Filipi 1:25 - Bibeli do fee

²⁵ Na nŋu, ǹ mà iyi kù nɛ sika kãma an wɛɛ do iŋɛ fei na waju ku bɔ nŋɛ do inɔ didɔ̃ nŋɛ si naanɛ ku dasi nŋɛ.

Filipi 1:25 Iomraidhean Croise

Iri ku kɔ̃ 60:6

Ì na inɛ ŋa iyi à waa jirimaɛ ŋa nyinda gɔ, na saabui ntɔu. Kusĩmi.

Luku 22:32

Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Woo bɛ ŋa 20:25

Iŋɛ iyi ǹ dabii ǹ wa n waazo idei bommai Ilaaɔ̃ si aninii nŋɛu fei, nsɛi ǹ mà iyi i kaa yɛm má ŋa.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 15:18

N kaa n yɔkɔ n fɔ ide gɔ bii kù jɛ idei icɛ iyi Kirisi í ce si ide ku fɔm do si kookoosum ŋa ku ba hai jɛ Zuifu ŋa a jirima Ilaaɔ̃

Romu 15:29

Ǹ mà iyi kutom wa bi tu ŋɛ bɛ á jɔ̀ Kirisi ku wee nŋɛ si mii nkpɔ nkpɔ.

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Kɔrɛnti 2, 1:24

A kù bi ka jilɛ nŋɛ ide gɔ do tilasi si naanɛ ku dasi nŋɛ si na iyi í jɔ̀ ì waa leekĩ dim dim ŋa tã si naanɛ ku dasiu, amma à bi ka ce icɛi awaɛ ŋa ajɔ ka mu nŋɛ inɔ didɔ̃.

Filipi 1:24

Amma na aranfãani nŋɛi á sĩa ku re n maa n wa si andunya má.

Filipi 2:24

Ǹ nɛ naanɛ iyi Lafɛ̃ɛ á jɔ̀ amu takam n naa bi tu ŋɛ bɛ si ajɔ gbeejiu ihɛ̃.

Filemɔɔ 1:22

Mii akãi í gbe, ceem sɔɔlui ile bii an naa n wa, domi ǹ wa n cɔ kpãa iyi Ilaaɔ̃ á na ku sindoom wa bi tu ŋɛ má na saabui kutɔɔ nŋɛ.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.