Filipi 1:23 - Bibeli do fee

²³ Lasabum wa fam ni do cingaa minji minji fei. Ǹ bi n nɛ n koo n wa bi Kirisi, domi iyi bɛi á sĩa ku re.

Filipi 1:23 Iomraidhean Croise

Samuɛli 2, 24:14

Ŋɔi Davidi í jɛa Gadi í ni, ǹ wa si inɔ kufɔ nla nla. Á sĩa Aɔ̃ Lafɛ̃ɛ ku kpã wa iju do iyi amanɛ ŋa aa kpã wa iju, domi araarei Aɔ̃ Lafɛ̃ɛ í la.

Iri ku kɔ̃ 17:15

Amma amu, na dee dee ku jɛm, an yɛ wajuɛ, nɔ waati iyi ǹ jĩ, an maa n cɔɛi n kaa n gbɛɛji.

Iri ku kɔ̃ 49:15

À yɛi bɛi angudã gaa ŋa iyi à tale si ŋa bi kuwai iku ŋa. Ikui á jɛ woo degbe nŋa, nɔ kaa kpɛ inɛ dee dee ŋa a sɔ ŋa laga. Bɛɛrɛ nŋa ku tã nɔ bi kuwai iku ŋa ku jɛ ide nŋa.

Luku 12:50

Nɔ inyi ku dasi gɔ í wɛɛ kù nɛ bɛi á ce iyi n kù coo. Nɔ laakaim kaa jɛ akã í gbe hee bii í ce.

Luku 23:43

Nɔ Jesu í jɛaa í ni, ntɔ ntɔ, ǹ wa n sɔ̃ɛi, nnyi mɔm aa wɛɛ do amu lelei Aɔ̃.

Luku 8:38

Ŋɔi mɔkɔ iyi inɛi inɔɔko ŋa à fita siɛu wa tɔɔ Jesu ku jɔ̀ nŋu ku tooɛ. Amma Jesu í ni

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Laabaau jiida iyi Zãa í kɔ 13:1

Ajɔ iyi bii iju í má á jɛ jingaui Iku ku kuau í to. Nɔ Jesu í mà iyi waatii nŋu í to mbɛ nŋu ku nɛ hai andunya nŋu ku bɔ bi Baai nŋu. Hai sinte hee ku baa nsɛi í nɛ kubii inɛɛ ŋa si andunya, nɔ kubi nŋa iyi í nɛu í bɔòi hee kɔɔ.

Laabaau jiida iyi Zãa í kɔ 14:3

Bii ǹ koo ǹ ce nŋɛ bi kuwa ǹ tã an nyi wa má, n naa n gbã ŋɛ n bɔò ŋɛ bi tom ku ba iŋɛ mɔ i wa bii ǹ wa.

Laabaau jiida iyi Zãa í kɔ 17:24

Baaba, ǹ bi inɛ ŋa iyi ì nam a maa wa bi tom bii an wa, ku ba a yɛ amboem, amboe iyi ì muum. Ì muum amboeui si na iyi í jɔ̀ ì bim hai waati iyi a kù taka andunya.

Woo bɛ ŋa 7:59

Si bɛi à waa ta Etiɛni kutau ŋɔi Etiɛni í ce kutɔɔ í ni, Lafɛ̃ɛ Jesu, gba hundem.

Kɔrɛnti 2, 5:8

Ntɔ ntɔ à ya ka nɛ wɔɔkɔ. Amma iyi à bi í re fei ndɛɛ nŋui í jɛ ka jɔ̀ arau ihɛ̃ ka bɔ bi Lafɛ̃ɛ ka maa wa bi tɛɛ.

Kɔrɛnti 2, 6:12

Kubi nwa kù kaye si gãmɛ nŋɛ, amma iŋɛi i kù na wa ara.

Filipi 1:24

Amma na aranfãani nŋɛi á sĩa ku re n maa n wa si andunya má.

Tɛsalonika 1, 2:1

Iŋɛ inɛ nwa ŋa, iŋɛ taka nŋɛ ì mà kunaa nwa bi tu ŋɛ kù jɛ ngbɛ.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Tɛsalonika 1, 4:17

Si anyii nŋu, awa iyi à wɛɛ si hunde si waati bɛɛbɛ, á so wa awaò ŋa ajɔ si kudũi ijĩ, nɔ ka ko Lafɛ̃ɛ lele bɛ. Si bɛɛbɛi aa ka maa wɛɛ do Lafɛ̃ɛ hee do ajɔ fei.

Timɔtee 2, 4:6

Amma amu takam, kuwɛɛm í jɛ bɛi atɛ̃i kuwee iyi à waa nikã, nɔ waati iyi an jɔ̀ andunya í maai wa.

Kuyɛi Zãa 14:13

Si anyii nŋu, ǹ gbɔ ide ku fɔ gɔ má hai lele í ni, kɔ iyi ihɛ̃, ilu inɔ didɔ̃ ŋai inɛ ŋa iyi aa na a ku hai nsɛi na naanɛ iyi à dasi Lafɛ̃ɛ. Ŋɔi Hundei Ilaaɔ̃ í ni, ntɔi, bɛɛbɛi. Aa sĩmi, domi ribai icɛ jiida nŋa á too ŋa.