Ɛsidarasi 9:2 - Bibeli do fee

² Aŋa taka nŋa do ama nŋa ŋa à so abo ŋa si dimii inɛ ŋau, nɔ à jɔ̀ dimi kumáu í tɔtɔɔ do inɛi ilɛ ŋau ihɛ̃. Nɔ inɛi waju ŋau do inɛ ngbo ŋau aŋai à tako à lɔ si dulum nɔu.

Ɛsidarasi 9:2 Iomraidhean Croise

Kusintii Andunya 6:2

ŋɔi inɛi Ilaaɔ̃ ŋau à yɛ iyi ama inaaboi inɛi andunya ŋau à sĩa nɔ à cica ŋa à ce abo.

Ilaalu 1, 11:1

Baka ama inaaboi Faraɔ̃u baasi Salomɔɔ í so abo dimi mmu ŋa má bututu hai bi inɛi Moabu ŋa do inɛi Amɔɔ ŋa do inɛi Edɔmu ŋa do inɛi Sidɔ̃ɔ ŋa do inɛi Hɛti ŋa.

Ɛsidarasi 10:2

Ŋɔi Sekania amai Yeɛli iyi wa jɛ dimii Elamu í sɔ̃ Ɛsidarasi í ni, à ce dulum bi Aɔ̃ Lafɛ̃ɛ nwa si bɛi à so abo ŋa si inɔi isɛ mmu ŋa iyi à wa si ilɛu ihɛ̃. Amma do nŋu fei kpãa ku cɔ í gbe nwa má.

Ɛsidarasi 9:12

Na nŋu, i maà mua inɛmɔkɔi bɛ ŋa ama inaabo nŋɛ ŋa a ce abo. Nɔ i maà dɛdɛa ama inɛmɔkɔ nŋɛ ŋa abo si inɔ nŋa. I maà ti i jɔ̀ kɔdɛɛ nŋɛ ku lɔ si amani nŋa ŋa do si inɔ didɔ̃ nŋa. Si bɛɛbɛ aa na i nɛ gbugbã ŋa nɔ aa ya maa jɛ mii jiidai ilɛu bɛ ŋa, nɔ ilɛu á na ku jɛ ti tɔku nŋɛ ŋa hee do ajɔ fei.

Ɛsidarasi 9:14

To, wee à nyi à waa kua woodaɛ ŋa má à waa so abo si inɔi inɛ laalɔ ŋau. Bii idɔɔkɔ̃ɛ í na í dede aa kpa wa, nɔ i kaa jɔ̀ baa inɛ akã ku fita si.

Neemi 13:17

Ŋɔi ǹ gbagba si inɛ ngboi Zudaa ŋau, nɔ ǹ bee ŋa ǹ ni, na mii í jɔ̀ ì waa ce laalɔ dimi bɛ ihɛ̃ ì waa bɛjɛò ajɔi kusĩmiu ŋa.

Neemi 13:28

Inɛ akãi amai Yoyada, tɔkui Eliasibu woo wee nlau í nɛ abo gɔ iyi Sanbala inɛi Horɔ̃ɔui í jɛ baaɛ. Ŋɔi ǹ lele amai Yoyadau í jĩò bi tom.

Kufita 19:6

Amu takam nii ǹ jɛ ilaalu nŋɛ nɔ iŋɛ fei aa jɛ bɛi woo weem ŋa, nɔ aa jɛ dimi iyi à nya ikã ŋa. Ide ŋa iyi aa sɔ̃ inɛi Izirɛli ŋau mbɛ.

Kufita 34:16

Bɛɛbɛ mɔi bii iŋɛò ŋa ì dĩ akabuu ŋa nɔ ì jɔ̀ ama nŋɛ ŋa a so abo si dimi nŋa ŋa, bii abo ŋau à na à dabii à gulɛ à waa tɔɔ iwɛ̃ nŋa ŋa aa jɔ̀ ama nŋɛ ŋau mɔ a dabii a gulɛ a maa tɔɔ iwɛ̃ ŋau.

