Ɛsidarasi 10:3 - Bibeli do fee

³ Í sĩa ka dĩ akabuu do Ilaaɔ̃ nɔ ka lele inaabo isɛ mmu ŋau do ama nŋa ŋa fei si bɛi ì bi, awɔ do inɛ ŋa iyi à waa jirima woodai Aɔ̃ Lafɛ̃ɛ nwa fei. Í sĩa ka jirima woodai Ilaaɔ̃.

Ɛsidarasi 10:3 Iomraidhean Croise

Ilaalu 2, 11:17

Si anyiɛ ŋɔi Yehoyada í dĩ akabuu do Aɔ̃ Lafɛ̃ɛ do ilaaluu do zamaau ku ba a jɛ zamaai Aɔ̃ Lafɛ̃ɛ. Nɔ í nyi í dĩ akabuu mmuɛ má si gãmɛi zamaau do ilaaluu.

Bomma 2, 29:10

Amu de ǹ dasi idɔ n dĩ akabuu do Aɔ̃ Lafɛ̃ɛi Izirɛli ku ba idɔɔkɔ̃ nla nlaɛ iyi í dede si wau ku sũ.

Bomma 2, 30:12

Nɔ Ilaaɔ̃ í jɔ̀ idɔi inɛi Zudaa ŋa í jɛ akã nɔ à jɛsi a jirima ide iyi ilaaluu do inɛ ngbo ŋau à sɔ̃ ŋa.

Bomma 2, 34:21

í ni, i koo i bee Aɔ̃ Lafɛ̃ɛ wa ŋa na irii amu takam do inɛ ŋa iyi à gbe si ilɛi Izirɛli do ilɛi Zudaa, ku ba ka gbɔ yaasei ide iyi í wa si tiau ihɛ̃ iyi à yɛ, domi idɔɔkɔ̃ nla nlai Aɔ̃ Lafɛ̃ɛ í wa si wa, si na iyi í jɔ̀ bala nwa ŋa a kù jirima idei Aɔ̃ Lafɛ̃ɛ, nɔ a kù ceò mii iyi à kɔ si tiau ihɛ̃ fei icɛ.

Bomma 2, 34:27

ideu í to siɛ. Ì kaye araɛ si wajum waati iyi ì gbɔ ide iyi ǹ ni á na ku ba iluu bɛ do inɛɛ ŋa fei. Si bɛi ì kaye araɛ si wajum, nɔ ì ga ibɔɛ ŋa na inɔ kufɔ nɔ ì kpata si wajum. Na nŋu, amu mɔ ǹ gbɔ kutɔɔɛu,

Ɛsidarasi 10:11

Nsɛi í sĩa i ce tuubai dulum du ŋɛ ŋa bi Aɔ̃ Lafɛ̃ɛi bala nŋɛ ŋa nɔ i jirima idɔɔbiɛ ŋa. I fɛɛfɛ ara nŋɛ do inɛi ilɛ ihɛ̃ ŋau do abo isɛ mmu nŋɛ ŋau.

Ɛsidarasi 10:44

Inɛ bɛ ŋau bɛ fei à so abo isɛ mmu ŋa, nɔ abo nŋa ŋau nkpɔ nkpɔ í bí ama.

Ɛsidarasi 10:9

Ŋɔi inɛi Zudaa ŋa do inɛi Bɛnzamɛɛ ŋa fei à tɔtɔɔ Zeruzalɛmu bɛ si ajɔ mɛɛtasiau si ajɔ kɔnfiai cukpa mɛɛsãsiau. À tɔtɔɔ si bantumai kpasɛ̃i Ilaaɔ̃u nɔ aŋa fei à waa yaya na ideu do si bɛi ijĩ í nyi wa wɔ má.

Ɛsidarasi 9:4

Bɛɛbɛ mɔi ǹ nɔ ǹ wɛɛ bɛ hee í koo í toò waati iyi à waa ce kuweei alɛu. Nɔ inɛ ŋa iyi à waa ce njo kiitii Ilaaɔ̃ ku maa naa si inɛi Izirɛli ŋa na dulum du ŋa à naa à tɔtɔɔ bi tom.

Neemi 10:1

Na irii iyi ihɛ̃ feii í jɔ̀ awa inɛi Izirɛli ŋa à ce kuwã nla nla nɔ à jɔ̀ à kɔɔ si tia. Inɛ ngbo nwa ŋa do inɛi Levii nwa ŋa do woo wee nwa ŋa à tɛ̀ si tia nwau awɔ à cĩmboɛ nɔ à dasi sɛɛda.

Neemi 8:14

Ŋɔi à wusɛ wooda iyi Aɔ̃ Lafɛ̃ɛ í ni Moizi ku kɔu nɔ à to tengi bii à kɔ idei jingaui Kusu ŋau ku jɛ. Afe bii à ciou í ni inɛi Izirɛli ŋau aa ya jɛ jingauui si cukpa mɛɛjesiau nɔ inɛ fei kú ya maa wa inɔ kusuɛ.

Iri ku kɔ̃ 119:120

Aram fei wa yayai na njoɛ iyi ǹ wa n ce, nɔ njo wa mum na kiitiɛ.

Iri ku kɔ̃ 119:59

Ǹ lasabu si isɛɛnɛm, nɔ ǹ bi n nyi wa si ideɛ ŋa.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezai 8:20

à nɛ ka baai si woodai Ilaaɔ̃ do si akabuu iyi awaò ŋa à nɛ. Nɔ inɛ iyi kù ceò ide ŋau bɛ icɛ, kaa yɛ inya kumái amɛɛjuumá.

Ezekiɛli 9:4

Aɔ̃ Lafɛ̃ɛ í sɔ̃ɔ í ni, lɔ inɔ ilu Zeruzalɛmu, ce nyinda gɔ si ikpoi inɛ ŋa iyi à waa wahala nɔ à waa kakaa na laalɔ ŋa iyi inɛ ŋa à waa ceu.

Wooda ku kɔsi 29:12

Do yaase bɛɛbɛ nnyi, á jɔ̀ i jɛ zamaaɛ ŋa nɔ nŋu mɔ ku jɛ Aɔ̃ Lafɛ̃ɛ nŋɛ bɛi í cea iŋɛ taka nŋɛ kuwãɛ, nɔ í cea Aburahamu do Izaaki do Zakɔbu bala nŋɛ ŋau mɔ kuwãɛ do kugbasi.

Zozue 9:6

Ŋɔi à bɔ Giligali bi asɔi Zozue do inɛi Izirɛli ŋau nɔ à sɔ̃ ŋa à ni, hai ilɛ jĩijĩi à naa ihɛ̃, nɔ à bi awaɛ ŋa ka dĩ akabuu.