Ɛsidarasi 6:3 - Bibeli do fee

³ Sirusi í fɔ si adɔ̃ sintei bomma ku jɛɛ í ni a teese a ma kpasɛ̃i Ilaaɔ̃ iyi í wa Zeruzalɛmu ku ba ku jɛ inya bii aa ya cea Ilaaɔ̃ kuwee ŋa, nɔ si icu nwou bɛi aa maa. Nɔ kugbokaɛ do kucĩɛ fei agbãawɔ kitai á jɛ.

Ɛsidarasi 6:3 Iomraidhean Croise

Bomma 2, 2:3

Wee ǹ wa n bi n ma kpasɛ̃i Aɔ̃ Lafɛ̃ɛm. An nyaa ikãi ku jɛ titɛɛ bii aa ya jo tuae ku dɔ̃ inunu ŋa ku ba a ya maa jilɛa pɛ̃ɛ waati kãma fei, ku ba a ya ce kuwee iyi à ya jo si ina fei sãa sãa daakɔ do alɛ, do ti ajɔi kusĩmi ŋau do ti cukpa titɔ̃ ŋau do ti jingaui Aɔ̃ Lafɛ̃ɛ nwa ŋau a maa tooò si woodau hee do ajɔ fei.

Bomma 2, 2:6

Debɛi bɛɛm inɛ akã gɔ wa iyi í mà icɛi wura do isɔ fũfũ do isɔ nkpa do isɔ ku ce. Nɔ ku mà acɔ ku mù do ila nkpa do boogu do boogu ku yɔgɛɛò nkpa, nɔ lafɛ̃ɛ ku mà booda ŋa ku ce si idĩ ku ba ku ce icɛ aŋaò goni ŋa iyi Davidi í cica à wa Zudaa do Zeruzalɛmu bi tom ihɛ̃.

Bomma 2, 36:22

Si adɔ̃ sintei bomma ku jɛi Sirusi ilaalui Pɛɛsi, Aɔ̃ Lafɛ̃ɛ í dasi idɔ nŋu ku jɔ̀ ide iyi nŋu í tako í jɔ̀ walii Zeremi í fɔu ku ce. Na ŋɔi í ce í jɔ̀ Sirusi í dasi idɔ í fɔ ideɛ si bommaɛ fei nɔ í kɔ tia má í ni,

Ɛsidarasi 1:1

Si adɔ̃ sintei bomma ku jɛi Sirusi ilaalui Pɛɛsi, Aɔ̃ Lafɛ̃ɛ í dasi idɔ nŋu ku jɔ̀ ide iyi nŋu í tako í jɔ̀ walii Zeremi í fɔu ku ce. Na ŋɔi í ce í jɔ̀ Sirusi í dasi idɔ í fɔ ideɛ si bommaɛ fei nɔ í kɔ tia má í ni,

Ɛsidarasi 1:2

Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa.

Ɛsidarasi 3:7

Nɔ à so woo gbe kuta ŋa do woo gbe jĩi ŋa à na ŋa fia. Si anyiɛ nɔ à na inɛi Sidɔ̃ɔ ŋa do inɛi Tii ŋa mii ku jɛ ŋa do atɛ̃ do ikpo ku ba inɛ nŋu ŋau mɔ a koo a dɛ nŋa jĩi ndii sɛɛdi ŋa wa hai ilɛi Libãa a dasi akɔi inyi a naaò wa hee ilui Zopee. À cooi do woodai Sirusi ilaalui Pɛɛsiu.

Ɛsidarasi 6:14

Nɔ walii Azee do Zakari tɔkui Idou à mua inɛ ngboi Zuifu ŋau gbugbã a teese a mɔsi icɛi ileu ku maɛ nɔ à kpa iriɛ. À maai si bɛi Aɔ̃ Lafɛ̃ɛi inɛi Izirɛli ŋau í fɔ do si bɛi Sirusi do Dariusi do Aatakusɛɛsi ilaalui Pɛɛsi ŋau à jilɛ wooda.

Iri ku kɔ̃ 122:4

Bɛi dimii Izirɛli ŋa iyi à jɛ zamaai Aɔ̃ Lafɛ̃ɛ ŋa à ya bɔ. À ya bɔ bɛi a koo a cĩ Ilaaɔ̃ bɛi í sɔ̃ ŋa í ni a ya ce.

Kuyɛi Zãa 21:16

Gontai iluu fei wa mungai, kucĩɛ do kusɔɛ fei akãi. Amalekau í wãa do golo ku wãɛ. Nɔ kusɔɛ í ce dubu maateeji (12.000) si yaasei ilɛ ku wã. Bɛɛbɛ mɔi kucĩɛ do kugbokaɛ.