Ɛsidarasi 9:3 - Bibeli do fee

³ Iyi ǹ gbɔ ideu ŋɔi ǹ ga kumboom do jĩnɛm ŋa nɔ ǹ tu ntoi irim gɔ ŋa do ti agbãm, ŋɔi ǹ buba do inɔ kufɔ nla nla.

Ɛsidarasi 9:3 Iomraidhean Croise

Samuɛli 2, 1:11

Ŋɔi Davidi í mu ibɔɛ ŋa iyi wa dasi í gaa, nɔ inɛ ŋa iyi à wa kɔkɔɛ ŋa fei à ce bɛi Davidi í ceu à nyisiò inɔ kufɔ nŋa.

Ilaalu 2, 18:37

Ŋɔi Eliakimu amai Hilikiya iyi wa jɛ inɛ ngboi kpasɛ̃u, do Sebuna woo kɔ tiau, do Yoa amai Asafu woo ce wũai tia ŋa iyi à jilɛu, à naa à ba Ezekiasi do ibɔ ku ga ŋa, nɔ à sɔ̃ɔ ide ŋa iyi inɛ ngboi soogei Asiri ŋau í fɔ.

Neemi 1:4

Iyi ǹ gbɔ ide ŋau ŋɔi ǹ buba ǹ kpata, nɔ ǹ ce ajɔ bututu si inɔ kufɔ. Ǹ dĩ anu, nɔ ǹ tɔɔ Ilaaɔ̃ iyi í wa lele

Neemi 13:25

Ŋɔi ǹ koo ǹ gbagba si ŋa, nɔ ǹ ceekpe ŋa. Ŋɔi ǹ cã gɔgɔ nŋa ŋa, nɔ ǹ tu ntoi iri nŋa, nɔ ǹ jɔ̀ à ce kugbasi do irii Ilaaɔ̃ à ni aŋa a kaa mua dimi mmu ŋau mudɛ̃ɛ nŋa ŋa, nɔ a kaa dɛdɛa awaasũ nŋa ŋa mudɛ̃ɛi dimi mmu ŋa hee má jɛ aŋa taka nŋa.

Zɔɔbu 1:20

Ŋɔi Zɔɔbu í dede í ga ibɔɛ nɔ í wa iriɛ ku nyisiò inɔ kufɔɛ nɔ í sɛɛbata ilɛ

Iri ku kɔ̃ 119:53

Idɔm í ya kɔ̃i ntɔ ntɔ na inɛ laalɔ ŋa iyi à fũsi woodaɛ ŋa awɔ.

Iri ku kɔ̃ 143:4

Ǹ kua gbugbã ntɔ ntɔ, inɔm í fɔ gbãna gbãna.

Iri ku kɔ̃ 66:3

I sɔ̃ Aɔ̃ Lafɛ̃ɛ i ni ŋa, icɛi awɔɛ ŋa í to njo. Na gbugbã nlaɛui í jɔ̀ mbɛɛɛ ŋa à ya naa a sɛɛbata si wajuɛ.

Ezai 15:2

Ŋɔi à bɔ Bayiti do Dibɔ̃ɔ si geete bi ku ce kuwee ŋau à koo à kpata. Nɔ Moabu wa kpata wa weewea si Nebo do si Medeba. Ŋɔi à gbogoo iri nŋa ŋa fei, nɔ à wa agbã nŋa ŋa mɔ fei.

Zeremi 36:24

Waati iyi ilaaluu do woo ce icɛɛ ŋau fei à gbɔ ide ŋau, zigi nŋa kù da, nɔ a kù ga ibɔ nŋa ŋa.

Zeremi 7:29

Ja ntoi iriɛ i nyɔɔ ku jĩ. Nɔ i koo i gũ antaii iri kuta i kɔ̃ iri do kukpata, domi Aɔ̃ Lafɛ̃ɛ í kɔ̀si zamaai nsɛi ŋa iyi à dede idɔɔkɔ̃ɛ, nɔ í fũsi ŋa awɔ.

Ezekiɛli 3:15

Ŋɔi ǹ to Tɛli-Avivu, bi aru ŋa iyi à buba kɔkɔi itĩi ido nlai Kebaa tengi bii à wau, ǹ ce bi tu ŋa bɛi ajɔ mɛɛje do biti nla nla.

Ezekiɛli 7:18

Saakii aa bii bɛi acɔ, nɔ a maa yaya do njo. Anyɔi á bii waju nŋa nɔ aa gbogoo iri nŋa ŋai na inɔ kufɔ.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Kuwee 21:5

Bii iku gɔ í ce, woo wee ŋau a kù nɛ a ja ntoi iri nŋa hee má jɛ a wa cingaai agbã nŋa ŋa, a kù nɔ a kù nɛ a bu ara nŋa kãma.

Misee 1:16

I ja iri nŋɛ ŋa, i gbogooɛ ŋa, iŋɛ inɛi Zeruzalɛmu ŋa. I jɔ̀ iri nŋɛ ŋau a wɛɛ hai nɛ nto bɛi ti yembeeku, i kpata na ama nŋɛ ŋa iyi ì nɛ kubi nŋa jiida ŋau ŋa, domi aa nɛò ŋai hee ilɛ jĩijĩ hai bi tu ŋɛ.

Zozue 7:6

Ŋɔi Zozue í ga ibɔɛ ŋa nɔ í sɛɛbata si wajui kpakoi akabuui Aɔ̃ Lafɛ̃ɛ hai daakɔ hee alɛ í koo í lɛò, nŋu do inɛ ngboi Izirɛli ŋau, nɔ à kosi iri nŋa ŋa sãa a nyisiò inɔ kufɔ nŋa.