Ɛsidarasi 3:5 - Bibeli do fee

⁵ Hai waati bɛɛbɛ à ya maa ce kuweei ajɔ fei do ti ajɔ sintei cukpa titɔ̃ fei do ti jingau ŋa iyi à ni à ya cea Ilaaɔ̃. Kuwee ŋau bɛ à ya jooi si ina fei sãa sãa. Nɔ inɛ gɔ ŋa mɔ à ya maa cea Ilaaɔ̃ kuwee do idɔɔbi nŋa.

Ɛsidarasi 3:5 Iomraidhean Croise

Bomma 2, 31:14

Nɔ à so Kore amai Imuna inɛ ngboi amua iyi à naa Ilaaɔ̃ wa. Koreu inɛi Leviii, nŋui í jɛ woo degbe anu koofa iyi í wa do ikpa nunui daakɔi kpasɛ̃i Aɔ̃ Lafɛ̃ɛ. Nŋui í nɛ ku so amua ŋa iyi inɛ ŋa à ya na do idɔɔbi nŋa hee do iyi à jilɛa Ilaaɔ̃ ku kpɛ̃a

Ɛsidarasi 3:6

Hai ajɔ sintei cukpa mɛɛjesiau à sinti ku cea Ilaaɔ̃ kuwee ŋa iyi à ya jo si ina fei sãa sãa. Waati bɛɛbɛ a kù nyɔ baa icui kpasɛ̃i Ilaaɔ̃u titã.

Neemi 10:34

Amuaui á jɛ mii iyi aa ya raò pɛ̃ɛ iyi aa ya jilɛa Aɔ̃ Lafɛ̃ɛ ajɔ fei, do kuweei iyafũ iyi à ya ce ajɔ fei, do kuwee iyi à ya jo si ina fei sãa sãa ajɔ fei, do kuweei ajɔi kusĩmi ŋau fei, do ti cukpa titɔ̃ ŋau do ti jingau ŋau do ti kuwee mmu ŋa iyi à jɛ ti Ilaaɔ̃ do ti kuwee ŋa iyi à ya kpaò idei dulum dii inɛi Izirɛli ŋa do ti mii ŋa iyi à ya ce kpasɛ̃i Aɔ̃ Lafɛ̃ɛ nwau fei.

Zeremi 33:18

Inɛi Levii woo wee ŋau a kaa kua inɛ ŋa iyi aa ya sãsi agbɛ nŋa iyi aa maa ce kuwee iyi à ya jo si ina fei sãa sãa si wajum nɔu ajɔ kãma. Nɔ a kaa kua inɛ ŋa iyi aa ya jo tuae ku dɔ̃ inunu ŋa do amua ŋa, nɔ aa ya ce kuwee ti ajɔ feiui.

Kuwee 1:2

sɔ̃ inɛi Izirɛli ŋau i ni, bii inɛ gɔ nŋɛ gɔ í naa ku ceem amu Aɔ̃ Lafɛ̃ɛ kuwee do mɛɛmu gɔ, lafɛ̃ɛ ku cica si kɛtɛ gaaɛ, walakɔ si angudã do iwoɛ ŋa.

Kuwee 1:3

Bii lafɛ̃ɛ wa ce kuwee iyi à ya jo si ina fei sãa sãa, nɔ hai si inɔi mɛɛmu gaa ŋa iyi à laui wa bi ku mu, lafɛ̃ɛu ku mu kɛtɛ kombo iyi kù nɛ leebu kãma nɔ ku gbã ku bɔòɛ anui ile bi kukou nɔ ku ceò kuweeu ku ba ku dɔ̃a amu Aɔ̃ Lafɛ̃ɛ si.

Kuwee 23:2

sɔ̃ inɛi Izirɛli ŋau i ni, jingaui amu Aɔ̃ Lafɛ̃ɛ iyi aa ce ŋaui aa jɛ kutɔtɔɔ ŋa iyi à má. Jingaum ŋau wee.

Kuka 28:14

Amuai vɛ̃ɛ iyi aa naò mɔ, kɛtɛ kombo akã fei liiti mɛɛtai, angudã kombo akã mɔ fei liiti minjii, ama angudã ŋau mɔ liiti akã do bubu. Iyi bɛi í jɛ kuwee iyi aa ya ce si ajɔ sintei cukpa titɔ̃ fei si adɔ̃.

