Ɛsidarasi 2:1 - Bibeli do fee

¹ Hai tako wo ilaalu Nebukanɛsaa í mu inɛi Izirɛli ŋa aru si ilɛɛ iyi à ya kpe Babilɔni. Nɔ si anyii adɔ̃ nkpɔ inɛi nyaanze nŋa ŋa à waa nyi si ilui Zeruzalɛmu do si ilɛi Zudaa fei, inɛ fei wa nyi si iluɛ.

Ɛsidarasi 2:1 Iomraidhean Croise

Ilaalu 2, 25:11

Si anyii nŋu, Nebuzaradãa í mu inɛ ŋa iyi à gbe si iluu do inɛ ŋa iyi à na ilaalui Babilɔni ara nŋau í nɛò ŋa.

Bomma 1, 9:1

À kɔ irii inɛi Izirɛli ŋau fei si tiai ilaalui Izirɛli ŋau kpasɛ̃ do kpasɛ̃. Nɔ à na à mu inɛi Zudaa ŋa aru à nɛò ŋa ilɛi Babilɔni si na iyi í jɔ̀ a kù leekĩ do Ilaaɔ̃ nŋu akã.

Bomma 1, 9:2

Inɛ ŋa iyi à tako à baa à buba si ilɛ nŋau do si ilu nŋa ŋaui à jɛ inɛi Izirɛli ŋau, do woo wee ŋau do inɛi Levii ŋau do woo ce icɛ si kpasɛ̃i Aɔ̃ Lafɛ̃ɛu ŋa.

Ɛsidarasi 1:11

Jiai jĩnɛ ŋa iyi à ce do wura do isɔ fũfũ fei í dedei dubu miiu do cĩɔ mɛɛ (5.400). Sɛsibasaai í so fei ndɛɛ waati iyi í dede hai Babilɔni do kpaasiɛ ŋau à waa nɛ Zeruzalɛmu.

Ɛsidarasi 2:2

Zorobabɛli do Zozue do Neemi do Seraya do Relaya do Maadosee do Bilisãa do Misipaa do Biguvai do Rehumu do Baana, aŋai à gbã ŋa wa. Irii inɛmɔkɔi Izirɛli ŋa wee do kukpɔ nŋa si wuaa ikã ikã,

Ɛsidarasi 2:70

Ŋɔi woo wee ŋau do inɛi Levii ŋau, do woo kɔ̃ iri ŋau do woo degbe andɛ koofa ŋau do woo ce icɛi kpasɛ̃i Ilaaɔ̃ ŋau do inɛ mbɔi inɛi Izirɛli ŋau, aŋa fei à koo à buba si ilu nŋa ŋa bii à tako à wa wo.

Ɛsidarasi 5:8

À waa sɔ̃ɛ iyi awa à bɔ ilɛi Zudaa bi kpasɛ̃i Ilaaɔ̃. Inɛ ŋa à teese à waa ma kpasɛ̃u do kuta ŋa iyi à gbe, nɔ à masi jĩi ŋa si idĩu. Icɛu wa gbãa nɔ wa ce jiida jiida.

Ɛsidarasi 6:2

Nɔ si ilɛi Medi si ilu nla iyi à ya kpe Ebataniu à yɛ tia gɔ si bii à kɔ ide à ni,

Ɛsidarasi 8:35

Inɛ ŋa iyi à baa hai bii à tako à waa jɛ aruu fei à cea Ilaaɔ̃ kuwee. À jo kɛtɛ kombo maateeji si ina fei sãa sãa na inɛi Izirɛli fei, do angudã kombo cinɛò fɛɛwa do mɛɛfa (96) do ama angudã kitaò fɛɛwa do mɛɛje (77). Nɔ à jo iwo kombo maateeji má si ina fei sãa sãa na dulum du ŋa.

Neemi 12:1

Woo wee ŋa do inɛi Levii ŋa iyi à baa do Zorobabɛli amai Seatiɛli do Zozue ŋa wee. Seraya do Zeremi do Ɛsidarasi

Ɛsitɛɛ 1:1

Faaji iyi à waa ceu ihɛ̃ í cei si waatii ilaalu Asuerusi, nŋu iyi wa jɛ ilaalui ilɛ cifa do mɛɛje, hai Ɛndi hee ku bɔ Etiopi.

