Filipi 1:8 - Bibeli do fee

⁸ Ilaaɔ̃i í jɛ sɛɛdam iyi ǹ bi iŋɛ fei bɛi kubii Jesu Kirisi í yɛ.

Filipi 1:8 Iomraidhean Croise

Zɔɔbu 16:19

Bɛbɛi, ǹ nɛ sɛɛda lelei Aɔ̃, nɔ do ntɔ ǹ nɛ inɛ iyi á jɛɛm sɛɛda lele.

Ezai 16:11

Na ŋɔi í jɔ̀ ǹ wa n yaya na irii inɛi Moabu ŋa bɛi mɔɔlɔ iyi à waa cã, nɔ idɔm í wa si inɛi Kii-Haresɛti ŋa.

Ezai 63:15

Aɔ̃ Lafɛ̃ɛ, cɔ hai lele bi kuwa kumá ilu bɛɛrɛɛu wa aa yɛ mii iyi wa ba wa. Hee iwoi kubi nla nlaɛ do jiida ku jɛɛu í wa. Hee iwoi araareɛ do kubiɛu í wa. Ì gɛɛ kubiɛu ì kɔ̀ ku nyisi awa zamaaɛ ŋau.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Romu 1:9

Ilaaɔ̃, nŋu iyi ǹ wa n cea icɛ do idɔm fei ǹ wa n sisiò laabaau jiidai Amaɛ, í mà iyi ǹ wa n ye gigi nŋɛ waati kãma fei

Romu 9:1

Ntɔi ǹ wa n fɔ, amu inɛi Kirisi, n kaa n sɔ ibo. Idɔm do Hundei Ilaaɔ̃ à jɛsi iyi ntɔi.

Kɔrɛnti 2, 13:9

À wɛɛò inɔ didɔ̃ ka jɛ hai nɛ gbugbã ŋa bii ntɔ ntɔ iŋɛ ì nɛ gbugbã ŋa. Nɔ nŋu mɔm nii à waa tɔɔ Ilaaɔ̃ ku ba i kɔ̃ ŋa.

Kɔrɛnti 2, 6:12

Kubi nwa kù kaye si gãmɛ nŋɛ, amma iŋɛi i kù na wa ara.

Kɔrɛnti 2, 7:15

Kubi nŋɛ iyi Titee í nɛ wa kɔ̃ɔsi si bɛi wa ye gigi iyi iŋɛ fei ì jirimaɛ nɔ ì gbaa ŋa do bɛɛrɛ nla nla.

Galati 1:20

Iyi ǹ wa n kɔu ihɛ̃ ntɔi. Ilaaɔ̃i í jɛ sɛɛdam, kù jɛ iboi ǹ wa n sɔ.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Galati 4:19

Iŋɛ amam ŋa, bɛi inaabo iyi wa bi ku bí í ya gbɔ ara kuro, bɛɛbɛ mɔi amu mɔ ǹ wa n gbɔ ara kuro má hee i koo i jɛò mɔcɔi Kirisi ŋa ntɔ ntɔ.

Filipi 2:1

Ì mà sãa sãa ŋa, naanɛ iyi ì dasi Kirisi ŋa wa mu nŋɛ gbugbã. Kubiɛ wa dasi ŋɛ himma. Hundei Ilaaɔ̃ í jɔ̀ ì nɛ anu akã ŋa. Araarei Kirisi do jiida ku jɛɛ í wa si anini nŋɛ.

Filipi 2:26

Ǹ wa n sindaɛ wai si na iyi í jɔ̀ wa bi iŋɛ fei ku yɛ ntɔ ntɔ, nɔ laakaiɛ í dede do iyi ì gbɔ ŋa kù waa nɛ baani.

Filipi 4:1

Na nŋu iŋɛ baakɔɔm ŋa, iŋɛ iyi ǹ wa n bi ku yɛ jiida jiida má, iŋɛ iyi ì ya jɔ̀ n nɛ inɔ didɔ̃, nɔ ǹ ya n tɔɔ fufu na iri nŋɛ, i jɔ̀ i leekĩ bɛɛbɛ ŋa dim dim si Lafɛ̃ɛ.

Kolosee 2:1

Ǹ bi i mà ŋa bɛi kujabum í la í to na iri nŋɛ do inɛi Laodisee ŋa do inɛ ŋa iyi a kù yɛm do iju fei.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Tɛsalonika 1, 2:5

Iŋɛ taka nŋɛ ì mà sãa sãa ŋa nɔ Ilaaɔ̃ í jɛ sɛɛda nwa iyi a kù lɛlɛ ŋɛ do ide didɔ̃ gɔ, a kù nɔ a kù ce waazou ku ba ka gba fia nŋɛ.

Tɛsalonika 1, 2:8

Si na iyi í jɔ̀ à bi ŋɛ ntɔ ntɔ, à ya ka tã sɔɔlu, kù jɛ ka na ŋɛ laabaau jiidai Ilaaɔ̃ nŋu akã, amma do kuwɛɛi awa taka nwai, domi à nɛ kubi nŋɛ ntɔ ntɔ.

Timɔtee 2, 1:4

Ǹ wa n ye gigii kukpataɛ, nŋui í jɔ̀ ǹ bi ku yɛɛ ntɔ ntɔ ku ba inɔ didɔ̃m nɔu ku kɔ̃.

Filemɔɔ 1:12

Nsɛi ǹ bɔɔ wai bi tɛɛ, nŋu iyi ǹ bi bɛi arai amu takam.

Filemɔɔ 1:20

Na nŋu, awɔ inɛm, ǹ wa n tɔɔɛ i ceem didɔ̃u bɛ na irii Lafɛ̃ɛ. Tũ inɔm si kpãai Kirisi.

Zãa 1, 3:17

Bii inɛ gɔ í nɛ amani si andunyau ihɛ̃, nɔ í yɛ kpaasiɛ í wa si are nɔ í toaa anyi, bɛirei kubii Ilaaɔ̃ á ce ku wa si inɛɛu bɛ.