Ɛsidarasi 5:2 - Bibeli do fee

² Ŋɔi gbakã Zorobabɛli amai Seatiɛli do Zozue amai Yosadaki à dede à lɔsi kpasɛ̃i Ilaaɔ̃ ku ma Zeruzalɛmu má. Nɔ waliii Ilaaɔ̃ ŋau à sobi ŋa.

Ɛsidarasi 5:2 Iomraidhean Croise

Ɛsidarasi 1:8

Miteredaa woo singa fiai ilɛu nŋui í nya mii ŋau í na Sɛsibasaa amanlu si dimii Zudaa si bɛi Sirusi í na wooda.

Ɛsidarasi 10:18

Si inɔi woo wee ŋau, inɛ ŋa iyi à so abo si inɔi inaabo isɛ mmu ŋau wee. Tɔkui Zozue do ifɔɛ ŋa, aŋa iyi à jɛ amai Yosadaki ŋau wee. Maseya do Eliezɛɛ do Yaribu do Gedalia.

Ɛsidarasi 3:2

Nɔ Zozue woo wee amai Yosadakiu, nŋu do woo wee kpaasiɛ ŋa do Zorobabɛli amai Seatiɛli do nyaanzeɛ ŋa à teese à ma bi kuweei Aɔ̃ Lafɛ̃ɛi inɛi Izirɛli ŋa. À ma bi kuweeui ku ba a yɔkɔ a cea Ilaaɔ̃ kuwee iyi à ya jo si ina fei sãa sãa si bɛi Moizi inɛi Ilaaɔ̃u í kɔɔ si woodaɛ.

Ɛsidarasi 3:8

Si adɔ̃ minjisia iyi à baa Zeruzalɛmu ilu bii kpasɛ̃i Ilaaɔ̃ í wau si cukpa minjisiai adɔ̃u, Zorobabɛli amai Seatiɛli do Zozue amai Yosadaki, aŋa do kpaasi woo wee ŋau do inɛi Levii ŋa do inɛ ŋa iyi aŋaò ŋa à baau fei à lɔ si icɛ. Nɔ à cica inɛi Levii ŋa iyi à nɛ adɔ̃ kɔnfia walakɔ kɔnfia do ku lesi fei a maa cɔ yaase bɛi à waa ce icɛi kpasɛ̃i Ilaaɔ̃u ku ma.

Ɛsidarasi 6:14

Nɔ walii Azee do Zakari tɔkui Idou à mua inɛ ngboi Zuifu ŋau gbugbã a teese a mɔsi icɛi ileu ku maɛ nɔ à kpa iriɛ. À maai si bɛi Aɔ̃ Lafɛ̃ɛi inɛi Izirɛli ŋau í fɔ do si bɛi Sirusi do Dariusi do Aatakusɛɛsi ilaalui Pɛɛsi ŋau à jilɛ wooda.

Azee 2:18

Na nŋu, i jɔ̀ i ce laakai ŋa hai nnyi do ala fei si mii iyi á na ku ce, hai ajɔ kɔnfia do mɛɛi cukpa mɛɛsãsiai adɔ̃ bii à jilɛ icui kpasɛ̃u, i jɔ̀ i ce laakai ŋa.

Zakari 4:14

Nɔ í sisiim í ni, aŋai à jɛ amanɛ minji ŋa iyi Aɔ̃ Lafɛ̃ɛ í cica í nya ikã a cea nŋu icɛ, nŋu iyi í jɛ Lafɛ̃ɛi andunya fei.

Zakari 4:4

Nɔ ǹ bee amaleka iyi wa bam ide ku fɔu ide ǹ ni, lafɛ̃ɛm, yoomai í jɛ yaasei mii ŋau bɛ fei.

Zakari 6:11

Gba isɔ fũfũ do wura i ceò fulai ilaalu iyi aa lesi irii Zozue woo wee nla amai Yosadakiu.

Zakari 8:9

Ide iyi amu Aɔ̃ Lafɛ̃ɛi lele do ilɛ ǹ wa n fɔ wee. Ǹ ni, i dasi kookaai ŋa, iŋɛ iyi ì waa gbɔ idei walii ŋau nnyi. Walii ŋau à fɔ ideu, waati iyi à nyɔ icui kpasɛ̃m ku ba a maa.

Kɔrɛnti 2, 1:24

A kù bi ka jilɛ nŋɛ ide gɔ do tilasi si naanɛ ku dasi nŋɛ si na iyi í jɔ̀ ì waa leekĩ dim dim ŋa tã si naanɛ ku dasiu, amma à bi ka ce icɛi awaɛ ŋa ajɔ ka mu nŋɛ inɔ didɔ̃.