Filipi 1:17 - Bibeli do fee

¹⁷ Inɛ ihɔ̃ ŋa mɔ à waa waazo idei Kirisi, kù jɛ do inɔ akã, amma do njɛ ku wãi. À tamaa bɛi aa kɔ̃ɔm si ijuukpãui si ile piisɔ̃ɔu ihɛ̃.

Filipi 1:17 Iomraidhean Croise

Luku 21:14

Na nŋu, i jilɛ idɔ nŋɛ i maà ya biti do ide iyi aa fɔ i nyaò ara nŋɛ ŋa.

Woo bɛ ŋa 22:1

Í ni, iŋɛ kpaasim ŋa do baam ŋa, i gbɔ iyi ǹ nɛ ku sɔ̃ ŋɛ n kɔò aram.

Woo bɛ ŋa 26:1

Ŋɔi Agiripa í sɔ̃ Pɔlu í ni, ì nɛ kpãa i fɔ ide i kɔò araɛ. Ŋɔi Pɔlu í wu awɔ lele nɔ í lɔsi ku kɔò araɛ í ni,

Woo bɛ ŋa 26:24

Si bɛi Pɔlu í sisi yaasei ideɛ bɛɛbɛ ŋɔi Fesitu í la hee lele í ni, Pɔlu, ì waa sũmui. Cio nla ku ceɛi í dasiɛ sũmu.

Romu 2:8

Amma inɛ ŋa iyi à waa ce idɔɔbii ara nŋa nɔ a kù waa ceò ntɔ icɛ í gbe laalɔ, aŋai aa yɛ idɔɔkɔ̃ nlaɛ.

Filipi 1:18

Bii í yɔkɔ lasabu nŋa kú jɛ laalɔ walakɔ kú jɛ jiida, kãmaɛ kù jɛɛm taale. Baa bii bɛirei nŋu de a sisi idei Kirisi. Inɔm í dɔ̃ á nɔ ku dɔ̃ ku maa kooi,

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Timɔtee 1, 2:7

Na nŋui Ilaaɔ̃ í cicam n jɛ woo waazo do woo bɛ, nɔ n kɔ dimi mmu ŋa si cio si ide ntɔ nɔ n sɔ̃ ŋa a dasi Jesu naanɛ. Ntɔi ǹ wa n fɔ n kù wa n sɔ ibo.

Timɔtee 2, 2:9

Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.

Timɔtee 2, 4:16

Inɛ kãma kù nɔ kù leekĩ do amu sinteu mɔm iyi ǹ wa n kɔ̀ò aram bi ku ce kiiti, aŋa feii à jɔ̀m. Ilaaɔ̃ ku maà mu ŋa do.