Filipi 1:27 - Bibeli do fee

²⁷ Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 1:27 Iomraidhean Croise

Bomma 1, 19:12

Ŋɔi í sɔ̃ ifɔɛu í ni, bii inɛi Siri ŋa à waa kãmiam naa i sobim. Bii inɛi Amɔɔ ŋa mɔi à na à waa kãmiaɛ, an sobiɛ.

Iri ku kɔ̃ 122:3

À ma Zeruzalɛmui í sĩa. À maai í tɔtɔɔ í jɛ akã.

Iri ku kɔ̃ 133:1

Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Í sĩa nɔ í jɛ inɔ didɔ̃, bii nyaanze akã ŋa à wa inya akã.

Mɔnda ŋa 22:23

domi Aɔ̃ Lafɛ̃ɛi á gba nŋa nɔ ku nya hundei inɛ ŋa iyi à gba amani nŋa ŋa.

Zeremi 32:39

An jɔ̀ a nɛ idɔ akã do isɛɛnɛ akã ku ba a ya maa mà bɛɛrɛm hee do ajɔ fei na aranfãanii aŋa taka nŋa do na ti ama nŋa ŋa si anyi nŋa.

Matie 12:25

Si bɛi Jesu í mà lasabu nŋa, ŋɔi í sɔ̃ ŋa í ni, bomma iyi inɛɛ ŋa à waa ja aŋa duusɔ̃ɔ á na ku gbe ngbɛ. Bɛɛbɛ mɔi ilu walakɔ kpasɛ̃ gɔ iyi inɛɛ ŋa à waa ja aŋa duusɔ̃ɔ kaa na ku kpɛ.

Woo bɛ ŋa 2:46

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si.

Woo bɛ ŋa 24:24

Iyi waati í lɔ keeke ŋɔi Felisi í naa do Dusila aboɛ. Abou Zuifui. Ŋɔi í ni a koo a kpe Pɔlu wa. Iyi í to wa nɔ à waa desiɛ itĩ si bɛi wa fɔ idei naanɛ ku dasi si Jesu Kirisi.

Woo bɛ ŋa 4:32

Akpɔi woo dasi Jesu naanɛ ŋau í kɔ̃ɔsi nɔ aŋa fei à nɛ anu akã. Inɛ gɔ ci ya ni mii iyi nŋu í nɛ ti nŋu akãi amma mii iyi à nɛ fei ti aŋa feii.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 1:5

Jesuu nŋui í muum didɔ̃ ǹ jɛò woo bɛ ku ba n naaò inɛ ŋa wa hai si dimi fei bi tɛɛ na iriɛ ku ba a dasiɛ naanɛ nɔ a jirimaɛ.

Romu 1:9

Ilaaɔ̃, nŋu iyi ǹ wa n cea icɛ do idɔm fei ǹ wa n sisiò laabaau jiidai Amaɛ, í mà iyi ǹ wa n ye gigi nŋɛ waati kãma fei

Romu 10:8

Debɛi, bɛirei ideu wa fɔ. Bɛi wa fɔ wee. Ide iyi ì waa dɛdɛu kù jĩiɛ, í wa si gɛlɛɛ mɔm do si idɔɛ. Ideu nŋui í jɛ idei naanɛ ku dasi iyi à waa waazo, iyi í ni,

Romu 15:16

ǹ wa n jɛò woo ce icɛi Jesu Kirisi bi hai jɛ Zuifu ŋa. Ǹ wa n waazo laabaau jiidai Ilaaɔ̃ bɛi woo wee ku ba hai jɛ Zuifu ŋa a yɛ bɛi kuwee iyi á dɔ̃a Ilaaɔ̃ si, si na iyi í jɔ̀ Hundeɛ í cica ŋa í jɔ̀ à má.

Romu 15:29

Ǹ mà iyi kutom wa bi tu ŋɛ bɛ á jɔ̀ Kirisi ku wee nŋɛ si mii nkpɔ nkpɔ.

Kɔrɛnti 1, 1:10

Iŋɛ kpaasim ŋa, ǹ wa n tɔɔ ŋɛ do irii Lafɛ̃ɛ nwa Jesu Kirisi, i ce kookaai i ya maa gbɔsi njɛ ŋa ku ba njɛ ku fɛɛfɛ ku maà ya wa si anini nŋɛ. I jɔ̀ i nɛ anu akã dee dee ŋa, nɔ lasabu nŋɛ mɔ do mii iyi ì waa lele ŋa ku jɛ akã.

Kɔrɛnti 1, 15:58

Na nŋu, iŋɛ baakɔɔm ŋa, i leekĩ dim dim i maà tɛkɛɛ ŋa. I ce kookaai si icɛi Lafɛ̃ɛ do ajɔ fei si na iyi í jɔ̀ ì mà ŋa icɛ iyi ì waa cea Lafɛ̃ɛ kaa ce nfe ŋa.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 9:13

Amuau á dɔ̃a inɛ ŋa si hee ku jɔ̀ a maa saabu Ilaaɔ̃ do yaase bɛi ì waa jirimaɛ ŋa. Ilaaɔ̃ ku jirima nŋɛi wa nyisi iyi ì dasi laabaau jiidai Kirisi naanɛ ŋa. Nɔ aa nyi a saabuɛ má do yaase bɛi ì ce ikpɛ̃i amani nŋɛ do inɔ akã do aŋa hee do inɛ ŋa iyi à gbe fei.

