Filipi 2:12 - Bibeli do fee

¹² Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filipi 2:12 Iomraidhean Croise

Ɛsidarasi 10:3

Í sĩa ka dĩ akabuu do Ilaaɔ̃ nɔ ka lele inaabo isɛ mmu ŋau do ama nŋa ŋa fei si bɛi ì bi, awɔ do inɛ ŋa iyi à waa jirima woodai Aɔ̃ Lafɛ̃ɛ nwa fei. Í sĩa ka jirima woodai Ilaaɔ̃.

Iri ku kɔ̃ 119:120

Aram fei wa yayai na njoɛ iyi ǹ wa n ce, nɔ njo wa mum na kiitiɛ.

Iri ku kɔ̃ 2:11

I mà bɛɛrɛi Aɔ̃ Lafɛ̃ɛ nɔ i sũa iri ilɛ ŋa. I jirima inɛ ngbo ku jɛɛ nɔ i maa yaya do njo ŋa.

Mɔnda ŋa 10:16

Ribai inɛ dee deei í jɛ kuwɛɛ. Riba iyi inɛ laalɔ í ya ba, dulum nii í ya ceò.

Mɔnda ŋa 13:4

Ilu ika í ya bi mii nkpɔ amma ci ya ba nkãma, amma ilu himma í ya ba mii iyi í bi feii.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezai 66:5

I sotĩ i gbɔ bɛi Aɔ̃ Lafɛ̃ɛ í fɔ ŋa iŋɛ iyi ì waa jirima ideɛu. Ide iyi inɛ nŋɛ ŋa à fɔ wee, aŋa iyi à cé ŋɛ nɔ à kɔ̀si ŋɛ na irim, à waa ni, Aɔ̃ Lafɛ̃ɛ ku nyisi amboeɛ nɔ ka yɛ inɔ didɔ̃ nŋɛ. Amma inɛ ŋau, aŋai aa yɛ anyɔ.

Matie 11:12

Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do gbugbã, nɔ ilu gbugbã ŋai à ya baa.

Matie 11:29

I jɛsi n lesi ŋɛ zuugum nɔ i gba idei ciom ŋa, si na iyi í jɔ̀ amu amanɛ kurɔ do woo kaye arai. Bii ì jɛsi bɛɛbɛ, aa ba kusĩmi ŋa.

Woo bɛ ŋa 16:29

Ŋɔi woo degbeu í dɛ fitila í sɛi í lɔ hee ilaawa bii Pɔlu do Silasi à wau nɔ í gulɛ nŋa do kuyaya.

Woo bɛ ŋa 9:6

Dede i bɔ inɔ iluu, bɛi aa sɔ̃ɛ mii iyi aa ce.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kɔrɛnti 1, 15:58

Na nŋu, iŋɛ baakɔɔm ŋa, i leekĩ dim dim i maà tɛkɛɛ ŋa. I ce kookaai si icɛi Lafɛ̃ɛ do ajɔ fei si na iyi í jɔ̀ ì mà ŋa icɛ iyi ì waa cea Lafɛ̃ɛ kaa ce nfe ŋa.

Kɔrɛnti 1, 2:3

Nɔ waati iyi ǹ wa bi tu ŋɛu, do gbugbã hai nɛi do njo do kuyaya nla nla.

Kɔrɛnti 1, 4:14

Kù jɛ ǹ wa n kɔ iyi ihɛ̃ ku ba n dasi ŋɛ anyɔ. Amma ǹ wa n fɔ si ŋɛ idei bɛi amam ŋa iyi ǹ bi ku ba i ce laakai ŋa.

Kɔrɛnti 2, 7:15

Kubi nŋɛ iyi Titee í nɛ wa kɔ̃ɔsi si bɛi wa ye gigi iyi iŋɛ fei ì jirimaɛ nɔ ì gbaa ŋa do bɛɛrɛ nla nla.

Efɛɛzu 6:5

Iŋɛ aru ŋa, i jirima lafɛ̃ɛ nŋɛ ŋa si andunyau ihɛ̃ do bɛɛrɛ do kuyaya, ku maà jɛ do muafiti, nɔ kú yɛ bɛi Kirisii ì waa cea ŋa.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 1:29

domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Filipi 1:5

si na iyi í jɔ̀ ì sobim ŋa n sisiò laabaau jiidau hai ajɔ sinteu hee ku baa nsɛi.

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Filipi 2:19

Bii Lafɛ̃ɛ Jesu í jɛ, si ajɔ gbeejiu ihɛ̃ an bɛ Timɔtee wa bi tu ŋɛ ku ba amu mɔ n gbɔ laabaau nŋɛ nɔ ku muum gbugbã.

Filipi 4:1

Na nŋu iŋɛ baakɔɔm ŋa, iŋɛ iyi ǹ wa n bi ku yɛ jiida jiida má, iŋɛ iyi ì ya jɔ̀ n nɛ inɔ didɔ̃, nɔ ǹ ya n tɔɔ fufu na iri nŋɛ, i jɔ̀ i leekĩ bɛɛbɛ ŋa dim dim si Lafɛ̃ɛ.

Filipi 4:15

Iŋɛ inɛi Filipi ŋa, iŋɛ taka nŋɛ ì mà sãa sãa ŋa iyi hai ǹ sinti laabaau jiidau ku sìsì si waati iyi ǹ nɛ hai Masedɔni, igbɛi inɛi Jesu gɔ kù sobim bii kù jɛ iŋɛ akã, awaɛ ŋai à sobi njɛ.

Tɛsalonika 1, 1:3

À waa ye gigi nŋɛ si wajui Ilaaɔ̃ Baa nwa do yaase bɛi ì dasi naanɛ ntɔ ntɔ ŋa, do bɛi ì bi inɛ ŋa do bɛi ì ya maa cɔ kpãai Lafɛ̃ɛ nwa Jesu Kirisi dim dim ŋa.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Ebɛɛ 4:1

Kuwãi Ilaaɔ̃ iyi í ni aa ka lɔ si bi kusĩmiu í wɛɛ baa nnyi. Na nŋu, i ce laakai ku ba inɛ gɔ nŋɛ ŋa a maà na a to wa do ankãanyi nɔ a ba wee aŋa a kaa ba a lɔ bi kusĩmiu.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.