Filipi 1:6 - Bibeli do fee

⁶ Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Filipi 1:6 Iomraidhean Croise

Iri ku kɔ̃ 138:8

Awɔ Aɔ̃ Lafɛ̃ɛ aa ce iyi bɛi na irim. Awɔ iyi jiida ku jɛɛ kù nɛ kɔɔ, maà fũsi inɛ ŋa iyi ì taka awɔ.

Laabaau jiida iyi Zãa í kɔ 6:29

Ŋɔi Jesu í jɛ nŋa í ni, icɛ iyi Ilaaɔ̃ í bi si ŋɛi í jɛ i dasi amu woo bɛɛ naanɛ ŋa.

Woo bɛ ŋa 11:18

Iyi inɛ ŋau à gbɔ ideu, ŋɔi idɔ nŋa í tũ, nɔ à saabu Ilaaɔ̃ à waa ni, debɛi, Ilaaɔ̃ í mua hee do dimi mmu ŋa mɔ kpãa a kpaasiò idɔ nŋa a baò kuwɛɛ hai tã.

Woo bɛ ŋa 16:14

Abo gɔ í wa bɛ à ya kpoo Lidi, inɛi Tiatiii, í ya ta acɔi fia nkpɔ nɔ í ya maa jirima Ilaaɔ̃. Iyi à waa ba ŋa ide ku fɔ nɔ wa de itĩ, nɔ Lafɛ̃ɛ í cĩ idɔɛ ku ba ku gbɔ ide iyi Pɔlu wa fɔ.

Kɔrɛnti 1, 1:8

Jesu Kirisii á jɔ̀ i ya maa leekĩ dim dim ŋa hee kɔɔ ku ba i jɛ hai nɛ taale ŋa si ajɔ iyi á nyi wa má.

Kɔrɛnti 2, 1:15

Na saabui ideu ihɛ̃i í jɔ̀ ǹ tako ǹ dasi idɔ n bɔ bi tu ŋɛ ku ba i ba didɔ̃ ikɔ minji ŋa.

Kɔrɛnti 2, 2:3

Na ŋɔi í jɔ̀ ǹ tako ǹ kɔ nŋɛ tiau bɛ wa do yaase bɛɛbɛ. N kù bi n naa bi tu ŋɛ, iŋɛ iyi hai bi tu ŋɛi an ba inɔ didɔ̃ i fɔ inɔm ŋa. Ǹ wa n naanɛ iŋɛ fei iyi bii inɔm í dɔ̃, inɔ didɔ̃i iŋɛ feii.

Kɔrɛnti 2, 7:16

Ǹ nɛ inɔ didɔ̃ do iyi an yɔkɔ n dasi ŋɛ naanɛ si mii fei.

Kɔrɛnti 2, 9:4

Bii kù jɛ bɛɛbɛ, bii inɛi Masedɔni gɔ ŋa à sim wa, nɔ à na à ba i kù ce sɔɔlu ŋa, naanɛ nwa iyi à nɛ si ŋɛ á kpaasi anyɔ. Aa fɔ idei iŋɛ má?

Galati 5:10

Amma Lafɛ̃ɛ í jɔ̀ ǹ wa n naanɛ ŋɛ iyi i kaa ce lasabu gɔ iyi í jɛ ikã do lasabu iyi ǹ ceu bɛ ŋa. Inɛ mɔ iyi wa bitandi ŋɛ, baa bii yooi Ilaaɔ̃ á kpãa iju.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Filipi 1:10

ku ba i yɔkɔ i wũa mii ŋa iyi à jɛ jiida à re ŋa. Bɛɛbɛ mɔi aa jɛ inɛ kumá ŋa, nɔ si ajɔi Kirisiu i kaa nɛ taale kãma ŋa,

Filipi 1:29

domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Filipi 2:16

nɔ i ya maa sɔ̃ ŋa idei kuwɛɛ ŋa. Bii ì waa ce bɛɛbɛ ŋa an tɔɔ fufu na iri nŋɛ si ajɔ iyi Kirisi á nyi wa, si na iyi í jɔ̀ icɛm iyi ǹ ce do kookaai kù jɛ ngbɛ.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Tɛsalonika 1, 1:3

À waa ye gigi nŋɛ si wajui Ilaaɔ̃ Baa nwa do yaase bɛi ì dasi naanɛ ntɔ ntɔ ŋa, do bɛi ì bi inɛ ŋa do bɛi ì ya maa cɔ kpãai Lafɛ̃ɛ nwa Jesu Kirisi dim dim ŋa.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Tɛsalonika 2, 3:4

Lafɛ̃ɛ í jɔ̀ à dasi ŋɛ naanɛ. À mà iyi mii iyi à jilɛ nŋɛu ì waa coo ŋa, nɔ bɛɛbɛi aa ce i maa koo ŋa.

Filemɔɔ 1:21

Ǹ ceɛ tiau ihɛ̃ wai si na iyi í jɔ̀ ǹ wa n naanɛɛ iyi aa jirima ide iyi ǹ wa n fɔu, nɔ ǹ mà kãm kãm aa ce ku re baa iyi ǹ wa n tɔɔɛu.

Ebɛɛ 10:35

Na nŋu, i maà fũsi naanɛ iyi ì dasi awɔ ŋa, domi ribaɛ í la.

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Piɛɛ 2, 3:10

Do nŋu fei, ajɔi Lafɛ̃ɛ á naai bɛi ile. Si ajɔ nŋui, lele á kpa iri do iba nla nla. Mii iyi í wa bɛ fei á yɔ si ina nɔ ilɛ do mii iyi í wa si fei á kpa iri.