Filipi 1:19 - Bibeli do fee

¹⁹ domi ǹ mà iri ku kpai iyi ihɛ̃ nŋui í jɛ faabam na saabui kutɔɔ nŋɛ, do sobii Hundei Jesu Kirisi.

Filipi 1:19 Iomraidhean Croise

Woo bɛ ŋa 16:7

Iyi à to ilɛi Mizi ŋɔi à waa bi a bɔ ilɛi Bitini, amma Hundei Jesu í kɔ̀ nŋa.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Romu 8:9

Amma iŋɛ i kù waa too idɔɔbii ara, ì waa nɛ ŋai bɛi Hunde í bi, bii Hundei Ilaaɔ̃ í wa si ŋɛ do ntɔ. Inɛ iyi kù nɛ Hundei Kirisi, lafɛ̃ɛ kù jɛ ti Kirisi.

Kɔrɛnti 1, 4:17

Ŋɔi í jɔ̀ ǹ bɛ si ŋɛ Timɔtee wa, nŋu iyi í jɛ amam si kpãai Lafɛ̃ɛ. Í jɛ ilu naanɛ nɔ ǹ buu jiida. Nŋui á ye ŋɛ gigi bɛi isɛɛnɛm í yɛ si kpãai Kirisi si bɛi ǹ wa n kɔ inɛ ŋa si bii fei si igbɛi inɛi Jesu ŋa fei.

Kɔrɛnti 2, 1:11

Iŋɛ taka nŋɛ ì waa sobi wa do kutɔɔ nŋɛ. Ilaaɔ̃ á gba kutɔɔ iyi inɛ nkpɔ í ce na iri nwa, nɔ á ce nwa didɔ̃ ku ba inɛ nkpɔ ku saabuɛ na iri nwa.

Galati 3:5

Iyi Ilaaɔ̃ í na ŋɛ Hundeɛ, nɔ wa ce maamaake ŋa si anini nŋɛ, wa cooi na wooda ku jirima nŋɛ? Mà si na iyi í jɔ̀ ì gbɔ idei laabaau jiida ì dasi naanɛ ŋai.

Galati 4:6

Nɔ Ilaaɔ̃ í bɛ Hundei Amaɛ wa si idɔ nwa ku nyisiò iyi awai à jɛ amaɛ ŋa. Na saabui Hundeui í jɔ̀ si kutɔɔ nwa à ya ka ni, Baaba.

Filipi 1:18

Bii í yɔkɔ lasabu nŋa kú jɛ laalɔ walakɔ kú jɛ jiida, kãmaɛ kù jɛɛm taale. Baa bii bɛirei nŋu de a sisi idei Kirisi. Inɔm í dɔ̃ á nɔ ku dɔ̃ ku maa kooi,

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.