Ɛsidarasi 8:1 - Bibeli do fee

¹ Irii inɛ ngboi kpasɛ̃ ŋa do nyaanze nŋa ŋa iyi amu Ɛsidarasi awaò ŋa à nɛ hai ilɛi Babilɔni à baa Zeruzalɛmu si waati iyi Aatakusɛɛsi wa jɛ ilaaluu wee.

Ɛsidarasi 8:1 Iomraidhean Croise

Bomma 1, 24:31

Aŋa mɔ à ta kpasaui si wajui ilaalu Davidi do Sadɔku do Ahimelɛki do inɛ ngboi kpasɛ̃i woo wee ŋau do ti inɛi Levii ŋau bɛi inɛ nŋa ŋa tɔkui Arɔ̃ɔ ŋa à ceu. Bɛɛbɛi à cea inɛ ngboi kpasɛ̃ akã fei hee ku koo si do ifɔ keeke nŋa ŋau.

Bomma 1, 26:32

Inɛmɔkɔ kaasãanɛ ŋa iyi à jɛ inɛ ngboi kpasɛ̃ ŋau à dedei dubu minji do cĩɔ mɛɛje (2.700). Ŋɔi ilaalu Davidi í kpɛ̃ ŋa si inɔi dimii Rubɛ̃ɛ ŋa do ti Gadi ŋa do ti dimi bubui Manasee ŋa, a maa ce icɛ si wũa ŋa iyi í jɛ icɛi Ilaaɔ̃ do iyi í jɛ ti ilaaluu fei.

Bomma 1, 4:33

do ilɛɛko ŋa iyi à wa kɔkɔ nŋa ŋa fei hee ku bɔ Baali. Iyi bɛi í jɛ bi kuwa nŋa ŋa do tuubai nyaanze nŋa ŋa.

Bomma 1, 9:1

À kɔ irii inɛi Izirɛli ŋau fei si tiai ilaalui Izirɛli ŋau kpasɛ̃ do kpasɛ̃. Nɔ à na à mu inɛi Zudaa ŋa aru à nɛò ŋa ilɛi Babilɔni si na iyi í jɔ̀ a kù leekĩ do Ilaaɔ̃ nŋu akã.

Bomma 1, 9:34

Inɛ ŋau bɛi à jɛ inɛ ngboi kpasɛ̃ nŋa ŋa si dimii Levii ŋa si yaase bɛi à bí ŋa si nyaanze nŋa ŋa. Inɛ nŋu ŋau, Zeruzalɛmui à wa.

Bomma 2, 26:12

Ilu kpasɛ̃ ŋa iyi à jɛ woo ja igũ ilu wɔɔkɔ ŋa à dedei aŋa dubu minji do cĩɔ mɛɛfa (2.600).

Ɛsidarasi 1:5

Ŋɔi inɛ ngboi kpasɛ̃ ŋa si dimii Zudaa do Bɛnzamɛɛ do woo wee ŋa do inɛi Levii ŋa, aŋa iyi Ilaaɔ̃ í da nŋa si idɔ a koo a teese a ma kpasɛ̃i nŋu Zeruzalɛmu fei à waa ce sɔɔlui ku nɛ.

Ɛsidarasi 2:2

Zorobabɛli do Zozue do Neemi do Seraya do Relaya do Maadosee do Bilisãa do Misipaa do Biguvai do Rehumu do Baana, aŋai à gbã ŋa wa. Irii inɛmɔkɔi Izirɛli ŋa wee do kukpɔ nŋa si wuaa ikã ikã,

Ɛsidarasi 2:3

tɔkui Pareosi ŋa, aŋa dubu minji do cĩɔ kitaò fɛɛwa do minji (2.172)

Ɛsidarasi 2:62

Ŋɔi à dɛdɛ si bii à kɔ irii bala nŋa ŋa, amma a kù yɔɔ. Na ŋɔi í jɔ̀ a kù ka ŋa si inɔi woo wee ŋau, domi a kù nya ŋa ikã na icɛu.

Ɛsidarasi 7:13

Woo wee ŋa do inɛi Levii ŋa hee do inɛi Izirɛli ŋa iyi à wa si ilɛm nɔ à bi a tooɛ a bɔ Zeruzalɛmu fei ǹ na wooda a jɔ̀ i nɛ ŋa.

Ɛsidarasi 7:28

Nɔ í jɔ̀ ilaaluu do woo kɔɛ ŋa do inɛ ngbo ku nɛ gbugbã ŋa iyi à waa kaakoɛu à nyisi jiida ku jɛ nŋa. Nɔ ǹ ba gbugbã do saabui Aɔ̃ Lafɛ̃ɛm iyi í wɛɛ do amu. Ŋɔi í jɔ̀ ǹ yɔkɔ ǹ tɔtɔɔ inɛ ngboi Izirɛli ŋa ku ba awaò ŋa ka nɛ.

Ɛsidarasi 7:6

Ɛsidarasiu hai ilɛi Babilɔnii í naa. Í jɛ inɛ gɔ iyi í ce cio í nɛ kumài wooda iyi Aɔ̃ Lafɛ̃ɛi inɛi Izirɛli ŋa í na Moiziu sãa sãa. Mii ŋa iyi í tɔɔ fei ilaaluu í naa si bɛi awɔi Ilaaɔ̃ í wa siɛ.

Ɛsidarasi 7:7

Inɛi Izirɛli nkpɔ do woo wee ŋau do inɛi Levii ŋau do woo kɔ̃ iri ŋau do woo degbe andɛ koofa ŋau do woo ce icɛi kpasɛ̃i Ilaaɔ̃ ŋau, aŋa mɔ à naa Zeruzalɛmu si adɔ̃ mɛɛjesiai bomma ku jɛi ilaalu Aatakusɛɛsi.

Ɛsidarasi 8:2

Si tɔkui Fineɛzi Gɛɛsomui, si tɔkui Itamaa Daniɛlii. Si tɔkui Davidi mɔ Hatusi