Ɛsidarasi 1:2 - Bibeli do fee

² Aɔ̃ Lafɛ̃ɛi lele í daam bommai ilɛ ŋau fei si awɔ amu Sirusi ilaalui Pɛɛsi, nɔ í cicam n teese n maa nŋu kpasɛ̃ ilui Zeruzalɛmu si ilɛi Zudaa.

Ɛsidarasi 1:2 Iomraidhean Croise

Ilaalu 1, 8:27

Amma do ntɔ, aa ba bi kuwa si ilɛ ihɛ̃? Ntɔ ntɔ lelei Aɔ̃ í la í caa nɔ í mɔngɔ ku gbaɛ. Bɛirei ile iyi ǹ maɛu á ce ku toɛ.

Bomma 2, 2:12

De, nsɛi, an jɔ̀ inɛmɔkɔ goni gɔ ku naa bi tɛɛ bɛ. Í mà icɛ ntɔ ntɔ. Iriɛi Hurami-Abi.

Ɛsidarasi 1:5

Ŋɔi inɛ ngboi kpasɛ̃ ŋa si dimii Zudaa do Bɛnzamɛɛ do woo wee ŋa do inɛi Levii ŋa, aŋa iyi Ilaaɔ̃ í da nŋa si idɔ a koo a teese a ma kpasɛ̃i nŋu Zeruzalɛmu fei à waa ce sɔɔlui ku nɛ.

Ɛsidarasi 3:7

Nɔ à so woo gbe kuta ŋa do woo gbe jĩi ŋa à na ŋa fia. Si anyiɛ nɔ à na inɛi Sidɔ̃ɔ ŋa do inɛi Tii ŋa mii ku jɛ ŋa do atɛ̃ do ikpo ku ba inɛ nŋu ŋau mɔ a koo a dɛ nŋa jĩi ndii sɛɛdi ŋa wa hai ilɛi Libãa a dasi akɔi inyi a naaò wa hee ilui Zopee. À cooi do woodai Sirusi ilaalui Pɛɛsiu.

Ɛsidarasi 4:3

Amma Zorobabɛli do Zozue do inɛ ngboi kpasɛ̃ ŋa iyi à gbe ŋau à jɛ nŋa à ni, a kù bi i ba wa kpasɛ̃i Aɔ̃ Lafɛ̃ɛ nwa ku ma ŋa. Awa akãi aa ka coo, domi kpasɛ̃i Aɔ̃ Lafɛ̃ɛi inɛi Izirɛli ŋai á jɛ. Sirusi ilaalui Pɛɛsiu takaɛ nŋui í jilɔɔ bɛɛbɛ.

Ɛsidarasi 5:15

í sɔ̃ɔ í ni, i koo i teese i ma kpasɛ̃i Ilaaɔ̃ iyi í wa Zeruzalɛmu si agbɛ nwoɛ, nɔ i gba mii ŋau ihɛ̃ i koo i sindo si bɛ ŋa.

Ɛsidarasi 6:10

Si bɛɛbɛi aa yɔkɔ a cea Ilaaɔ̃ nŋu iyi í taka lele kuwee iyi í nɛ inunu didɔ̃ nɔ a cea amu ilaaluu do amam ŋa kutɔɔ si kuwɛɛ nwa.

Ɛsidarasi 6:3

Sirusi í fɔ si adɔ̃ sintei bomma ku jɛɛ í ni a teese a ma kpasɛ̃i Ilaaɔ̃ iyi í wa Zeruzalɛmu ku ba ku jɛ inya bii aa ya cea Ilaaɔ̃ kuwee ŋa, nɔ si icu nwou bɛi aa maa. Nɔ kugbokaɛ do kucĩɛ fei agbãawɔ kitai á jɛ.

Ɛsidarasi 7:12

Amu Aatakusɛɛsi ilaalui ilaalu ŋa, ǹ kɔɛ tiau ihɛ̃ wai Ɛsidarasi awɔ woo wee do woo mà woodai Aɔ̃ Lafɛ̃ɛi lele.

Neemi 1:4

Iyi ǹ gbɔ ide ŋau ŋɔi ǹ buba ǹ kpata, nɔ ǹ ce ajɔ bututu si inɔ kufɔ. Ǹ dĩ anu, nɔ ǹ tɔɔ Ilaaɔ̃ iyi í wa lele

Neemi 1:5

ǹ ni, Aɔ̃ Lafɛ̃ɛ, awɔ Ilaaɔ̃ iyi ì wa lele, ì la nɔ ì nɛ amboe. Awɔi ì waa mu akabuuɛ, nɔ ì ya ce araarei inɛ ŋa iyi à biɛ nɔ à waa jirima woodaɛ ŋa.

Iri ku kɔ̃ 136:26

I saabu Ilaaɔ̃ nŋu iyi í wa leleu ŋa, domi kubiɛ í ya maa wɛɛi hee do ajɔ fei.

