Filipi 2:11 - Bibeli do fee

¹¹ Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Filipi 2:11 Iomraidhean Croise

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 18:49

Aɔ̃ Lafɛ̃ɛ, awɔi ì ya nyam hai si awɔi mbɛɛm ŋa, awɔi ì ya jɔ̀ n jɛ ŋa igũ. Awɔi ì ya nyam hai si awɔi woo taa inɛ ŋa gbugbãu.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Matie 10:32

Na nŋu, inɛ iyi í fɔ si wajui amanɛ ŋa í ni nŋu í gbam, amu mɔ an gbaa si wajui Baam iyi í wa lele.

Luku 2:11

Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.

Laabaau jiida iyi Zãa í kɔ 12:42

Do nŋu fei, baa inɛ ngboi Zuifu ŋau nkpɔ í dasi Jesu naanɛ. Amma si bɛi à waa ce njoi Farisi ŋau a kù jɛsi si bantuma ku ba a maà na a ganji ŋa ile bii à ya ce kutɔtɔɔ ŋau ku bɔ má.

Laabaau jiida iyi Zãa í kɔ 13:13

Ì ya maa kpem Mɛɛtu do Lafɛ̃ɛ ŋa. Ntɔi ì waa fɔ ŋa, domi bɛɛbɛi ǹ jɛ.

Laabaau jiida iyi Zãa í kɔ 13:14

To, bii amu iyi ǹ jɛ Lafɛ̃ɛ do Mɛɛtu nŋɛ ǹ wiɛ kutɛ nŋɛ ŋa, í sĩa iŋɛ mɔ i ya wiɛ kutɛi njɛ ŋa.

Laabaau jiida iyi Zãa í kɔ 14:13

Nɔ mii iyi aa tɔɔɛ do irim ŋa fei an coo ku ba amu Amau n nyisiò amboei Baaba.

Laabaau jiida iyi Zãa í kɔ 14:23

Ŋɔi Jesu í jɛaa í ni, inɛ iyi í bim fei á gbɔ idem, nɔ Baam á bi lafɛ̃ɛ nɔ amu do Baam nɔu fei aa ka naa ka ce bi kuwa si idɔi lafɛ̃ɛ.

Laabaau jiida iyi Zãa í kɔ 17:1

Iyi Jesu í fɔ bɛɛbɛ í tã, ŋɔi í wu iju lele í ni, Baaba, awaati í to. Jɔ̀ amu Amaɛ n nɛ amboe ku ba amu mɔ n jɔ̀ i nɛ amboe,

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Laabaau jiida iyi Zãa í kɔ 5:23

ku ba inɛ fei ku saalu amu Amau si bɛi à waa saalu Ilaaɔ̃ Baaba. Inɛ iyi kù saalu amu Amau, Baaba iyi í bɛm wai kù saalu.

Laabaau jiida iyi Zãa í kɔ 9:22

À fɔ bɛɛbɛi si na iyi í jɔ̀ à waa ce njoi inɛ ngboi Zuifu ŋau. À waa ce njo nŋai si na iyi í jɔ̀ à ce anu akã tã à ni inɛ iyi í jɛsi iyi Jesu í jɛ inɛ iyi Ilaaɔ̃ í cica a kaa jɛ lafɛ̃ɛ ku naa ile bii à ya ce kutɔtɔɔ nŋa má.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Woo bɛ ŋa 2:36

Na ŋɔi í jɔ̀ í sĩa iŋɛ inɛi Izirɛli ŋa fei i mà iyi ihɛ̃ ŋa sãa sãa. Jesu iyi ì kpakpa si jĩi nɔu bɛ ŋa, nŋui Aɔ̃ í ce Lafɛ̃ɛ do Kirisi.

Romu 14:11

Ajɔ nŋui kukɔi idei Ilaaɔ̃u ihɛ̃ á kɔ̃ tengi bii í ni, Aɔ̃ Lafɛ̃ɛ í ni, ǹ gbasi do kuwɛɛm fei, inɛ fei á na ku gulɛ si wajum. Nɔ inɛ fei ku saabum do gɛlɛɛ.

Romu 14:9

domi Kirisi í ku nɔ í dede hai si balɛ má ku ba ku jɛ Lafɛ̃ɛi inɛ ŋa iyi à ku do inɛ ŋa iyi à wɛɛ.

Romu 15:9

Jesu í naai má ku ba dimi mmu ŋa mɔ a saabu Ilaaɔ̃ na araareɛ si bɛi kukɔi idei Ilaaɔ̃ wa fɔ í ni, na ŋɔi í jɔ̀ an maa n cĩɛ bi dimi mmu ŋa. An maa n kɔ̃ irii do iriɛ.

Kɔrɛnti 1, 12:3

Na ŋɔi í jɔ̀ ǹ wa n bi i mà ŋa, inɛ kãma iyi í jɔ̀ Hundei Ilaaɔ̃ wa gbãa fei kaa yɔkɔ ku ni a ceekpe Jesu. Nɔ inɛ gɔ kaa yɔkɔ ku ni Jesui í jɛ Lafɛ̃ɛ, bii kù jɛ Hundei Ilaaɔ̃i wa gbã lafɛ̃ɛ.

Kɔrɛnti 1, 15:47

Adamu sinteu, í naai hai si ilɛ nɔ í jɛ sãa. Adamu minjisiau í naai hai lelei Aɔ̃.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Zãa 1, 4:15

Inɛ iyi í jɛsi iyi Jesu í jɛ Amai Ilaaɔ̃, Ilaaɔ̃ í wa siɛ, nɔ lafɛ̃ɛ mɔ í wa si Ilaaɔ̃.

Zãa 1, 4:2

Yaase bɛi aa yɔkɔ i mà inɛ ŋa iyi à nɛ Hundei Ilaaɔ̃ ŋa wee. Inɛ iyi í jɛsi iyi Jesu Kirisi í baa í jɛ amanɛ do ntɔ fei, lafɛ̃ɛi í jɛ ti Ilaaɔ̃.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.

Kuyɛi Zãa 3:5

Inɛ iyi í jɛ igũi á dasi jĩnɛ fũfũ dimi bɛɛbɛ. N kaa n kpa iriɛ si tiai kuwɛɛ pai. Si bantuma an jɛsi si wajui Baam do amalekaɛ ŋa iyi inɛm nii.