Filipi 1:10 - Bibeli do fee

¹⁰ ku ba i yɔkɔ i wũa mii ŋa iyi à jɛ jiida à re ŋa. Bɛɛbɛ mɔi aa jɛ inɛ kumá ŋa, nɔ si ajɔi Kirisiu i kaa nɛ taale kãma ŋa,

Filipi 1:10 Iomraidhean Croise

Kusintii Andunya 20:5

Kù jɛ nŋui í sɔ̃m í ni wecĩi nŋui? Nɔ abou mɔ takaɛ í sɔ̃m í ni, wecĩm nii. Lasabui idɔm í jɛ dee dee nɔ n kù ce taale kãma.

Zɔɔbu 12:11

Itĩi í ya wũa ide iyi à waa gbɔ, bɛi gɛlɛ í ya wũa didɔ̃i sɔnda.

Zɔɔbu 34:3

domi itĩi í ya gbɔ ide bɛi gɛlɛ í ya gbɔ didɔ̃i sɔnda ŋa.

Misee 3:2

Ì cé mii iyi í jɛ jiida ŋai, nɔ iyi í jɛ laalɔi ì bi ŋa. Ì ya gba mii iyi inɛ ŋa à nɛ feii ŋa, nɔ ì jɔ̀ ŋa basĩ ŋa.

Matie 16:23

Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í gbe ti amanɛ ŋa.

Matie 26:33

Ŋɔi Piɛɛ í sɔ̃ɔ í ni, baa bii inɛ fei wa nyiò anyi na iriɛ, amu n kaa n nyiò anyi pai.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Laabaau jiida iyi Zãa í kɔ 3:20

Ntɔ ntɔ, inɛ iyi wa ce laalɔ fei í ya cé inya kumái. Ci ya naa si inya kumáu ku ba mii iyi wa ce ku maà fita gbugbãa.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Romu 16:17

Ǹ wa n sɔ̃ ŋɛi, iŋɛ inɛm ŋa, i ya ce laakaii inɛ ŋa iyi à ya naaò njɛ ku fɛɛfɛ wa si anini nŋɛ, nɔ a jɔ̀ inɛ gɔ ŋa a koosɛ si naanɛ ku dasi nŋa a cuku. Aŋai à ya maa nya cɔɔi cio iyi ì gbɔ ŋa. I jɔ̀ i jĩò inɛ dimi bɛɛbɛ ŋa

Romu 2:18

Ì mà mii iyi Ilaaɔ̃ í bi i ce, nɔ wooda í kɔɛ si i ce mii iyi í sĩa.

Romu 7:16

Bii ǹ wa n ce iyi n kù bi, ǹ jɛsi iyi wooda í sĩai.

Romu 7:22

Si idɔm woodai Ilaaɔ̃ ku jirima í dɔ̃,

Romu 8:7

Inɛ ŋa mɔ iyi à waa too idɔɔbii ara, aŋai à jɛ mbɛɛi Ilaaɔ̃ ŋa. A kù waa jirima woodaɛ, nɔ a kaa yɔkɔ mɔm.

Kɔrɛnti 1, 1:8

Jesu Kirisii á jɔ̀ i ya maa leekĩ dim dim ŋa hee kɔɔ ku ba i jɛ hai nɛ taale ŋa si ajɔ iyi á nyi wa má.

Kɔrɛnti 1, 10:32

I ce kuwɛɛ nŋɛ do yaase bɛi i kaa dasiò inɛ kãma kurara ŋa, hai Zuifu ŋa do Gɛrɛki ŋa hee do inɛi igbɛi Ilaaɔ̃ ŋa fei.

Kɔrɛnti 1, 8:13

Na nŋu, bii iŋai á jɔ̀ kpaasim gɔ ku dasi kurara, n kaa n ŋɔ iŋa má ajɔ kãma ku ba n maà n dasiɛ kurara.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Kɔrɛnti 2, 6:3

A kù waa bi inɛ gɔ ku yɛ taalei icɛ nwa. Nŋui í jɔ̀ a kù waa ce ngɔgɔ iyi á dasi inɛ kurara.

Kɔrɛnti 2, 8:8

Kù jɛ woodai ǹ wa n na ŋɛ, himmai inɛ gɔ ŋai ǹ wa n sɔ̃ ŋɛ ku ba ku mu nŋɛ kpãa iyi á jɔ̀ inɛ ŋa a yɔɔ iyi kubi nŋɛu ntɔi.

Galati 5:11

Iŋɛ inɛm ŋa, bii í jɛ amu takam ǹ wa n waazo hee nsɛi ǹ ni inɛ ŋa a ce bangoi, na mii í ce à ya maa kpãm iju. Bii í jɛ bɛɛbɛ mɔm nii ǹ wa n ce, ikui Jesu si jĩi kàa jɛa inɛ ŋa bi ku koosɛ.

Efɛɛzu 4:15

Amma bii à waa sisi ntɔu do kubi aa ka la si mii fei ka tóo alái Kirisi iyi í jɛ iriu.

Efɛɛzu 5:10

I ce kookaai i mà mii iyi á dɔ̃a Lafɛ̃ɛ si.

Efɛɛzu 5:27

Í bi igbɛu ku naa si wajuɛ do kusĩaɛ fei, ku maà ti ku nɛ riisi gɔ, nɔ batai araɛ ku maà yuguu, nɔ ku maà nɛ mii mmu dimi bɛɛbɛ gɔ ŋa má, amma í bi ku jɛ dee deei, ku maà nɛ taale kãma.

Efɛɛzu 6:24

Nɔ didɔ̃i Ilaaɔ̃ ku wɛɛ do inɛ ŋa iyi à bi Lafɛ̃ɛ nwa Jesu Kirisi fei nɔ kubi nŋa ci ya kpaasi.

Filipi 1:16

Inɛ nŋu ŋau à waa cooi do kubi domi à mà iyi ǹ wa ile piisɔ̃ɔ ihɛ̃i ku ba n jabu na irii laabaau jiidau.

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Filipi 2:16

nɔ i ya maa sɔ̃ ŋa idei kuwɛɛ ŋa. Bii ì waa ce bɛɛbɛ ŋa an tɔɔ fufu na iri nŋɛ si ajɔ iyi Kirisi á nyi wa, si na iyi í jɔ̀ icɛm iyi ǹ ce do kookaai kù jɛ ngbɛ.

Tɛsalonika 1, 3:13

Nɔ ku jɔ̀ idɔ nŋɛ ku leekĩ si dim dim, ku jɛò dee dee, ku maà nɛ taale gɔ si wajui Ilaaɔ̃ Baa nwa, si waati iyi Lafɛ̃ɛ nwa Jesu á nyi wa do inɛ ŋa iyi í cica fei.

Tɛsalonika 1, 5:21

Amma i jɔ̀ i wũa mii fei ŋa nɔ i mu iyi í sĩa ŋa.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Kuyɛi Zãa 2:2

ǹ mà kuce nŋɛ do icɛ nŋɛ do temua iyi ì nɛ ŋa. Ǹ mà iyi i kaa yɔkɔ i temua do inɛ laalɔ ŋa. Nɔ ì cɔ laakaii inɛ ŋa iyi à waa kpe ara nŋa woo bɛ amma a kù jɛ woo bɛ ŋa, nɔ ì nyisi iyi woo sɔ ibo ŋai.