Ɛsitɛɛ 1:11

nɔ í sɔ̃ ŋa í ni a gbã Vasiti aboi nŋu wa do fulai bommaɛ a naaɛ wa si wajui nŋu ku ba ku nyisi akawe nla ŋau do inɛ ŋa iyi à wa bɛ fei zaka bɛi kusĩaɛ í to, domi abou í sĩai ntɔ ntɔ.

Ɛsitɛɛ 1:8

Amma a kù waa tilasi inɛ kãma ku mɔ, domi ilaaluu í sɔ̃ inɛi kpasɛ̃ɛ ŋa fei í ni a na inɛ fei zaka bɛi idɔɛ í bi.

Ɛsitɛɛ 8:9

Ajɔ nŋu bɛ, si ajɔ kɔnfia do mɛɛtasiai cukpa mɛɛtasia iyi à ya kpe Sivãau à kpe woo kɔ tiai ilaalu ŋau wa. Bɛi Maadosee í fɔ fei, bɛɛbɛi inɛ ŋau à kɔɔ. À kɔa Zuifu ŋa do amanlu ŋau do inɛ ngboi ilɛ ŋau do inɛ ŋa iyi à jɛ inɛ ngbo si ilɛ cifa do mɛɛje ŋa iyi à wa si bommau hai Ɛndi hee ku bɔ Etiopi. À kɔɔi do feei inɛ fei do yaase bɛi dimi ŋa iyi à wa si ilɛ ikã ikã ŋau fei à ya fɔ, do si feei Zuifu ŋa taka nŋa, do si yaase bɛi à ya kɔ.

Ezai 48:20

I fita hai Babilɔni ńya ńya nɔ i sa hai bi inɛi Kaladee ŋau ŋa. I fɔ laabaauu ihɛ̃ hee kɔɔi andunya do anu ku dɔ̃i inɔ didɔ̃ ŋa. I sisi laabaauu ŋa. I fangaaɛ bii fei ŋa i ni, Aɔ̃ Lafɛ̃ɛ í ya dimii Zakɔbu woo ce icɛɛ.

Zeremi 50:19

An jɔ̀ Izirɛli ku nyi aroɛ, nɔ á ba sɔndaɛ ŋa ku jɛ ku yoi si iri kutai Kaamɛli do Basãa ŋa, do si iri kutai Efaraimu do Galaadi ŋa.

Kukpata 1:3

À mu inɛi Zudaa ŋa à nɛò ŋa ilɛ mmu. Bɛi à koo à waa ta nŋa gbugbã, à jɔ̀ à waa ce icɛi aru. À koo à wai si inɔi dimi mmu ŋa, nɔ a ci ya nɛ kusĩmi. Mbɛɛ nŋa ŋa iyi à lele ŋau, à na à ba ŋai si inɔ kufɔ.

Kukpata 1:5

Mbɛɛɛ ŋa à kãmiaɛ, inɛ ŋa iyi à cóo ŋau à wɛɛò laakai ku sũ, domi Aɔ̃ Lafɛ̃ɛi í dasiɛ inɔ kufɔu na kurara nkpɔ nkpɔɛ ŋa. Mbɛɛɛ ŋau à mu amaɛ ŋa a nɛò ŋa.

Kukpata 4:22

Iŋɛ inɛi Siɔ̃ɔ ŋa, ijuukpã nŋɛu í to kɔɔ mbɛ a kaa nɛò ŋɛ ilɛ mmu bii kãma má. Amma iŋɛ inɛi Edɔmu ŋa, Aɔ̃ Lafɛ̃ɛ á kpã ŋɛ ijui, nɔ á fitaò dulum du ŋɛ ŋa wa gbugbãai.

Sofoni 2:7

Ilɛi ikpa bɛi á jɛ ti inɛi Zudaa ŋa iyi à ba à fita siu. Tengi bɛi aa ya maa degbe mɛɛmu nŋa ŋa. Alɛ, aa ya koo a sũi kpasɛ̃i inɛi Asikalɔ̃ɔ ŋa, domi Aɔ̃ Lafɛ̃ɛ nŋa á naa si ŋa, nɔ á kpaasi kuwɛɛ nŋau.

Woo bɛ ŋa 23:34

Iyi í cio tiau í tã ŋɔi í bee Pɔlu í ni, hai iwoi ì waa naa. Ŋɔi Pɔlu í ni hai ilɛi Silisii.