Filipi 2:16 - Bibeli do fee

¹⁶ nɔ i ya maa sɔ̃ ŋa idei kuwɛɛ ŋa. Bii ì waa ce bɛɛbɛ ŋa an tɔɔ fufu na iri nŋɛ si ajɔ iyi Kirisi á nyi wa, si na iyi í jɔ̀ icɛm iyi ǹ ce do kookaai kù jɛ ngbɛ.

Filipi 2:16 Iomraidhean Croise

Iri ku kɔ̃ 40:9

Aɔ̃ Lafɛ̃ɛm, woodaɛ ŋa à wai si lɛlɛi idɔm nɔ idɔɔbiɛ ku cei ǹ bi.

Iri ku kɔ̃ 71:17

Ilaaɔ̃, awɔi ì kɔm hai awaasũm, nŋui í jɔ̀ hee nsɛi ǹ wa n sisi jiida ku jɛɛ ŋa.

Ezai 49:4

Amu ǹ ya n maa n nii wo, ǹ gbɛɛji aram nii si ngbɛ. Ǹ ce nfei gbugbãm ŋai si ngbɛ. Amma nsɛi wee ì jɔ̀ ǹ mà kãm kãm iyi asaiyam do ribam, í wai bi awɔ Aɔ̃ Lafɛ̃ɛm.

Matie 10:27

Iyi ǹ wa n sɔ̃ ŋɛ si ilu kuku, i fɔɔ si inya kumá ŋa. Iyi ì gbɔ si asii ŋa i cã kɛsɛɛdɛ.

Luku 12:8

Ǹ wa n sɔ̃ ŋɛi, inɛ iyi í fɔ si wajui amanɛ ŋa í ni nŋu í gbam, amu mɔ Amai Amanɛ an gba lafɛ̃ɛ si wajui amalekai Ilaaɔ̃ ŋa.

Laabaau jiida iyi Zãa í kɔ 6:63

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

Laabaau jiida iyi Zãa í kɔ 6:68

Ŋɔi Simɔɔ Piɛɛ í jɛaa í ni, Lafɛ̃ɛ, bi yooi aa ka bɔ má. Awɔi ì nɛ idei kuwɛɛ hai tã.

Woo bɛ ŋa 13:26

To, iŋɛ kpaasi ŋa, iŋɛ iyi ì jɛ dimii Aburahamu ŋa, do dimi mmu ŋa iyi ì waa jirima Ilaaɔ̃, iŋɛi à sambaa idei faabau ihɛ̃ wa.

Kɔrɛnti 1, 1:8

Jesu Kirisii á jɔ̀ i ya maa leekĩ dim dim ŋa hee kɔɔ ku ba i jɛ hai nɛ taale ŋa si ajɔ iyi á nyi wa má.

Kɔrɛnti 1, 9:26

Na ŋɔi í ce ǹ wa n sɛi bɛi inɛ iyi í nɛ mii iyi wa lele. Ǹ wa n jabu amma kù jɛ si ngbɛ.

Galati 2:2

Ǹ kooi si na iyi í jɔ̀ Ilaaɔ̃i í ni n koo. Ǹ kpe inɛ ngboi woo dasi naanɛ ŋa ikãi awaò ŋa à tɔtɔɔ nɔ ǹ sisi nŋa yaasei idei laabaau jiidau iyi ǹ ya n cea dimi mmu ŋa waazoɛu wo. Ǹ ce bɛɛbɛi si na iyi í jɔ̀ n kù bi icɛm iyi ǹ ce wo, walakɔ iyi ǹ wa n ce nsɛi ku ce nfe.

Galati 4:11

Nsɛi ǹ wa n ce njo icɛ iyi ǹ ce si gãmɛ nŋɛ ku maà ce nfe.

Filipi 1:10

ku ba i yɔkɔ i wũa mii ŋa iyi à jɛ jiida à re ŋa. Bɛɛbɛ mɔi aa jɛ inɛ kumá ŋa, nɔ si ajɔi Kirisiu i kaa nɛ taale kãma ŋa,

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Tɛsalonika 1, 2:19

Ajɔ iyi Lafɛ̃ɛ nwa Jesu á nyi wa, yoomai á jɛ kpãa ku cɔ nwa do inɔ didɔ̃ nwa. Mii aa ka tɔɔò fufu má si wajuɛ bii kù jɛ iŋɛ.

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Piɛɛ 1, 1:23

Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Zãa 1, 1:1

À waa kɔ nŋɛ si idei Jesu, nŋu iyi í wɛɛ hai sintei mii fei. Nŋui í jɛ Ideu, nɔ í jɛ icui kuwɛɛ má. À gbɔ ideɛ, nɔ à yɔɔ do iju nwa, à cɔɔ do laakai, nɔ awɔ nwa í luu.

Kuyɛi Zãa 22:17

Hundei Ilaaɔ̃ do abo titɔ̃ à fɔ à waa ni, naa wa, Lafɛ̃ɛ Jesu. Inɛ iyi wa gbɔ ideu fei nŋu mɔ ku ni ku naa wa. Inɛ iyi agbɛ wa kpa ku naa wa, inɛ mɔ iyi í bi inyi iyi í ya na inɛ ŋa kuwɛɛ ku naa ku gba, kù nɛ ku sã.