Ɛsidarasi 10:1 - Bibeli do fee

¹ Waati iyi Ɛsidarasi í gulɛ wa kpataò si wajui kpasɛ̃u wa tɔɔ Ilaaɔ̃ ku kpa idei dulum du ŋau, inɛi Izirɛli ŋa aŋa nkpɔ nkpɔi à tɔtɔɔ à kaakoɛ bɛ, hai inɛmɔkɔ ŋa do inaabo ŋa do ama keeke ŋa, aŋa fei à wasi ku kpata hee lele.

Ɛsidarasi 10:1 Iomraidhean Croise

Ilaalu 1, 8:30

Jɔ̀ i cea amu woo ce icɛɛ do inɛi Izirɛli inɛɛ ŋa mii iyi à waa tɔɔ waati iyi à naa tengi ihɛ̃. Jɔ̀ i ya gbɔ kutɔɔ nwa hai lelei Aɔ̃ tengi bii ì wa, nɔ i kpa idei dulum du wa.

Ilaalu 1, 9:3

Ŋɔi í sɔ̃ɔ í ni, ǹ gba kutɔɔɛ. Kpasɛ̃u ihɛ̃ iyi ì ma, ǹ nyaa ikãi í jɛ titom. Bɛi an maa n wa waati kãma fei si anini nŋɛ, nɔ bɛi ijum do idɔm á maa wa.

Bomma 2, 20:13

Inɛi Zudaa ŋau fei à waa leekĩ si wajui Aɔ̃ Lafɛ̃ɛ bɛ, aŋa do nyaanze nŋa ŋa do abo nŋa ŋa do ama nŋa ŋa.

Bomma 2, 20:9

bii í na í jɛ laalɔ gɔ í naa si wa, walakɔ ijuukpã gɔi, walakɔ igũi walakɔ bɔ̃ɔi walakɔ arii, aa ka naa si inɔ ileu ihɛ̃ si wajuɛ, domi ihɛ̃i ì cica i wa si. Aa ka tɔɔɛi si inɔ kufɔ nwa hai inɔ ileu ihɛ̃, nɔ i jɛ nwa i faaba wa.

Ɛsidarasi 10:6

Ŋɔi Ɛsidarasi í fita hai si bantumai kpasɛ̃i Aɔ̃ Lafɛ̃ɛu, nɔ í bɔ idei Yohanaa amai Eliasibu í koo í buba bɛ. Nɔ í kɔ̀ ku jɛ hee má jɛ ku mɔ domi inɔɛ í fɔ do dulum nla nla iyi inɛ ŋau à ce.

Neemi 1:4

Iyi ǹ gbɔ ide ŋau ŋɔi ǹ buba ǹ kpata, nɔ ǹ ce ajɔ bututu si inɔ kufɔ. Ǹ dĩ anu, nɔ ǹ tɔɔ Ilaaɔ̃ iyi í wa lele

Neemi 1:6

Cĩ ijuɛ ŋa nɔ i de itĩ i gbɔ kutɔɔ iyi amu woo ce icɛɛ ǹ wa n ce dasãò idũ. Ǹ wa n tɔɔɛi, kpa idei dulum du wa, awa inɛi Izirɛli woo ce icɛɛ ŋa. Ntɔ ntɔ, amu do kpasɛ̃i baam à ce dulum.

Neemi 10:28

do Maluku do Harimu, do Baana.

Neemi 8:9

Waati iyi zamaau wa gbɔ idei woodau, aŋa fei à wasi ku kpatai. Amma Neemi ilu ilɛu do Ɛsidarasi iyi í jɛ woo wee do woo kɔ inɛ ŋa si woodau do inɛi Levii ŋa iyi à sisia zamaau yaasei woodau à sɔ̃ ŋa à ni, i maà jɔ̀ inɔ nŋɛ ku fɔ i maa kpata ŋa. Ajɔi nnyiu ihɛ̃, ajɔi inɔ didɔ̃i iyi à nya ikã kú jɛ ti Aɔ̃ Lafɛ̃ɛ nŋɛ.

