Ɛsidarasi 7:1 - Bibeli do fee

¹ Si anyii adɔ̃ nkpɔ, si waati iyi Aatakusɛɛsi wa jɛ ilaalu si ilɛi Pɛɛsi, inɛ gɔ í to wa Zeruzalɛmu à ya kpoo Ɛsidarasi. Amai Serayai wa jɛ, Seraya mɔ amai Azariai, Azaria mɔ amai Hilikiyai.

Ɛsidarasi 7:1 Iomraidhean Croise

Ilaalu 2, 22:4

Í sɔ̃ɔ í ni ku koo bi Hilikiya woo wee nlau ku sɔ̃ɔ ku ni ku tɔtɔɔ fia iyi à naaò wa si inɔ kpasɛ̃i Aɔ̃ Lafɛ̃ɛ iyi woo degbe anu koofa ŋau à gba hai bi zamaau ku kaa.

Ilaalu 2, 22:8

Ŋɔi Hilikiya woo wee nlau í sɔ̃ Safãa woo kɔ tiau í ni, wee ǹ yɛ tiai wooda si inɔ kpasɛ̃i Aɔ̃ Lafɛ̃ɛu. Nɔ í so tiau í na Safãa í cioɛ.

Ilaalu 2, 25:18

Nebuzaradãa inɛ ngboi woo degbe kpasɛ̃i ilaalu ŋau í jɔ̀ à mu Seraya woo wee nlau do Sefania atɛkɛsiɛu, do woo wee mɛɛta ŋa iyi à ya maa degbe andɛ bi ku lɔi kpasɛ̃i Aɔ̃ Lafɛ̃ɛu.

Bomma 1, 9:11

do Azaria amai Hilikiya, nŋu mɔ amai Mɛsulamu, Mɛsulamu mɔ amai Sadɔku, Sadɔku mɔ amai Merayɔti, Merayɔti mɔ amai Ahitubu inɛ ngboi kpasɛ̃i Ilaaɔ̃i.

Bomma 2, 34:15

Ŋɔi í sɔ̃ Safãa woo kɔ tiau í ni, wee ǹ yɛ tiai wooda si inɔ kpasɛ̃i Aɔ̃ Lafɛ̃ɛu. Nɔ í so tiau í na Safãa.

Bomma 2, 34:9

Ŋɔi inɛ ŋau à bɔ bi Hilikiya woo wee nlau à koo à naa fia iyi inɛi Leviii woo degbe anu koofa ŋau à gba wa iyi í jɛ amuai kpasɛ̃i Aɔ̃ Lafɛ̃ɛu. À gba amua ŋau wai hai bi inɛi Manasee ŋa do hai bi inɛi Efaraimu ŋa do hai bi dimi ŋa iyi à wa ikpa awɔ njɛi kpãai inunuu, do hai bi inɛi Zudaa ŋa do hai bi inɛi Bɛnzamɛɛ ŋa do hai bi inɛi ilui Zeruzalɛmu ŋau fei.

Ɛsidarasi 4:7

Si anyii nŋu si waati iyi Aatakusɛɛsi í na í jɛ ilaalui Pɛɛsi, Biselamu do Miteredaa do Tabɛli do kpaasi nŋa ŋa iyi à gbe à ceaa tia wa. À kɔ tiaui do feei Arameɛ̃ɛ do si yaasei kukɔ nŋa.

Ɛsidarasi 6:14

Nɔ walii Azee do Zakari tɔkui Idou à mua inɛ ngboi Zuifu ŋau gbugbã a teese a mɔsi icɛi ileu ku maɛ nɔ à kpa iriɛ. À maai si bɛi Aɔ̃ Lafɛ̃ɛi inɛi Izirɛli ŋau í fɔ do si bɛi Sirusi do Dariusi do Aatakusɛɛsi ilaalui Pɛɛsi ŋau à jilɛ wooda.

Ɛsidarasi 7:10

Wee Ɛsidarasi í jɛ inɛ gɔ iyi í ce cioi woodai Ilaaɔ̃ dee dee nɔ wa ceò icɛ, nɔ wa kɔa inɛi Izirɛli ŋa si wooda ŋau.

Ɛsidarasi 7:12

Amu Aatakusɛɛsi ilaalui ilaalu ŋa, ǹ kɔɛ tiau ihɛ̃ wai Ɛsidarasi awɔ woo wee do woo mà woodai Aɔ̃ Lafɛ̃ɛi lele.

Ɛsidarasi 7:2

Hilikiya mɔ amai Salumui wa jɛ, Salumu mɔ amai Sadɔkui, Sadɔku mɔ amai Ahitubui,

Ɛsidarasi 7:21

Amu ilaalu Aatakusɛɛsi ǹ wa n na woo mu fia ŋau fei wooda, aŋa iyi à wa ikpa nunui alɛi idoi Efaratau a ce bɛi awɔ Ɛsidarasi woo weeu do woo mà woodai Ilaaɔ̃i lele aa ni a ceu dee dee.

Neemi 11:11

do Seraya tɔkui Asitubu inɛ ngboi kpasɛ̃i Ilaaɔ̃ hai bi Merayɔti do Sadɔku do Mɛsulamu do Hilikiya,

Neemi 2:1

Ilaalu Aatakusɛɛsi wa jɛ ajɔ nŋu gɔ si adɔ̃ kɔnfiasiai bomma ku jɛɛ si cukpai Nisãa. Ŋɔi ǹ bu atɛ̃ vɛ̃ɛ ǹ naa. Amma waati bɛɛbɛu, inɔ kufɔ nla nlai ǹ wɛɛò. Ajɔ kãma n kù leekĩ si wajuɛ do inɔ kufɔ.

Neemi 8:1

Si ajɔ sintei cukpa mɛɛjesiau inɛi Izirɛli ŋa à ce anu akã à tɔtɔɔ Zeruzalɛmu si bantuma iyi í wa wajui anu koofa iyi à ya kpe anu koofai inyiu. Aŋa fei à tɔtɔɔ bɛi hai inɛmɔkɔ ŋa do inaabo ŋa hee do inɛ ŋa iyi aa yɔkɔ a gbɔ ideu fei. Ŋɔi à sɔ̃ Ɛsidarasi woo kɔ inɛ ŋa si woodau ku naaò tia si bii à kɔ wooda iyi Aɔ̃ Lafɛ̃ɛ í na Moizi na irii aŋa inɛi Izirɛli ŋau wa. Ŋɔi Ɛsidarasi woo weeu í naaò tiai woodau wa si wajui zamaau fei.