Filipi 1:5 - Bibeli do fee

⁵ si na iyi í jɔ̀ ì sobim ŋa n sisiò laabaau jiidau hai ajɔ sinteu hee ku baa nsɛi.

Filipi 1:5 Iomraidhean Croise

Woo bɛ ŋa 2:42

Nɔ à ya gbɔ cio iyi woo bɛ ŋau à ya maa kɔ ŋa siu fei, nɔ à ya maa wɛɛ do anu akã, à ya maa jɛ ijɛ iyi aa yeò gigii ikui Jesu, nɔ à ya maa ce kutɔɔ ajɔ.

Romu 11:17

Amma nsɛi à cafe amaawɔ gɔ ŋa hai si jĩi ndii olivi, nɔ iŋɛ iyi ì jɛ amaawɔi jĩi ndii sako, iŋɛi à sãsi agbɛ nŋa. Nsɛi wee iŋɛ mɔ ì waa ba inyi iyi wa naa si amaawɔ ŋau hai si icãu.

Romu 12:13

I ya sobi inɛ ŋa iyi à jɛ ti Ilaaɔ̃ si bukaatai mii iyi à bi. Nɔ i ya yaaɛ inɛ njoo ŋa.

Romu 15:26

domi woo dasi Jesu naanɛ ŋa iyi à wa ilɛi Masedɔni do ilɛi Gɛrɛsi à tɔtɔɔ fia do inɔ akã na ilu are ŋa iyi à wa si inɔi woo dasi Jesu naanɛ ŋau Zeruzalɛmu bɛ.

Kɔrɛnti 1, 1:9

Ilaaɔ̃ ilu naanɛi, nŋu iyi í kpe ŋɛ i ce anu akã ŋa do Amaɛ Jesu Kirisi Lafɛ̃ɛ nwa.

Kɔrɛnti 2, 8:1

Iŋɛ kpaasim ŋa, à bi i mà ŋa bɛi Ilaaɔ̃ í cea igbɛi inɛi Jesu ŋa iyi à wa ilɛi Masedɔni didɔ̃.

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Filipi 1:12

Kpaasim ŋa, ǹ bi i mà ŋa iyi mii iyi í bam nɔu ihɛ̃i í jɛ waju ku bɔi laabaau jiidau.

Filipi 1:16

Inɛ nŋu ŋau à waa cooi do kubi domi à mà iyi ǹ wa ile piisɔ̃ɔ ihɛ̃i ku ba n jabu na irii laabaau jiidau.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filipi 2:22

Iŋɛ taka nŋɛ ì mà ŋa iyi Timɔtee í nyisi araɛ ilu naanɛ nɔ í na araɛ si icɛi laabaau jiidau ku ce do amu bɛi ama do baaɛ.

Filipi 4:3

Awɔ mɔ woo ce icɛ kpaasim, awɔ iyi ì jɛ ilu naanɛ, ǹ wa n tɔɔɛi i sobi inaabo minji ŋau bɛ. Aŋai à bam kujabu wo si laabaau jiidau ku sisiɛ, aŋa do Kelema do woo ce icɛ kpaasim ŋa iyi à gbe fei, aŋa iyi iri nŋa í wa si tiai kuwɛɛ.

Filemɔɔ 1:17

Na nŋu, bii ì waa kam bɛi kpaasiɛ, gba nŋu mɔ bɛi aa gba amu takam.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.