Iri ku kɔ̃ 85:2

Aɔ̃ Lafɛ̃ɛ, ì nyisi ilɛɛ kubiɛ. Ì jɔ̀ inɛi Zakɔbu ŋa à baa à na à buba si ilɛ nŋa má.

Mɔnda ŋa 21:1

Idɔi ilaalu í yɛi bɛi acãi inyi si awɔi Aɔ̃ Lafɛ̃ɛ. Nŋui í ya maa sindaɛ bɛi í bi.

Ezai 41:2

Yooi í jɔ̀ inɛ iyi í ya jɛ igũ bii fei í dasi kpãa wa ce isɛɛnɛɛ wa hai do ikpa nunui daakɔ ihɔ̃. Yooi í daa inɛi ilɛ ŋau si awɔ, nɔ yooi í kaye ilaalu ŋau. Taakubaɛ í jɔ̀ inɛ ŋau à kpɔò sãa. Biooɛ í jɔ̀ inɛ ŋau à yɛ bɛi fɔfɔi ile iyi fufu í nya í nɛò.

Ezai 44:26

Amui ǹ ya n jɔ̀ idei woo ce icɛm ku ce, nɔ mii ŋa iyi woo bɛm ŋa à fɔ à jilɛ, ǹ ya n jɔ̀ ku cei dee dee. Amui ǹ fɔ si gãmɛi Zeruzalɛmu ǹ ni, zamaa nkpɔ nkpɔi á nyi wa ku naa ku buba bi titɛɛ, nɔ bɛɛbɛ mɔi á jɛ do ilui Zudaa ŋau mɔ. Aa teese a ma ŋai, nɔ a dede idĩ nŋa ŋau.

Ezai 44:28

Amui ǹ fɔ si gãmɛi Sirusi ǹ ni, woo degbe iyi ǹ cicai. Nŋui á jɔ̀ mii ŋa iyi ǹ bi fei ku ce. Nŋui á na wooda, ku jɔ̀ a teese a ma ilui Zeruzalɛmu, nɔ a teese a ma kpasɛ̃i Aɔ̃ Lafɛ̃ɛu.

Ezai 45:1

Ide iyi Aɔ̃ Lafɛ̃ɛ í sɔ̃ Sirusi nŋu iyi í cica í nyaa ikãu wee. Í ni, ǹ mu awɔ njɛɛi ku ba n kɛkɛ inɛi ilɛ ŋa iyi à wa do wajuɛ ŋau, nɔ n leekĩ gbugbãi ilaalu ŋa, ku ba n cĩɛ gamboi bindii ilu ŋa iyi à sɔkɔ ŋau.

Ezai 66:1

Aɔ̃ Lafɛ̃ɛ í ni, lelei Aɔ̃i í jɛ batai bommam, nɔ ilɛ mɔi í jɛ bi ku lesi kutɛm. Debɛi, dimii ile yoomai aa yɔkɔ i maam ŋa. Tengi iwoi á jɛ inya bi kusĩmim.

Zeremi 10:11

Ide iyi aa sɔ̃ ŋa ŋa wee. I sɔ̃ ŋa i ni, iwɛ̃ ŋau bɛ, kù jɛ aŋai à taka lele do ilɛ. Na nŋu, aa ce nfe nŋai mam mam.

Zeremi 27:5

Amui ǹ ce ilɛ do amanɛ ŋa do mɛɛmu ŋa iyi à wa si ilɛu do gbugbãm do kumàm, nɔ inɛ iyi ǹ bii ǹ na ilɛu.

Zeremi 29:10

Amma Aɔ̃ Lafɛ̃ɛ í nyi í fɔ má í ni, waati iyi gbugbãi bommai Babilɔni á kpɛ ku ce adɔ̃ kitaò fɛɛwa (70) bi tu ŋɛ, an naa si ŋɛ, nɔ waati bɛɛbɛi an kɔ̃ kuwã iyi ǹ ce nŋɛu n jɔ̀ i baa Zeruzalɛmu má ŋa.

Daniɛli 1:21

Do yaase bɛɛbɛi Daniɛli í waò bɛ hee í koo í toò si adɔ̃ sintei bomma ku jɛi ilaalu Sirusi.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 5:23

Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Daniɛli 6:25

Ŋɔi ilaalu í na wooda í ni a gbã inɛ ŋa iyi à yɛ taalei Daniɛli ŋau a naaò ŋa wa nɔ a sɔsi ŋa si inɔ isa bii muusu nla ŋau à wau, aŋa do ama nŋa ŋa do abo nŋa ŋa. [Waati iyi à so inɛ ŋau à waa dasi ŋa,] hai a kù to baa inɔ isau mɔm nii muusu nla ŋau à zoo si ŋa wa nɔ à lɛgɛ kũkũ nŋa ŋa fei.

Zonasi 1:9

Nɔ Zonasi í jɛ nŋa í ni, amu Ebɛɛi. Aɔ̃ Lafɛ̃ɛ, Ilaaɔ̃ iyi í wa lele, nŋu iyi í taka tenku do ilɛi, ǹ ya n tɔɔ.