Filipi 1:20 - Bibeli do fee

²⁰ Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 1:20 Iomraidhean Croise

Iri ku kɔ̃ 119:116

Mum ku ba n maa n wɛɛ si bɛi ì ce kuwãɛu. Maà jɔ̀ anyɔ ku mum si kpãa ku cɔm.

Iri ku kɔ̃ 119:80

Jɔ̀ idɔm ku jɛ dee dee si ideɛ ŋa ku ba anyɔ ku maà biim.

Iri ku kɔ̃ 25:2

Aɔ̃ Lafɛ̃ɛm, awɔi ǹ wa n naanɛ, maà jɔ̀ n yɛ anyɔ. Maà jɔ̀ mbɛɛm ŋa a nɛ inɔ didɔ̃ sim.

Iri ku kɔ̃ 62:5

Ntɔ ntɔ, à busi njɛ a ba a kɛkɛɛ hai si kitãɛ. Si iboi à ya nɛ si inɔ didɔ̃. À ya maa weei do gɛlɛ nŋa nɔ à maa ceekpe si inɔ nŋa. Kusĩmi.

Mɔnda ŋa 10:28

Kɔkɔɔi kpãa ku cɔi inɛ dee dee ŋai í jɛ inɔ didɔ̃, amma inɛ laalɔ ŋa a kaa ba mii iyi à waa cɔ kpãaɛ.

Mɔnda ŋa 23:18

Do yaase bɛɛbɛ kuwɛɛɛ á dɔ̃ ala, nɔ kpãa ku cɔɛ mɔ kaa ce nfe.

Ezai 45:17

Amma Izirɛli inɛ nŋu, hai bi Aɔ̃ Lafɛ̃ɛi í ba faaba hee do ajɔ fei. Inɛ nŋu kaa dasi anyɔ ajɔ kãma.

Ezai 50:7

Aɔ̃ Lafɛ̃ɛi í ya naa ku sobim, na ŋɔi í jɔ̀ n kù jɛsi iyi igũ í jɛm. Na nŋu, ǹ lele wajum nii bɛi kuta, nɔ ǹ mà iyi n kaa n dasi anyɔ.

Ezai 54:4

Na nŋu, maà jɔ̀ njo ku muɛ, domi i kaa jɛ ilu anyɔ má. Maà jɔ̀ anyɔ ku muɛ domi bɛɛrɛɛ kaa kaye má. Ntɔ ntɔ aa gbɛjɛ idei anyɔi waatii mudɛ̃ɛɛ, nɔ i kaa ye gigii anyɔi waatii jaaɔ̃ɛu má.

Laabaau jiida iyi Zãa í kɔ 21:19

Do ideu bɛi Jesu í fɔ yaase bɛi Piɛɛ á na ku ku ku nyisiò amboei Ilaaɔ̃. Iyi í fɔ bɛɛbɛ í tã nɔ í sɔ̃ɔ í ni, toom wa.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Woo bɛ ŋa 4:31

Iyi à ce kutɔɔu à tã ŋɔi inya bii à tɔtɔɔu í yaya. Ŋɔi aŋa fei à kɔ̃ò Hundei Ilaaɔ̃ nɔ à wasi ku waazo idei Ilaaɔ̃ bɛbɛi do wɔɔkɔ.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Romu 5:5

Nɔ kpãa iyi à waa cɔu kaa jɛ ngbɛ domi kubii Ilaaɔ̃ í wa si idɔ nwa do saabui Hundeɛ iyi í mu nwa.

Romu 6:13

I maà ti i jɔ̀ ikɔ̃ ikɔ̃i ara nŋɛ kãma kù wa si awɔi dulum má i maa ceò laalɔ ŋa. Amma i so ara nŋɛ i na Ilaaɔ̃ bɛi inɛ ŋa iyi à jĩ wa hai si balɛ, nɔ i so ikɔ̃ ikɔ̃i ara nŋɛ fei i daa Ilaaɔ̃ si awɔ ŋa i maa ceò jiida.

Romu 6:19

Ǹ wa n sɔ̃ ŋɛ ideu ihɛ̃i do yaasei kucei inɛ ŋa na gbugbã hai nɛ nŋɛ. Si bɛi ì tako ì so ikɔ̃ ikɔ̃i ara nŋɛ ikã ikã ì daa riisi do laalɔ si awɔ bɛi aru ku ba i ceò laalɔ ŋa, nsɛi ì nɛ i so ikɔ̃i ara nŋɛ fei i jɔ̀ ku jɛ arui icɛ jiida ku ce ŋau ŋa ku ba daa nŋɛ ku má.