Iri ku kɔ̃ 119:136

Cikãajum ŋa à waa cã bɛi inyii ido, si na iyi í jɔ̀ a kù waa jirima woodaɛ ŋa.

Iri ku kɔ̃ 32:5

Ŋɔi ǹ jɔ̀ ì mà dulum dom nɔ n kù singaɛ kuraram, ǹ ni, an ce tuubai kuraram ŋa bi Aɔ̃ Lafɛ̃ɛ. Nɔ ì kpa kuraram ŋa do dulum dom ŋau. Kusĩmi.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 9:1

Bii í jɛ an ba inya si gbaa bii an sɔ̀ bɛi woo bɔ ilu, an fũsi inɛm ŋau awɔi n nɛ ikpa bɛ, domi aŋa fei à ya dabii a maa tɔɔ iwɛ̃ ŋai bɛi woo ce sakara ŋa a ci ya leekĩò inɛ akã, nɔ à jɛ woo zamba inɛ ŋa.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Zakari 12:10

An jɔ̀ kpasɛ̃i Davidi do inɛi Zeruzalɛmu ŋa a nɛ araare nɔ a ya ce kutɔɔ, nɔ a sinda wa sim a cɔ amu iyi à gũ do jĩnɛi igũ. Aa kpata sim bɛi inɛ iyi ama akã lege legeɛ í ku. Aa kpata do inɔ kufɔ nla nla bɛi inɛ iyi ama yemmaɛ í ku.

Matie 3:6

À ce tuubai dulum du ŋa nɔ à jɔ̀ Zãa í dasi ŋa inyi si idoi Zuudɛ̃ɛu.

Luku 19:41

Si bɛi Jesu í maai Zeruzalɛmu, ŋɔi í yɛ iluu nɔ wa kpataa inɛɛ ŋa í ni,

Woo bɛ ŋa 10:30

Ŋɔi Kɔɔnɛi í ni, í to ajɔ mɛɛ wa ihɛ̃ nnyi iyi zakai isɔ mɛɛta bɛ ihɛ̃i ǹ wa kpasɛ̃m ihɛ̃ ǹ wa n ce kutɔɔ. Ŋɔi inɛ gɔ í naa bi tom, wa dasi ibɔ ku daana gɔ.

Woo bɛ ŋa 21:5

Amma iyi ajɔi kunɛ nwa í to à nyi bi akɔu má. Aŋa fei do abo nŋa ŋa do ama nŋa ŋa à naa à leekĩ nwa hai iluu. Awa fei à gulɛ itĩi tenkuu nɔ à ce kutɔɔ.

Romu 9:2

Inɔm í fɔ ntɔ ntɔ na Zuifu kpaasi ŋa nɔ ǹ ya n maa n ce araare nŋa waati kãma fei.

Wooda ku kɔsi 31:12

Aa tɔtɔɔ zamaau feii, hai inɛmɔkɔ ŋa do inaabo ŋa do amu ŋa hee do inɛ njoo ŋa iyi à wa bi tu ŋɛ ŋa bɛ fei ku ba a gbɔ kuciou nɔ a màa, nɔ a mà bɛɛrɛi Aɔ̃ Lafɛ̃ɛ nŋɛ nɔ a maa jirima idei wooda ŋau fei.

Zozue 7:6

Ŋɔi Zozue í ga ibɔɛ ŋa nɔ í sɛɛbata si wajui kpakoi akabuui Aɔ̃ Lafɛ̃ɛ hai daakɔ hee alɛ í koo í lɛò, nŋu do inɛ ngboi Izirɛli ŋau, nɔ à kosi iri nŋa ŋa sãa a nyisiò inɔ kufɔ nŋa.

Zozue 8:35

Nkãma kù gbe iyi Moizi í kɔ iyi Zozue kù kaa si wajui kutɔtɔɔi inɛi Izirɛli ŋau fei, hai inaabo ŋa do amu ŋa do inɛ njoo ŋa iyi à wa anini nŋa ŋau fei.