔ 1:20

Na nŋu, awɔ inɛm, ǹ wa n tɔɔɛ i ceem didɔ̃u bɛ na irii Lafɛ̃ɛ. Tũ inɔm si kpãai Kirisi.

Zãa 2, 1:4

Ǹ nɛ inɔ didɔ̃ ntɔ ntɔ do iyi ǹ gbɔ amaɛ gɔ ŋa à waa nɛ si kpãai ntɔ, si bɛi Ilaaɔ̃ Baaba í jilɛ nwa.

Zãa 3, 1:4

N kù nɛ inɔ didɔ̃ gɔ iyi í la í re iyi ǹ gbɔ à ni amam ŋa à waa nɛ si kpãai ntɔ.