Filipi 2:17 - Bibeli do fee

¹⁷ Naanɛ ku dasi nŋɛ í yɛi bɛi kuwee iyi ì waa cea Ilaaɔ̃ ŋa. Nɔ baa bii í jɛ à kpam nii, nɔ ǹ nikã njɛm bɛi kuweei atɛ̃ vɛ̃ɛ iyi à nikã si antaii kuwee nŋɛu, do nŋu fei inɔm á dɔ̃, nɔ awaɛ ŋa ka kpɛ̃ inɔ didɔ̃u.

Filipi 2:17 Iomraidhean Croise

Kuka 28:6

Kuwee iyi à ya jo si ina fei sãa sãa ajɔ feiu bɛ, dimi akãi á jɛ do iyi à cea amu Aɔ̃ Lafɛ̃ɛ si iri kutai Sinaiu. Kuwee iyi aa jo si ina iyi inunuɛ á dɔ̃ɔm sii.

Kuka 28:7

Angudãi daakɔ iyi aa ceò kuweeu, aa naaò wai do vɛ̃ɛ liiti akã do bubu. Si inɔ ile kumáui aa dikã vɛ̃ɛu.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Romu 15:16

ǹ wa n jɛò woo ce icɛi Jesu Kirisi bi hai jɛ Zuifu ŋa. Ǹ wa n waazo laabaau jiidai Ilaaɔ̃ bɛi woo wee ku ba hai jɛ Zuifu ŋa a yɛ bɛi kuwee iyi á dɔ̃a Ilaaɔ̃ si, si na iyi í jɔ̀ Hundeɛ í cica ŋa í jɔ̀ à má.

Kɔrɛnti 2, 12:15

Inɔ didɔ̃m nii n jɛ mii iyi ǹ nɛ fei, nɔ n loò aram na hunde nŋɛ. Bii kubi nŋɛ iyi ǹ nɛ wa kɔ̃ɔsi, kubi iyi ì bim ŋa á kaye?

Kɔrɛnti 2, 4:12

Bɛɛbɛi awa si anui ikui à wa, amma iŋɛ, kuwɛɛi í jɛ tu ŋɛ.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Kɔrɛnti 2, 7:4

Ǹ wa n naanɛ ŋɛ ntɔ ntɔ, nɔ ǹ wa n tɔɔ fufu na iri nŋɛ si mii fei. Ǹ ba gbugbã na iri nŋɛ nɔ inɔm í dɔ̃ í caa si ijuukpã nwa fei.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 2:18

Bɛɛbɛ mɔi í sĩa iŋɛ mɔ i wɛɛò inɔ didɔ̃ nɔ inɔ didɔ̃ nŋɛu i kpɔ̃ɔ ŋa do amu.

Filipi 2:30

domi í maai iku si icɛi Kirisi. Í ta hundeɛ í naaò sobi iyi iŋɛ taka nŋɛ i kù ba fayaɛ i naam wa ŋa wo.

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Tɛsalonika 1, 2:8

Si na iyi í jɔ̀ à bi ŋɛ ntɔ ntɔ, à ya ka tã sɔɔlu, kù jɛ ka na ŋɛ laabaau jiidai Ilaaɔ̃ nŋu akã, amma do kuwɛɛi awa taka nwai, domi à nɛ kubi nŋɛ ntɔ ntɔ.

Timɔtee 2, 4:6

Amma amu takam, kuwɛɛm í jɛ bɛi atɛ̃i kuwee iyi à waa nikã, nɔ waati iyi an jɔ̀ andunya í maai wa.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Zãa 1, 3:16

À mà bɛi kubi í yɛ si na iyi í jɔ̀ Kirisi í na kuwɛɛɛ na iri nwa. Na nŋu, awa mɔ ka na kuwɛɛ nwa na irii kpaasi nwa ŋa.