Ɛsitɛɛ 9:3 - Bibeli do fee

³ Ŋɔi inɛ ngboi ilɛ ŋau do ilaalu ŋa do inɛ ŋa iyi à waa mu ilɛu do akawe nla ŋau, aŋa fei anyii Zuifu ŋaui à wa domi à waa ce njoi Maadosee.

Ɛsitɛɛ 9:3 Iomraidhean Croise

Ɛsidarasi 2:2

Zorobabɛli do Zozue do Neemi do Seraya do Relaya do Maadosee do Bilisãa do Misipaa do Biguvai do Rehumu do Baana, aŋai à gbã ŋa wa. Irii inɛmɔkɔi Izirɛli ŋa wee do kukpɔ nŋa si wuaa ikã ikã,

Ɛsidarasi 8:36

Si anyiɛ nɔ à sisia ilu ilɛ ŋa do inɛ ngbo ŋa iyi à wa ikpa nunui alɛi idoi Efaratau ide ŋa iyi ilaaluu í sɔ̃ ŋa wau. Ŋɔi inɛ ŋau à sobi inɛi Izirɛli ŋau si kpasɛ̃i Ilaaɔ̃u ku ma.

Ɛsitɛɛ 3:12

Ŋɔi si ajɔ maatɛtasiai cukpa sinteu à kpe woo kɔ tiai ilaalu ŋau, nɔ bɛi Hamaa wa sɔ̃ ŋa fei à wasi ku kɔɔ. Nɔ amanlu ŋai à waa kɔa do inɛ ngboi ilɛ ŋau do inɛ ŋa iyi à jɛ inɛ ngbo si dimi ikã ikã fei. À kɔ tiaui ikã ikã si dimii kukɔ iyi inɛ ŋa à mà, do si fee iyi inɛ ŋa à waa fɔ fei si bommau. À kɔɔi do irii ilaaluu do sɛɛdai nŋu takaɛ.

Ɛsitɛɛ 8:17

Si ilɛu fei do si ilu bii woodai ilaaluu í to fei, Zuifu ŋau à ya wɛɛò inɔ didɔ̃i ntɔ ntɔ nɔ à nya kujɛ ŋa. Ŋɔi si ilɛu inɛ nkpɔ nkpɔ í kpaasi araɛ Zuifu, domi à waa ce njo nŋa.

Ɛsitɛɛ 8:5

í ni, bii í jɛ ì yɔɔ iyi í sĩa nɔ bii í jɛ ǹ ba didɔ̃ si wajuɛi, bii í jɛ í dɔ̃ɛ si nɔ bii ǹ jɛ jiida si wajuɛi, kɔ tia i ganji ide iyi Hamaa amai Hamedata tɔkui Agagi í jilɛu, si bɛi í kɔɔ í jilɔɔ si a kpa Zuifu ŋa iyi à wa si ilɛu fei.

Ɛsitɛɛ 8:9

Ajɔ nŋu bɛ, si ajɔ kɔnfia do mɛɛtasiai cukpa mɛɛtasia iyi à ya kpe Sivãau à kpe woo kɔ tiai ilaalu ŋau wa. Bɛi Maadosee í fɔ fei, bɛɛbɛi inɛ ŋau à kɔɔ. À kɔa Zuifu ŋa do amanlu ŋau do inɛ ngboi ilɛ ŋau do inɛ ŋa iyi à jɛ inɛ ngbo si ilɛ cifa do mɛɛje ŋa iyi à wa si bommau hai Ɛndi hee ku bɔ Etiopi. À kɔɔi do feei inɛ fei do yaase bɛi dimi ŋa iyi à wa si ilɛ ikã ikã ŋau fei à ya fɔ, do si feei Zuifu ŋa taka nŋa, do si yaase bɛi à ya kɔ.

Daniɛli 3:2

Ŋɔi ilaalu Nebukanɛsaa í ni à kpe inɛ ngboi ilɛ ŋau wa, do woo gbã ilɛ ŋau, do ilu ilɛ ŋa, do woo na ikɔ ŋa, do woo singa fia ŋa, do woo mà asaiya ŋa, do woo kiiti nla ŋau, do inɛ ŋa iyi à jɛ inɛ ngboi kukpɛ̃i ilɛ ŋau fei. Í ni inɛ ŋau a tɔtɔɔ wai ku ba a naa a ce jingaui kucĩi iwɛ̃ iyi à ce do wura iyi nŋu í jɔ̀ à koo à gũu.