Romu 8:19

Baa mii ŋa iyi Ilaaɔ̃ í taka fei à waa degbe ajɔ nŋu do saasa, ajɔ si bii Ilaaɔ̃ á jɔ̀ a yɛ amboeɛ si amaɛ ŋa,

Romu 9:33

Ideɛi kukɔu wa fãa í ni, wee ǹ wa n jilɛ inɛ gɔ Siɔ̃ɔ iyi í yɛ bɛi kuta bi ku koosɛ. Nŋui á jɔ̀ inɛ gɔ ŋa a cuku, amma inɛ iyi í dasiɛ naanɛ kaa yɛ anyɔ.

Kɔrɛnti 1, 15:31

Iŋɛ inɛm ŋa, ajɔ fei si anui ikui ǹ ya n maa n wa. Nɔ ntɔ ntɔ bɛɛbɛi, si bɛi ì mà ŋa ntɔ ntɔ iyi ǹ wa n tɔɔ fufu na saabu nŋɛ si Lafɛ̃ɛ nwa Jesu Kirisi.

Kɔrɛnti 1, 6:20

domi à ya ŋɛi do fia. Na nŋu, i jɔ̀ kucei ara nŋɛ ku jɔ̀ inɛ ŋa a mà bɛɛrɛi Ilaaɔ̃.

Kɔrɛnti 1, 7:34

Laakaiɛ ci ya jɛ akã. Inaabo ŋa iyi a kù nɛ mɔkɔ do mudɛ̃ɛ ŋa lasabu nŋa si idei Lafɛ̃ɛi í ya wa ku ba a jɛ dee dee si ara do si hunde. Amma inɛ iyi í nɛ mɔkɔ lasabuɛ si mii ndii andunya ŋai í ya wa. Mii iyi á dɔ̃a mɔkɔɛ sii í ya maa dɛ ku ce.

Kɔrɛnti 2, 10:8

Lafɛ̃ɛ í mu nwa yiiko ku ba ka mu nŋɛ gbugbã, kù jɛ ka kɛkɛ ŋɛ. Nɔ baa bii fufu ku tɔɔ nwa í la keeke na yiikou n kaa n yɛ anyɔ.

Kɔrɛnti 2, 3:12

À waa fɔ ide do naanɛ si na iyi í jɔ̀ à nɛ kpãa ku cɔu ihɛ̃.

Kɔrɛnti 2, 4:10

Ajɔ fei si wahalau ihɛ̃ í yɛi bɛi à waa ba ikpɛ̃ nwa si ikui Jesu bii à waa bɔ fei ku ba a yɛ kuwɛɛɛ si ara nwa.

Kɔrɛnti 2, 5:15

Í kui na inɛ fei ku ba inɛ ŋa iyi à wɛɛ si hunde a maà wɛɛ na irii aŋa taka nŋa má, í gbe na iriɛ, nŋu iyi í kú nɔ í jĩ na iri nŋa.

Kɔrɛnti 2, 7:14

Baa bii ǹ tɔɔ fufu keeke bi tɛɛ na iri nŋɛ wo, i kù dasim anyɔ ŋa. Do yaase bɛi ide ŋa iyi à sɔ̃ ŋɛu fei ntɔi, bɛɛbɛ mɔi Titee í yɔɔ iyi fufu ku tɔɔ nwa si ntɔi.

Kɔrɛnti 2, 7:4

Ǹ wa n naanɛ ŋɛ ntɔ ntɔ, nɔ ǹ wa n tɔɔ fufu na iri nŋɛ si mii fei. Ǹ ba gbugbã na iri nŋɛ nɔ inɔm í dɔ̃ í caa si ijuukpã nwa fei.

Filipi 1:14

Ile piisɔ̃ɔ ku wam í mua kpaasi woo dasi Lafɛ̃ɛ Jesu naanɛ nkpɔ gbugbã í kɔ̃ɔsi à waa sisiò idei Ilaaɔ̃ do idɔ ku buba do wɔɔkɔ.

Filipi 2:17

Naanɛ ku dasi nŋɛ í yɛi bɛi kuwee iyi ì waa cea Ilaaɔ̃ ŋa. Nɔ baa bii í jɛ à kpam nii, nɔ ǹ nikã njɛm bɛi kuweei atɛ̃ vɛ̃ɛ iyi à nikã si antaii kuwee nŋɛu, do nŋu fei inɔm á dɔ̃, nɔ awaɛ ŋa ka kpɛ̃ inɔ didɔ̃u.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Piɛɛ 1, 4:16

Amma inɛ iyi wa wahala si na iyi í jɔ̀ í jɛ inɛi Kirisi, ku maà jɔ̀ anyɔ ku muu, amma í sĩa ku saabu Ilaaɔ̃ si na iyi í jɔ̀ wa so irii Kirisiu.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.