Galati 1:7

Ntɔ ntɔ, laabaau jiida kãma gɔ kù wɛɛ má. Amma inɛ gɔ ŋa à waa fɔ́ lasabu nŋɛ dei, nɔ à waa bi a kpaasi laabaau jiidai Kirisiu.

Efɛɛzu 1:13

Nɔ iŋɛ dimi mmu ŋa mɔ, ajɔ iyi ì gbɔ ide ntɔu iyi í jɛ laabaau jiida iyi wa naa nŋɛ faaba wa, waati bɛɛbɛi iŋɛ mɔ ì dasi Kirisi naanɛ ŋa. Nɔ Ilaaɔ̃ í dasi nyindai nŋu takaɛ si ŋɛ. Nyindau nŋui í jɛ Hunde iyi í da nŋɛ si si bɛi í ce kuwãɛ wo.

Efɛɛzu 1:15

Na saabui ide ŋau bɛ feii í jɔ̀ hai waati iyi ǹ gbɔ baaui naanɛ ku dasi nŋɛ si Lafɛ̃ɛ Jesu do bɛi ì bi woo dasiɛ naanɛ ŋa fei,

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Filipi 1:5

si na iyi í jɔ̀ ì sobim ŋa n sisiò laabaau jiidau hai ajɔ sinteu hee ku baa nsɛi.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filipi 2:24

Ǹ nɛ naanɛ iyi Lafɛ̃ɛ á jɔ̀ amu takam n naa bi tu ŋɛ bɛ si ajɔ gbeejiu ihɛ̃.

Filipi 3:18

Ǹ sɔ̃ ŋɛ tã isɛ fɛɛfɛlo, nɔ ǹ nyi ǹ wa n sisi nŋɛ má do kukpata, inɛ nkpɔ í wɛɛ iyi wa jɛ mbɛɛi idei ikui Kirisi si jĩi ku gaauu.

Filipi 3:20

Amma awa, lelei Aɔ̃i í jɛ ilu nwa. Hai bɛi à waa degbe woo faaba nwa Lafɛ̃ɛ Jesu Kirisi ku nyi wa.

Filipi 4:1

Na nŋu iŋɛ baakɔɔm ŋa, iŋɛ iyi ǹ wa n bi ku yɛ jiida jiida má, iŋɛ iyi ì ya jɔ̀ n nɛ inɔ didɔ̃, nɔ ǹ ya n tɔɔ fufu na iri nŋɛ, i jɔ̀ i leekĩ bɛɛbɛ ŋa dim dim si Lafɛ̃ɛ.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Tɛsalonika 1, 3:6

Amma nsɛi iyi Timɔtee í baa hai bi tu ŋɛ, í sɔ̃ wa laabaau jiidai naanɛ ku dasi nŋɛ do kubi nŋɛ. Í sɔ̃ wa iyi ì ya maa ye gigi nwa do kubi ŋa nɔ ì waa bi ku yɛ wa ntɔ ntɔ si bɛi awa taka nwa mɔ à waa bi ku yɛ ŋɛ.

Tɛsalonika 1, 4:1

Iŋɛ inɛ nwa ŋa, à kɔ nŋɛ si bɛi í sĩa i maa nɛ ŋa ku ba ku dɔ̃a Ilaaɔ̃ si. Ntɔi, ì waa ce bɛɛbɛ tã ŋa. Amma iyi í gbe nsɛi à waa tɔɔ ŋɛ do irii Lafɛ̃ɛ Jesu, i hanya i ce bɛɛbɛ i maa koo ŋa.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Titee 2:10

nɔ a maà ya ce ŋa ile, amma a nyisi ara nŋa iyi aŋa à jɛ ilu naanɛ si mii fei. Bɛɛbɛi inɛ ŋa aa màò bɛɛrɛi cioi Ilaaɔ̃ woo faaba nwa.

Filemɔɔ 1:5

domi ǹ wa n gbɔ baaui naanɛɛ iyi ì dasi Lafɛ̃ɛ Jesu do bɛi ì bi woo dasi Jesu naanɛ ŋa fei.

Zaaki 3:18

Inɛ ŋa iyi à waa dɛ anu akã à ya ce kuwɛɛ nŋa feii si laakai ku sũ. Laakai ku sũu í yɛi bɛi dimi iyi à waa gbɛ̃ nɔ mii iyi aa na a da nŋui í jɛ kuwɛɛ dee dee.

Piɛɛ 2, 3:11

Na nŋu, si bɛi mii ŋau fei á ce nfe bɛɛbɛ, i jɔ̀ i mà sãa sãa ŋa zaka bɛi í sĩa isɛɛnɛ nŋɛ ku maa má nɔ i mà bɛɛrɛi Ilaaɔ̃ ŋa.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.