Ɛsidarasi 4:2 - Bibeli do fee

² Ŋɔi à bɔ bi Zorobabɛli do bi inɛ ngboi kpasɛ̃ ŋau à sɔ̃ ŋa à ni, à waa bi ka ba ŋɛ kpasɛ̃i Ilaaɔ̃u ku ma, domi awa mɔ Ilaaɔ̃ akãu bɛi à waa tɔɔ bɛi iŋɛ mɔ nɔ à ya ka ceaa kuwee hai waati iyi Asaradɔ̃ɔ ilaalui Asiri í baaò wa wa ihɛ̃.

Ɛsidarasi 4:2 Iomraidhean Croise

Kusintii Andunya 10:11

Hai ilɛu bɛi í fita í bɔ ilɛi Asiri. Nɔ í ma ilui Ninivu do Rehobɔti do Kalaki.

Ilaalu 2, 17:24

Ŋɔi ilaalui Asiriu í jɔ̀ inɛ ŋa à naa hai Babilɔni do hai Kuta do hai Ava do hai Hamati do hai Sefaavaimu. Nɔ í na ŋa ilui Samari ŋa bii inɛi Izirɛli ŋau à tako à wa. Ŋɔi inɛ ŋau à buba si ilɛi Samariu à ce ide si iluɛ ŋa.

Ilaalu 2, 17:41

À waa tɔɔ Aɔ̃ Lafɛ̃ɛ nɔ à tɔtɔɔ à waa tɔɔò iwɛ̃ nŋa ŋau mɔ. Nɔ ama nŋa ŋa do tɔku nŋa ŋa à na à waa coo hee ku baa nnyi.

Ilaalu 2, 19:37

Ajɔ nŋu gɔ, í koo wa ce kutɔɔ inɔ ilei iwɛ̃ɛ iyi à ya kpe Nisirɔku. Ŋɔi Adaramelɛki do Saresɛɛ à koo à kpaa. Waati iyi à kpaa à tã, à bɛi à sa à nɛ ilɛi Ararati. Ŋɔi amaɛ Asaradɔ̃ɔ í sãsi agbɛɛ.

Ɛsidarasi 1:5

Ŋɔi inɛ ngboi kpasɛ̃ ŋa si dimii Zudaa do Bɛnzamɛɛ do woo wee ŋa do inɛi Levii ŋa, aŋa iyi Ilaaɔ̃ í da nŋa si idɔ a koo a teese a ma kpasɛ̃i nŋu Zeruzalɛmu fei à waa ce sɔɔlui ku nɛ.

Ɛsidarasi 2:2

Zorobabɛli do Zozue do Neemi do Seraya do Relaya do Maadosee do Bilisãa do Misipaa do Biguvai do Rehumu do Baana, aŋai à gbã ŋa wa. Irii inɛmɔkɔi Izirɛli ŋa wee do kukpɔ nŋa si wuaa ikã ikã,

Ɛsidarasi 3:12

Inɛ nkpɔ nkpɔ wa dɔ̃ anu do inɔ didɔ̃, amma woo wee nkpɔ nkpɔ do inɛi Levii nkpɔ ŋa do inɛ ngboi kpasɛ̃ gɔ ŋa iyi à jɛ mɔkɔ ngbo ŋa iyi à yɛ kpasɛ̃i Ilaaɔ̃u tako, à waa kpata hee lele waati iyi à waa nyɔ icu titɔ̃i kpasɛ̃i Ilaaɔ̃u si waju nŋa.

Ɛsidarasi 3:2

Nɔ Zozue woo wee amai Yosadakiu, nŋu do woo wee kpaasiɛ ŋa do Zorobabɛli amai Seatiɛli do nyaanzeɛ ŋa à teese à ma bi kuweei Aɔ̃ Lafɛ̃ɛi inɛi Izirɛli ŋa. À ma bi kuweeui ku ba a yɔkɔ a cea Ilaaɔ̃ kuwee iyi à ya jo si ina fei sãa sãa si bɛi Moizi inɛi Ilaaɔ̃u í kɔɔ si woodaɛ.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Iri ku kɔ̃ 73:8

À ya maa nyaanyi inɛ ŋai, a maa fɔ idei gbugbã ku taa inɛ do inɔ kukã. À ya maa fɔ idei do faau.

Ezai 37:37

Ŋɔi Senakeribu ilaalui Asiri í sinda í nɛ í koo í buba Ninivu.

Ezai 37:38

Ajɔ nŋu gɔ, í koo wa ce kutɔɔ inɔ ilei iwɛ̃ɛ iyi à ya kpe Nisirɔku. Ŋɔi ama inɛmɔkɔ minjiɛ gɔ ŋa iyi à ya kpe Adaramelɛki do Saresɛɛ à koo à kpaa. Waati iyi à kpaa à tã, à bɛi à sa à nɛ ilɛi Ararati. Ŋɔi inɛ akãi ama inɛmɔkɔɛ mmuɛ gɔ iyi à ya kpe Asaradɔ̃ɔ í sãsi agbɛɛ.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Galati 2:4

A kù tilasiɛ baa do iyi inɛ gɔ ŋa iyi a kù jɛ inɛ nwa ŋa do ntɔ à lɔ wa si igbɛu à waa bi a tilasi inɛ fei ku ce bango. Inɛ ŋau woo zamba inɛ ŋai. À naai do bisi ku ba a bɛjɛ ara ku nɛ nwa si anu akã nwa do Jesu Kirisi nɔ a ce wa aru.

Timɔtee 2, 3:8

Si bɛi Zanɛsi do Zambɛɛsi à kɔ̀si Moizi wo, bɛɛbɛ mɔi inɛ ŋau mɔ à kɔ̀si ntɔu, iri nŋa í sinda mam mam. Naanɛ ku dasi nŋa kù nɛ aranfãani kãma.