Filipi 1:11 - Bibeli do fee

¹¹ nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Filipi 1:11 Iomraidhean Croise

Iri ku kɔ̃ 1:3

Í yɛi bɛi jĩi iyi à lɛ si itĩi ido iyi í ya so iso bii waatiɛ í to, nɔ waati kãma fei wuaɛ í ya maa tũi, mii iyi wa ce fei í ya cei.

Ezai 5:2

Í logoo ilɛɛi, nɔ í nya kuta ŋa iyi à wa si, í bɛi í lɔ si dimii jĩi ndii rezɛ̃ɛ iyi í bi. Si anyiɛ nɔ í ma ile si aniniɛ bɛ bii woo degbeɛ á ya wa. Nɔ í ce bi ku fɔ̃ inyii isoɛ wa degbeò jĩi ndii rezɛ̃ɛu ku so jiida jiida. Amma kù na kù ba siɛ iso jiida kãma.

Ezai 60:21

Inɛɛ ŋa fei, inɛ dee dee ŋai aa jɛ, nɔ aŋai aa nɛ ilɛu hee do ajɔ fei. Aŋai à jɛ bɛi jĩi iyi ǹ lɔ. Icɛi awɔm ŋai à jɛ ku ba inɛ ŋa a yɛ amboem.

Ezai 61:11

Ntɔ ntɔ, yaase bɛi ilɛ í ya jɔ̀ ngboi mii iyi à gbɛ̃ ku fita, walakɔ bɛi lambo í ya jɔ̀ mii iyi à gbɛ̃ ku fita, bɛɛbɛ mɔi Aɔ̃ Lafɛ̃ɛ á jɔ̀ dee dee ku jɛ do iri ku kɔ̃i saabu ku fita, nɔ inɛi ilɛ mmu ŋa fei aa yɔɔi.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Laabaau jiida iyi Zãa í kɔ 15:16

Kù jɛ iŋɛi ì cicam, amma amui ǹ cica ŋɛ. Nɔ ǹ nya ŋɛ ikã ku ba i ya so iso iyi á kpɛ ŋa. Si bɛɛbɛ mii iyi aa tɔɔ Baaba do irim ŋa fei á mu nŋɛ.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Laabaau jiida iyi Zãa í kɔ 15:8

Iso nkpɔ ku so nŋɛi á jɔ̀ Baam ku nɛ amboe. Bɛɛbɛ mɔi aa nyisiò inɛ ŋa iyi iŋɛu mɔcɔm ŋai.

Romu 15:28

Waati iyi an to Zeruzalɛmu n na ŋa fia iyi à tɔtɔɔu n kpaò irii icɛu bɛ, an bɔ Ɛsipanyi nɔ n yaa wa n naa n yɛ ŋɛ.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Kɔrɛnti 1, 10:31

Na nŋu, bii ì jɛ ì waa mɔ ŋa walakɔ bii ì waa ce ngɔgɔ ŋa, i ce fei ndɛɛ ku ba inɛ ŋa a mà bɛɛrɛi Ilaaɔ̃.

Kɔrɛnti 2, 9:10

Ilaaɔ̃i í ya na woo gbɛ̃ dimi nɔ ku jɔ̀ ku so jiida ku jɛ mii iyi á jɛ. Nŋu mɔi á mu nŋɛ gbugbã i ceò amuau ŋa. Amuau á yɛi bɛi dimi iyi ì waa gbɛ̃ ŋa, nɔ Ilaaɔ̃ ku jɔ̀ icɛ jiida nŋɛu ku la nɔ ku so iso nkpɔ nkpɔ.

Efɛɛzu 1:12

Na nŋu, i jɔ̀ ka saabu kulai Ilaaɔ̃, awa Zuifu ŋa iyi à tako à waa cɔ kpãai Kirisi wo.

Efɛɛzu 1:14

Hundeɛu nŋui í yɛ bɛi kaazigii tubu nwa iyi Ilaaɔ̃ í wãò inɛɛ ŋa wo. Nɔ wa sɔ̃ wa kãm kãm iyi aa ka jɛ tubuu si waati iyi Ilaaɔ̃ á ya inɛɛ ŋa mam mam. Na nŋu, ka saabu kulaɛ.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 5:9

domi bii à waa nɛ si inya kumá kuce iyi aa ka ce nŋui í jɛ daa didɔ̃ baa yooma fei do dee dee ku jɛ do ntɔ ku fɔ.

Filipi 4:17

Kù jɛ a ni amuai ǹ wa n tɔɔ, amma ǹ wa n bi riba nŋɛ ku kɔ̃ɔsii.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.

Tɛsalonika 2, 1:12

Bɛɛbɛi Lafɛ̃ɛ nwa Jesu á baò amboe hai bi tu ŋɛ, nɔ iŋɛ mɔ i baò amboe hai bi tɛɛ ŋa, do saabui didɔ̃i Ilaaɔ̃ do Lafɛ̃ɛ nwa Jesu Kirisi.

Titee 3:14

Í sĩa inɛ nwa ŋau mɔ a hanya si icɛ jiida ku ce, ku ba a ba bukaatai mii iyi à bi nɔ a maà jɛ kuwɛɛ nŋa ngbɛ ngbɛ.

Ebɛɛ 12:11

Ntɔi, bii à waa kpã wa iju, inɔ kufɔi í ya jɛ nwa titã, ci ya jɛ inɔ didɔ̃. Amma si anyii nŋu, inɛ ŋa iyi à ba ijuukpãu nɔ à kpaasi, à ya jɛ dee dee nɔ a jɛ kuwɛɛ nŋa si laakai ku sũ.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 1, 4:14

Iŋɛ ilu inɔ didɔ̃ ŋai bii à waa bu ŋɛ na irii Kirisi, domi Hundei Ilaaɔ̃ ilu amboe, í wa si ŋɛ.