Filipi 1:26 - Bibeli do fee

²⁶ Si bɛɛbɛ aa ba kpãa i saabu Jesu Kirisi ŋa do inɔ didɔ̃ na irim si waati iyi an na n wa anini nŋɛ má.

Filipi 1:26 Iomraidhean Croise

Iri ku kɔ̃ iyi í dɔ̃ í re 5:1

ǹ lɔ si inɔ lambom awɔ wecĩm, awɔ iyi à ceem kuwãɛ. Ǹ ka isoi miru do isoi jĩi mmu ŋa iyi à nɛ inunu jiida ŋau. Ǹ jɛ nyikɔ̃ fãfãm, nɔ ǹ mɔ vɛ̃ɛm do amɔm. I jɛ ŋa iŋɛ iyi i bi njɛ ŋa, i mɔ ŋa hee kubiu ku kpa ŋɛ bɛi atɛ̃ vɛ̃ɛ.

Laabaau jiida iyi Zãa í kɔ 16:22

Bɛɛbɛi iŋɛ mɔ ì wɛɛò inɔ kufɔ si nsɛi ŋa. Amma an na n yɛ ŋɛ má, aa wɛɛò inɔ didɔ̃ ŋa, nɔ inɛ gɔ kaa yɔkɔ ku nya inɔ didɔ̃ nŋɛu.

Laabaau jiida iyi Zãa í kɔ 16:24

Hee nsɛi i kù tɔɔ ngɔgɔ do irim ŋa. I tɔɔ, aa ba ŋa ku ba inɔ didɔ̃ nŋɛ ku kɔ̃.

Kɔrɛnti 2, 5:12

Kù jɛ à waa tɔɔ fufu bi tu ŋɛ. Amma à waa bi i ba yaase bɛi aa ce i wɛɛò inɔ didɔ̃ ŋai na iri nwa. Bɛɛbɛi aa ba bɛi aa jɛa inɛ ŋa iyi à waa tɔɔ fufu na mii ŋa iyi à waa yɛ nŋu akã, nɔ à fũsi iyi í jɛ ti idɔu awɔ.

Kɔrɛnti 2, 7:14

Baa bii ǹ tɔɔ fufu keeke bi tɛɛ na iri nŋɛ wo, i kù dasim anyɔ ŋa. Do yaase bɛi ide ŋa iyi à sɔ̃ ŋɛu fei ntɔi, bɛɛbɛ mɔi Titee í yɔɔ iyi fufu ku tɔɔ nwa si ntɔi.

Kɔrɛnti 2, 7:4

Ǹ wa n naanɛ ŋɛ ntɔ ntɔ, nɔ ǹ wa n tɔɔ fufu na iri nŋɛ si mii fei. Ǹ ba gbugbã na iri nŋɛ nɔ inɔm í dɔ̃ í caa si ijuukpã nwa fei.

Kɔrɛnti 2, 7:6

Amma Ilaaɔ̃, nŋu iyi wa mua ilu inɔ kufɔ ŋa gbugbã, í jɔ̀ kunaai Titee í mu nwa gbugbã.

Galati 6:4

I jɔ̀ inɛ fei ku wusɛ daai nŋu takaɛ nɔ ku yɛ si bii nŋu á tɔɔ fufu, amma ku maà tɔɔ fufu na iyi nŋu í re inɛ gɔ,

Filipi 3:1

Nsɛi iŋɛ inɛm ŋa, i ya jɔ̀ i wɛɛ do inɔ didɔ̃ ŋa do iyi ì jɛ ti Lafɛ̃ɛ ŋa. Bi tom, n kaa n gbɛɛjiò ide akãu ku kɔ nŋɛ wa, domi ǹ mà iyi á mu nŋɛ gbugbã.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Filipi 4:10

Ǹ nɛ inɔ didɔ̃ ntɔ ntɔ do iyi ǹ yɛ ì waa ce lasabum má ŋa, nɔ ǹ wa n saabu Lafɛ̃ɛ. N kaa n yɔkɔ n ni i ci ya ce lasabum ŋa, faya dei i ci ya ba ŋa.

Filipi 4:4

I ya jɔ̀ inɔ nŋɛ ku maa dɔ̃ si Lafɛ̃ɛu do ajɔ fei ŋa, ǹ nyi ǹ fɔ ǹ wa n sisi má, i ya jɔ̀ inɔ nŋɛ ku maa dɔ̃.