Ezai 6:13

Si zamaau, bii si mɛɛwa fei inɛ akã í gbe, inai á jo inɛ nŋu. Amma bɛi jĩi ndii terebɛnti walakɔ jĩi ndii sɛni iyi à da í ya wu wa má hai si icuɛ, bɛɛbɛ mɔi dimi iyi Ilaaɔ̃ í cica á fita wa má hai si zamaau.

Kuwee 21:15

ku ba ku maà jɔ̀ riisi ku lɔ si nyaanzeɛ wa. Amu Aɔ̃ Lafɛ̃ɛi ǹ cicaɛ ǹ nyaa ikã na icɛm.

Malasi 2:11

Inɛi Zudaa ŋa à dede si akabuu iyi à dĩ. À ce dulum nla nla Zeruzalɛmu do si ilɛi Izirɛli fei. À riisi kpasɛ̃ kumá iyi Aɔ̃ Lafɛ̃ɛ í biu. À koo à so mudɛ̃ɛi woo tɔɔ iwɛ̃ ŋa à ce ŋa abo ŋa.

Malasi 2:15

Aɔ̃ Lafɛ̃ɛ kù jɔ̀ i kù jɛ ara akã do hunde akã ŋa ba. To, mii ì waa lele ŋa. Kù jɛ na Ilaaɔ̃ ku mu nŋɛ amu ŋa? Bii bɛɛbɛi i mu ara nŋɛ ŋa nɔ inɛ kãma nŋɛ kù maa dede si akabuu iyi í dĩ do aboi waatii awaasũɛ.

Kɔrɛnti 1, 7:14

Ǹ ni bɛɛbɛi domi Ilaaɔ̃ á yɔkɔ ku cica mɔkɔ hai dasi Jesu naanɛu na aboɛ. Bɛɛbɛ mɔi Ilaaɔ̃ á yɔkɔ ku cica abo hai dasi naanɛu na mɔkɔɛ. Nɔ á yɔkɔ ku cica ama nŋa ŋa mɔ. Bii kù jɛ bɛɛbɛ, amu ŋau, hai dasi naanɛ ŋai aa jɛ.

Kɔrɛnti 2, 6:14

I maà nɛ anu tɔɔsi do hai dasi Jesu naanɛ ŋa domi i kù jɔ ŋa ŋa. Bɛirei jiida do laalɔ á ce ku tɔtɔɔ. Mà bɛirei inya kumá do ilu kuku á ce ku tɔtɔɔ.

Wooda ku kɔsi 14:2

Iŋɛi ì jɛ zamaa iyi Aɔ̃ Lafɛ̃ɛ nŋɛ í nya ikã ku ba i jɛ titɛɛ ŋa. Iŋɛi í cica si inɔi zamaa iyi í wa si andunya ihɛ̃ fei.

Wooda ku kɔsi 7:6

Ntɔ ntɔ iŋɛi ì jɛ dimi iyi à nya ikã í jɛ ti Aɔ̃ Lafɛ̃ɛ. Aɔ̃ Lafɛ̃ɛ nŋɛ í cica ŋɛi ku ba i jɛ titɛɛ ŋa si inɔi dimii inɛi andunya ŋau ihɛ̃.

Zozue 22:15

Ŋɔi inɛ ŋau à dede à bɔ ilɛi Galaadi bi dimii Rubɛ̃ɛ ŋa do dimii Gadi ŋa do dimi bubui Manasee ŋa iyi à wa ikpa nunui daakɔu, nɔ à sɔ̃ ŋa à ni,

Zozue 23:12

Bii ì sinda hai bi tɛɛ ì koo ì tɔtɔɔ ara nŋɛ do inɛ ŋa iyi à gbe si anini nŋɛ ŋau má ŋa, nɔ ì so ama inaabo nŋa ŋa iŋɛò ŋa ì tɔtɔɔ ŋa,