Filipi 2:13 - Bibeli do fee

¹³ domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Filipi 2:13 Iomraidhean Croise

Ilaalu 1, 8:58

amma ku sinda idɔ nwa ŋa bi tɛɛ ku ba ka ce isɛɛnɛ nwa bɛi í bi, nɔ ka maa jirima ideɛ ŋa do woodaɛ ŋa do asaiya ŋa iyi í jilɛa bala nwa ŋau.

Bomma 2, 30:12

Nɔ Ilaaɔ̃ í jɔ̀ idɔi inɛi Zudaa ŋa í jɛ akã nɔ à jɛsi a jirima ide iyi ilaaluu do inɛ ngbo ŋau à sɔ̃ ŋa.

Ɛsidarasi 1:1

Si adɔ̃ sintei bomma ku jɛi Sirusi ilaalui Pɛɛsi, Aɔ̃ Lafɛ̃ɛ í dasi idɔ nŋu ku jɔ̀ ide iyi nŋu í tako í jɔ̀ walii Zeremi í fɔu ku ce. Na ŋɔi í ce í jɔ̀ Sirusi í dasi idɔ í fɔ ideɛ si bommaɛ fei nɔ í kɔ tia má í ni,

Ɛsidarasi 1:5

Ŋɔi inɛ ngboi kpasɛ̃ ŋa si dimii Zudaa do Bɛnzamɛɛ do woo wee ŋa do inɛi Levii ŋa, aŋa iyi Ilaaɔ̃ í da nŋa si idɔ a koo a teese a ma kpasɛ̃i nŋu Zeruzalɛmu fei à waa ce sɔɔlui ku nɛ.

Ɛsidarasi 7:27

Ŋɔi Ɛsidarasi í ni, ka saabu Ilaaɔ̃ Lafɛ̃ɛi bala nwa ŋa si bɛi í ce icɛ si idɔi ilaaluu í jɔ̀ í mà bɛɛrɛi kpasɛ̃ɛ iyi í wa Zeruzalɛmu.

Neemi 2:4

Ŋɔi í beem í ni, mii ì bi n ce. Nɔ gbakã ǹ tɔɔ Ilaaɔ̃ iyi í wa lele titã

Zɔɔbu 33:29

Mii iyi Ilaaɔ̃ í ya maa cea amanɛ mbɛ waati kãma fei,

Iri ku kɔ̃ 110:3

Si ajɔ iyi aa tɔtɔɔ soogeɛ ŋau, woo mà igũ ku ce ŋau aa sìɛ. Awaasũɛ ŋa aa naa bi tɛɛi si iri kuta kumáɛ ŋa bɛi ikpãi amɛɛjuumá.

Iri ku kɔ̃ 119:36

Jɔ̀ idɔm ku wa si ideɛ ŋa. Maà jɔ̀ ku wa si amani.

Iri ku kɔ̃ 141:4

Maà jɔ̀ n nɛ lasabui laalɔ ku ce, maà jɔ̀ n maa n too kucei ilu inɔ kukã ŋa, maà jɔ̀ n jɛ jingau do aŋa.

Mɔnda ŋa 21:1

Idɔi ilaalu í yɛi bɛi acãi inyi si awɔi Aɔ̃ Lafɛ̃ɛ. Nŋui í ya maa sindaɛ bɛi í bi.

Ezai 26:12

Aɔ̃ Lafɛ̃ɛ, awɔi ì jɔ̀ laakai ku sũ wa naa si wa, domi mii iyi à waa ce fei, awɔi ì jɔ̀ wa kɔ̃ na iri nwa.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Zeremi 32:38

Aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Luku 12:32

Nɔ Jesu wa ba mɔcɔɛ ŋau ide ku fɔ má í ni, iŋɛ gaa keekem, i maà ti i ce njo ŋa, domi á dɔ̃a Baa nŋɛ si ku jɔ̀ i jɛ amaalu ŋa si bommaɛ.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Laabaau jiida iyi Zãa í kɔ 3:27

Ŋɔi Zãa í sɔ̃ ŋa í ni, inɛ gɔ kaa yɔkɔ ku ba ngɔgɔ bii kù jɛ Ilaaɔ̃i í muaa.

Laabaau jiida iyi Zãa í kɔ 6:45

Inɛ akãi walii ŋau í kɔ í ni, Ilaaɔ̃ takaɛi á na ku kɔ inɛ fei si cio. Nɔ bɛɛbɛi inɛ iyi í gbɔ idei Baaba fei nɔ í jirima cioɛ lafɛ̃ɛ á naa bi tom.

Laabaau jiida iyi Zãa í kɔ 6:65

Nɔ í ni má, na iyi ihɛ̃i í jɔ̀ ǹ sɔ̃ ŋɛ wo ǹ ni inɛ gɔ kù wɛɛ iyi á naa bi tom bii kù jɛ Ilaaɔ̃ Baabai í jɔ̀ lafɛ̃ɛ í naa.

Woo bɛ ŋa 11:21

Nɔ gbugbãi Aɔ̃ Lafɛ̃ɛ í wɛɛ nŋa, nɔ inɛ nkpɔ í kpaasi idɔ í dasi Lafɛ̃ɛ Jesu naanɛ.

Romu 12:3

Na didɔ̃ iyi Ilaaɔ̃ í muum, ǹ wa n sɔ̃ iŋɛ fei, i maà jilɛ ara nŋɛ tengi bii i kù to ŋa, amma inɛ fei ku jilɛ araɛ si zaka bɛi Ilaaɔ̃ í muaa naanɛ.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.

Romu 9:16

Na nŋu, kù jɛ na idɔɔbii inɛ gɔ, kù nɔ kù jɛ na kookaai inɛ gɔ, amma na araarei Ilaaɔ̃i.

Kɔrɛnti 1, 12:6

Gbugbãi Ilaaɔ̃ wa ce icɛ si inɛ fei ikã ikã, amma Ilaaɔ̃ akãui wa mua inɛ fei gbugbã iyi á ceò icɛ baa yooma fei.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 2, 3:5

Ntɔi, a kù to ara nwa ka ni à ce ngɔgɔ do ara nwa. Mii iyi à yɔkɔ à waa ce fei, hai bi Ilaaɔ̃i wa naa,

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:5

Si kubiɛ í lasabu wo hai ku kpɛ ku ce wa amaɛ ŋa si anu akã nwa do Jesu Kirisi, si bɛi í bi si jiida ku jɛɛ

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 2:8

Na didɔ̃i Ilaaɔ̃i ì ba faaba ŋa do saabui naanɛ ku dasi. Kù jɛ na himma nŋɛ, amuai Ilaaɔ̃i.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.