Filipi 1:13 - Bibeli do fee

¹³ Ntɔ ntɔ, ciikui amanlu ŋau do inɛ ŋa iyi à gbe fei à mà iyi na irii Kirisii ǹ wa piisɔ̃ɔu ihɛ̃.

Filipi 1:13 Iomraidhean Croise

Woo bɛ ŋa 26:29

Ŋɔi Pɔlu í jɛaa í ni, ǹ wa n tɔɔ Ilaaɔ̃ ku jɔ̀ i yɛ bɛi amu, bii á ce nsɛi, bii í nɔ í jɛ á kpɛ mɔi. Ku maà jɛ baa awɔ akã, amma hee do inɛ ŋa iyi à waa de itĩ si idem nnyiu ihɛ̃ fei. Ǹ bi iŋɛ mɔ i yɛ bɛi amu amma ku maà jɛ a da nŋɛ si kpɛmkpɛm bɛi à daam siu ihɛ̃.

Woo bɛ ŋa 26:31

à fita hai inɔ ileu. Iyi à waa fita ŋɔi à sɔ̃ njɛ à waa ni, inɛɛu bɛ kù ce daa kãma iyi í to a muu piisɔ̃ɔ hee má jɛ a kpaa.

Woo bɛ ŋa 28:17

Iyi í ce ajɔ mɛɛta ŋɔi Pɔlu í kpe inɛ ngboi Zuifui Romu ŋau. Iyi à tɔtɔɔ à tã ŋɔi í ni, iŋɛ kpaasim ŋa, Zuifu ŋa iyi à wa Zeruzalɛmu à mum à koo à na inɛi Romu ŋa n kù bɛi n kù raraa zamaau si nkãma, n kù nɔ n kù kɔ̀si dedembai bala nwa ŋa.

Woo bɛ ŋa 28:20

Na ŋɔi í jɔ̀ ǹ tɔtɔɔ ŋɛ n sɔ̃ ŋɛ do yaaseɛ. Inɛ ŋa à daam si kpɛmkpɛm nii na inɛ iyi inɛi Izirɛli ŋa à waa cɔ kpãaɛu.

Woo bɛ ŋa 28:30

Adɔ̃ minjii Pɔlu í ce si ile iyi í hayau. Nɔ inɛ ŋa iyi à bɔ ku cɔɔ fei í ba ŋa faaji ku ce do inɔ didɔ̃.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 6:20

Na irii ideui ǹ jɛ woo bɛi Ilaaɔ̃ baa do iyi ǹ wa piisɔ̃ɔ si nsɛi. Na nŋu, i ce kutɔɔ ku ba n yɔkɔ n sisi ideu do wɔɔkɔ bɛi á sĩa.

Filipi 1:30

Iŋɛ mɔ ì bam ku jabu ŋa si kujabu iyi ì yɛ ǹ ce ŋa wo nɔ ì waa gbɔ ŋa iyi hee nsɛi ǹ wa n mɔsi.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 4:22

Inɛ ŋa iyi Jesu í cica à jɛ tɛɛu, aŋa iyi à wa ihɛ̃ fei à ce ŋɛ fɔɔ. Ti inɛi kpasɛ̃i ilaalu nlai inɛi Romu ŋau, inɛ nŋu í re mɔm.

Timɔtee 2, 2:9

Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.