Kuka 28:19

Nɔ i ceem kuwee iyi à ya jo si ina fei sãa sãa do kɛtɛ kombo minji, do angudã kombo akã do ama angudãi adɔ̃ akã ŋa ara mɛɛje. Mɛɛmu ŋa iyi aa naaò wa fei, mɛɛmu ŋa iyi a kù nɛ leebui aa jɛ.

Kuka 28:27

Nɔ i cea amu Aɔ̃ Lafɛ̃ɛ kuwee iyi à ya jo si ina fei sãa sãa iyi inunuɛ á dɔ̃ɔm siu ŋa do kɛtɛ kombo minji, do angudã kombo akã, do ama angudãi adɔ̃ akã ara mɛɛje.

Kuka 29:13

Ajɔ sinteu aa ceem kuwee iyi à ya jo si ina fei sãa sãa ŋai iyi inunuɛ á dɔ̃ɔm si do kɛtɛ kombo maatɛta, do angudã kombo minji do ama angudãi adɔ̃ akã ara maatɛ̃ɛ, nɔ kãma nŋa ku maà nɛ leebu gɔ.

Kuka 29:2

Nɔ i cea amu Aɔ̃ Lafɛ̃ɛ kuwee iyi à ya jo si ina fei sãa sãa iyi inunuɛ á dɔ̃ɔm si do kɛtɛ kombo akã do angudã kombo akã do ama angudãi adɔ̃ akã ara mɛɛje, nɔ kãma nŋa ku maà nɛ leebu gɔ.

Kuka 29:39

Kuwee ŋa iyi ì nɛ ku cea amu Aɔ̃ Lafɛ̃ɛ mbɛ si ajɔi jingau nŋɛ ŋa. Aa ce kuwee ŋau bɛ ŋai baai kuwee iyi à ya jo si ina fei sãa sãa waati kãma fei do kuweei iyafũ ŋa do amuai vɛ̃ɛ ŋau do kuweei anu akã iyi aa yɔkɔ i kooa do idɔɔbi nŋɛ walakɔ na i kɔ̃ kuwã gɔ iyi ì ce ŋa baasi.

Kuka 29:8

I cea amu Aɔ̃ Lafɛ̃ɛ kuwee iyi à ya jo si ina fei sãa sãa iyi inunuɛ á dɔ̃ɔm si do kɛtɛ kombo akã, do angudã kombo akã, do ama angudãi adɔ̃ akã ara mɛɛje, nɔ kãma nŋa ku maà nɛ leebu gɔ.

Wooda ku kɔsi 12:17

I kù nɛ kpãai i jɛ akã si mɛɛwa fei iyi ì nya hai si bilee nŋɛ ŋa iyi á jɛ ti Aɔ̃ Lafɛ̃ɛ si ilu nŋɛ ŋa do ti vɛ̃ɛ nŋɛ ŋa do ti ikpoi olivi nŋɛ ŋa hee má jɛ ti mɛɛmu iyi à bí sinte si gaa nŋɛ ŋa, hai kɛtɛ nŋɛ ŋa do angudã nŋɛ ŋa do iwo nŋɛ ŋa do amuai idɔɔbi nŋɛ ŋa do iyi aa ce ku ba i kɔ̃ò kuwã nŋɛ gɔ do amuai amaajɛ sinte nŋɛ ŋa.

Wooda ku kɔsi 12:6

Tengi bɛi aa ya koo ce kuwee nŋɛ iyi à ya jo si ina fei sãa sãau, do kuwee mmuɛ ŋa, do amuai amaajɛ nŋɛ ŋa akã si mɛɛwa fei, do amuai mii sinte nŋɛ ŋau, do amua iyi aa ce i kɔ̃ò kuwã iyi ì ce ŋa, do amuai idɔɔbi nŋɛ ŋa, do amuai mɛɛmu iyi à bí sinte si gaa nŋɛ ŋa, hai kɛtɛ nŋɛ ŋa, do angudã nŋɛ ŋa, do iwo nŋɛ ŋa.