Filipi 1:28 - Bibeli do fee

²⁸ I maà jɔ̀ mbɛɛ nŋɛ ŋa a da zigi nŋɛ si nkãma. Nŋui á nyisi ŋa iyi aŋai à waa bɔ nfe ku ce, nɔ ku nyisi iŋɛ mɔ iyi ì wa si kpãai faaba ŋa. Iyi bɛ fei wa naai hai bi Ilaaɔ̃,

Filipi 1:28 Iomraidhean Croise

Kusintii Andunya 49:18

Aɔ̃ Lafɛ̃ɛ, ǹ wa n cɔ kpãai faabaɛ.

Iri ku kɔ̃ 50:23

Inɛ iyi í mà bɛɛrɛm, saabui í nɛ ku jɛ kuwee iyi á ya ceem. Nɔ inɛ iyi wa ce laakai si isɛɛnɛɛ, an faabaɛ.

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Ezai 51:12

Ŋɔi Aɔ̃ Lafɛ̃ɛ í ni, amui ǹ wa n mu nŋɛ gbugbã, nɔ ntɔ ntɔ amu akãi ǹ wa n mu nŋɛ gbugbã. Iŋɛ inɛm ŋa, na mii í ce ì waa ce njoi amanɛ ŋa, aŋa iyi aa na a ku nɔ a kpa iri bɛi fɔfɔ ŋa.

Ezai 51:7

I sotĩ i gbɔ idem ŋa, iŋɛ iyi ì mà mii iyi í jɛ dee dee, iŋɛ iyi woodam í wa si idɔ nŋɛ. I maà ce njoi taale ŋa iyi amanɛ ŋa aa ce nŋɛ nɔ i maà jɔ̀ zigi nŋɛ ku da do arabu nŋa ŋa.

Matie 10:28

I maà ce njoi inɛ ŋa iyi aa kpa ara nŋu akã, nɔ a kaa yɔkɔ a kpa hunde. Amma i ce njoi inɛ iyi á yɔkɔ ku kpa ara do hunde ajɔ si ina iyi ci ya ku.

Maaku 3:3

Ŋɔi Jesu í sɔ̃ inɛ iyi awɔɛ í kuu í ni, dede i leekĩ si anini nŋa bɛ.

Luku 3:6

Inɛ fei á yɛ bɛi Ilaaɔ̃ wa faaba wa.

Laabaau jiida iyi Zãa í kɔ 16:8

Waati iyi á to wa nŋui á nyisi inɛi andunya ŋa iyi à jɛ ilu dulum ŋa, nɔ ku jɔ̀ inɛ ŋa a mà mii iyi í jɛ dee dee, nɔ ku jɔ̀ a mà iyi Ilaaɔ̃ á kiiti inɛ ŋa.

Woo bɛ ŋa 28:28

Ŋɔi Pɔlu í sɔ̃ ŋa má í ni, na nŋu, i mà ŋa iyi Ilaaɔ̃ í jɔ̀ idei faabaɛ í bɔ bi dimi mmu ŋa. Aŋai aa gbɔɔ. [

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Tɛsalonika 1, 2:2

Ì mà ŋa iyi à bú wa, à kpã wa iju Filipi à bɛi à naa bi tu ŋɛ. Do nŋu fei, Ilaaɔ̃ í mu nwa wɔɔkɔ à sisiò laabaau jiidaɛ si anini nŋɛ, baa do iyi inɛ ŋa à bi a ganji wa ntɔ ntɔ.

Ebɛɛ 13:6

Na nŋu, aa ka yɔkɔ ka cã gɛndɛ ka ni, Aɔ̃ Lafɛ̃ɛ í jɛ inɛ iyi á sobim. Njo kù waa mum. Mii amanɛ á yɔkɔ ku ceem.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.