Ɛsidarasi 1:3 - Bibeli do fee

³ Si inɔ nŋɛ, iŋɛ iyi ì jɛ inɛɛ ŋa fei, à waa kpe ŋɛ i nyi Zeruzalɛmu i koo i teese i ma kpasɛ̃i Aɔ̃ Lafɛ̃ɛi inɛi Izirɛli ŋau, nŋu iyi inɛ ŋa à waa tɔɔ Zeruzalɛmu bɛ. Nɔ Ilaaɔ̃ Lafɛ̃ɛ nŋɛ ku wɛɛ do iŋɛ.

Ɛsidarasi 1:3 Iomraidhean Croise

Ilaalu 1, 18:39

Iyi zamaau fei í yɔɔ ŋɔi aŋa fei à sɛɛbata à wasi ku ni, Aɔ̃ Lafɛ̃ɛi í jɛ ntɔ, Aɔ̃ Lafɛ̃ɛi í jɛ ntɔ.

Ilaalu 1, 8:23

Si kutɔɔɛu í ni, Aɔ̃ Lafɛ̃ɛi inɛi Izirɛli ŋa, inɛ kãma kù wa lele walakɔ ilɛ iyi í yɛ bɛi awɔ. Ì ya kɔ̃ akabuuɛ nɔ ì ya leekĩ dee dee bi woo ce icɛɛ ŋa iyi à waa jirimaɛ do idɔ nŋa fei.

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Ɛsidarasi 1:4

Tengi bii inɛi Izirɛli ŋa à wa fei, inɛi tengi bɛ ŋai aa mu nŋa isɔ fũfũ do wura, do mii jiida mmuɛ ŋa má do mɛɛmu ŋa, nɔ do idɔɔbi nŋai aa na ŋa fia iyi á jɛ ti kpasɛ̃i Ilaaɔ̃ iyi í wa Zeruzalɛmu.

Ɛsidarasi 4:3

Amma Zorobabɛli do Zozue do inɛ ngboi kpasɛ̃ ŋa iyi à gbe ŋau à jɛ nŋa à ni, a kù bi i ba wa kpasɛ̃i Aɔ̃ Lafɛ̃ɛ nwa ku ma ŋa. Awa akãi aa ka coo, domi kpasɛ̃i Aɔ̃ Lafɛ̃ɛi inɛi Izirɛli ŋai á jɛ. Sirusi ilaalui Pɛɛsiu takaɛ nŋui í jilɔɔ bɛɛbɛ.

Ɛsidarasi 5:13

Do nŋu fei, si adɔ̃ sinte iyi Sirusi í jɛ bomma ilɛi Babilɔni, í na wooda í ni a teese a ma kpasɛ̃i Ilaaɔ̃u.

Ɛsidarasi 5:3

Waati bɛɛbɛ mɔi Tatenai iyi wa jɛ inɛ ngbo si agbɛi Rehumu, do Setaa-Bɔzunai do kpaasi nŋa ŋa à koo bi tu ŋa nɔ à bee ŋa à ni, yooi í na ŋɛ wooda í ni i teese i ma ileu ihɛ̃ ŋa.

Ɛsidarasi 6:7

I jɔ̀ Zuifu ŋa a nɛ ara nŋa a teese a ma kpasɛ̃i Ilaaɔ̃u. Ilu ilɛu do inɛ ngboi Zuifu ŋau í sĩa a yɔkɔ a teese a maa si agbɛ nwoɛ.

Iri ku kɔ̃ 132:13

Ntɔ ntɔ, Aɔ̃ Lafɛ̃ɛi í cica Siɔ̃ɔ. Í cicaɛi ku jɛ bi kuwaɛ.

Iri ku kɔ̃ 83:18

Jɔ̀ a dasi anyɔ do zigiida hee do ajɔ fei. Jɔ̀ a nyiò anyi nɔ a ce nfe.

Ezai 37:16

Aɔ̃ Lafɛ̃ɛi lele do ilɛ, Aɔ̃ Lafɛ̃ɛi inɛi Izirɛli ŋa, awɔ iyi ì waa buba si antaii serubɛ̃ɛ ŋa, awɔ akãi ì jɛ Aɔ̃ Lafɛ̃ɛi bomma ŋa fei si ilɛu ihɛ̃. Awɔi ì taka lele do ilɛ.

Ezai 44:28

Amui ǹ fɔ si gãmɛi Sirusi ǹ ni, woo degbe iyi ǹ cicai. Nŋui á jɔ̀ mii ŋa iyi ǹ bi fei ku ce. Nŋui á na wooda, ku jɔ̀ a teese a ma ilui Zeruzalɛmu, nɔ a teese a ma kpasɛ̃i Aɔ̃ Lafɛ̃ɛu.

Ezai 45:5

Amui ǹ jɛ Aɔ̃ Lafɛ̃ɛ, nɔ inɛ kãma kù jɛ saam. Bii kù jɛ amu, Ilaaɔ̃ kãma kù wɛɛ má. Amui ǹ ceɛ sɔɔlui igũ hai waati iyi i kù màm,

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Wooda ku kɔsi 32:31

Amma mbɛɛi inɛi Izirɛli ŋau taka nŋa à mà iyi iwɛ̃ woo degbei aŋau kù nɛ gbugbã bɛi Aɔ̃ Lafɛ̃ɛi inɛi Izirɛli ŋau.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.