Filipi 1:29 - Bibeli do fee

²⁹ domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Filipi 1:29 Iomraidhean Croise

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Woo bɛ ŋa 13:39

Inɛ iyi í dasiɛ naanɛ fei, nŋui á jɔ̀ lafɛ̃ɛ ku jɛ dee dee bi Ilaaɔ̃. Amma woodai Moizi kaa yɔkɔ ku ce bɛɛbɛ.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Woo bɛ ŋa 14:27

Iyi à to Antiɔsi ŋɔi à tɔtɔɔ inɛi igbɛi Jesu ŋa nɔ à sisi nŋa mii iyi Ilaaɔ̃ í cea aŋa fei do si bɛi í ceò kpãa hai jɛ Zuifu ŋa mɔ à dasiò naanɛ.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 5:3

Iyi í re mɔm, baa si wahala à ya ka nɛ inɔ didɔ̃i domi à mà iyi wahala í ya bí temua.

Efɛɛzu 2:8

Na didɔ̃i Ilaaɔ̃i ì ba faaba ŋa do saabui naanɛ ku dasi. Kù jɛ na himma nŋɛ, amuai Ilaaɔ̃i.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Zaaki 1:2

Kpaasim ŋa, dimii laakai ku cɔ iyi á naa si ŋɛ fei i ya jɔ̀ ku jɛ nŋɛ inɔ didɔ̃ nla nla,

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.