Ɛsidarasi 3:8 - Bibeli do fee

⁸ Si adɔ̃ minjisia iyi à baa Zeruzalɛmu ilu bii kpasɛ̃i Ilaaɔ̃ í wau si cukpa minjisiai adɔ̃u, Zorobabɛli amai Seatiɛli do Zozue amai Yosadaki, aŋa do kpaasi woo wee ŋau do inɛi Levii ŋa do inɛ ŋa iyi aŋaò ŋa à baau fei à lɔ si icɛ. Nɔ à cica inɛi Levii ŋa iyi à nɛ adɔ̃ kɔnfia walakɔ kɔnfia do ku lesi fei a maa cɔ yaase bɛi à waa ce icɛi kpasɛ̃i Ilaaɔ̃u ku ma.

Ɛsidarasi 3:8 Iomraidhean Croise

Bomma 1, 23:4

Ŋɔi Davidi í ni si inɔ nŋa, amanɛ dubu kɔnfia do mɛɛi (24.000) á jɛ woo cɔ icɛi kpasɛ̃i Aɔ̃ Lafɛ̃ɛu, dubu mɛɛfa (6.000) mɔ ku jɛ inɛ ngbo do woo kiiti ŋa.

Bomma 1, 3:17

Yekoniaui inɛi Babilɔni ŋa à mu aru. Nŋui í bí Seatiɛli,

Ɛsidarasi 10:18

Si inɔi woo wee ŋau, inɛ ŋa iyi à so abo si inɔi inaabo isɛ mmu ŋau wee. Tɔkui Zozue do ifɔɛ ŋa, aŋa iyi à jɛ amai Yosadaki ŋau wee. Maseya do Eliezɛɛ do Yaribu do Gedalia.

Ɛsidarasi 2:2

Zorobabɛli do Zozue do Neemi do Seraya do Relaya do Maadosee do Bilisãa do Misipaa do Biguvai do Rehumu do Baana, aŋai à gbã ŋa wa. Irii inɛmɔkɔi Izirɛli ŋa wee do kukpɔ nŋa si wuaa ikã ikã,

Ɛsidarasi 3:2

Nɔ Zozue woo wee amai Yosadakiu, nŋu do woo wee kpaasiɛ ŋa do Zorobabɛli amai Seatiɛli do nyaanzeɛ ŋa à teese à ma bi kuweei Aɔ̃ Lafɛ̃ɛi inɛi Izirɛli ŋa. À ma bi kuweeui ku ba a yɔkɔ a cea Ilaaɔ̃ kuwee iyi à ya jo si ina fei sãa sãa si bɛi Moizi inɛi Ilaaɔ̃u í kɔɔ si woodaɛ.

Ɛsidarasi 4:24

Na kucei mbɛɛi Zuifu ŋau iyi í sinti si waatii Sirusi, icɛi kpasɛ̃i Ilaaɔ̃u ku maɛ í leekĩ hee í koo í toò adɔ̃ minjisiai bomma ku jɛi ilaalu Dariusi si ilɛi Pɛɛsi.

Ɛsidarasi 4:3

Amma Zorobabɛli do Zozue do inɛ ngboi kpasɛ̃ ŋa iyi à gbe ŋau à jɛ nŋa à ni, a kù bi i ba wa kpasɛ̃i Aɔ̃ Lafɛ̃ɛ nwa ku ma ŋa. Awa akãi aa ka coo, domi kpasɛ̃i Aɔ̃ Lafɛ̃ɛi inɛi Izirɛli ŋai á jɛ. Sirusi ilaalui Pɛɛsiu takaɛ nŋui í jilɔɔ bɛɛbɛ.

Ɛsidarasi 5:16

Ŋɔi Sɛsibasaau í bɔ Zeruzalɛmu í koo í nyɔ icui kpasɛ̃u. Hai waati bɛɛbɛi à sinti ku mau amma hee nsɛi kù kpa iri.

Ɛsidarasi 5:2

Ŋɔi gbakã Zorobabɛli amai Seatiɛli do Zozue amai Yosadaki à dede à lɔsi kpasɛ̃i Ilaaɔ̃ ku ma Zeruzalɛmu má. Nɔ waliii Ilaaɔ̃ ŋau à sobi ŋa.

Azee 1:1

Si adɔ̃ minjisiai bomma ku jɛi Dariusi, cukpa mɛɛfasia si ajɔ sinteɛ, Aɔ̃ Lafɛ̃ɛ í jɔ̀ walii Azee í ba Zorobabɛli ilu ilɛi Zudaa, do Zozue woo wee nlau ide ku fɔ. Zorobabɛliui í jɛ amai Seatiɛli, nɔ Zozueu mɔ í jɛ amai Yosadaki.

Zakari 4:9

awɔi Zorobabɛlii í nyɔ icui ileu ihɛ̃, nɔ awɔɛ mɔi á na ku kpa iriɛ. Bii nŋu ŋau bɛ í na í to wa, aa mà ŋa iyi Aɔ̃ Lafɛ̃ɛi lele do ilɛi í bɛm wa bi tu ŋɛ.

Zakari 6:12

Nɔ i sɔ̃ Zozue i ni, Aɔ̃ Lafɛ̃ɛi lele do ilɛ í ni, inɛ gɔ wee í wɛɛ iyi à ya kpe ijui dimi ku gbɛ̃ iyi wa fita wa. Á fitai tengi bii í wau. Nŋui á ma kpasɛ̃m.

Kuka 4:3

hai adɔ̃ kuntaa do ku lesi hee ku bɔ adɔ̃ ciitaa, inɛ nŋu ŋau bɛi aa ce icɛ si ile bi kukou.