Ɛsitɛɛ 9:1 - Bibeli do fee

¹ Ŋɔi ajɔ maatɛtasiai cukpa maateejisiau si bii ilaalu í jilɛ woodaɛu í to. Nɔ mbɛɛi Zuifu ŋau à tamaa bɛi aŋa aa jɛ ŋa igũi amma kù ce bɛɛbɛ. Zuifu ŋaui à jɛ mbɛɛ nŋa ŋau igũ.

Ɛsitɛɛ 9:1 Iomraidhean Croise

Samuɛli 2, 22:41

Ì ya jɔ̀ mbɛɛm ŋa a to anyi a maa saam, nɔ n kpa irii inɛ ŋa iyi à cém.

Ɛsitɛɛ 3:13

Woo bɛ ŋa à so tia ŋau à waa kpɔ̃ɔ si ilɛu fei si bommai ilaaluu. Si tiau à na woodai à ni a saka Zuifu ŋa nɔ a kpa aŋa fei a maà ce araare nŋa, hai awaasũ do mɔkɔ ngbo fei, inaabo do ama keeke fei, nɔ a wusɛ amani nŋa ŋa a soo. Fei ndɛɛ aa cooi ajɔ akã si ajɔ maatɛtasiai cukpa maateejisia iyi à ya kpe Adaa.

Ɛsitɛɛ 3:7

Si adɔ̃ maateejisiai bomma ku jɛi ilaalu Asuerusi, si cukpa sinte iyi à ya kpe Nisãa, Hamaa í jɔ̀ à ta kpasa gɔ iyi à ya kpe Purimu ku ba ku mà si cukpa do si ajɔ iyi á sĩa nŋu ku kpa ŋa. Ŋɔi í koo í cuku si cukpa maateejisia iyi à ya kpe Adaa.

Ɛsitɛɛ 8:12

Nɔ fei ndɛɛ aa cooi ajɔ akã si ilɛi ilaalu Asuerusiu fei si ajɔ maatɛtasiai cukpa maateejisia iyi à ya kpe Adaau.

Ɛsitɛɛ 8:6

Nɔ í ni má, bɛirei an ce n maa n yɛ laalɔ iyi wa naa si inɛm ŋa do bɛi à waa kpa ŋa nɔ n maa n coko.

Ɛsitɛɛ 9:17

Inɛ nŋu bɛ í cei si ajɔ maatɛtai cukpai Adaa. Nɔ si ajɔ maatɛ̃ɛsiau à sĩmi nɔ à jɛ jingau do inɔ didɔ̃.

Iri ku kɔ̃ 18:40

Awɔi ì ya muum gbugbã n ceò igũ n tɛɛsɛ mbɛɛm ŋa. Aŋa wee ǹ wa n leekĩ si antai nŋa.

Iri ku kɔ̃ 30:11

Aɔ̃ Lafɛ̃ɛ, gbɔ kutɔɔm, ceem didɔ̃, nɔ i sobim.

Woo bɛ ŋa 12:11

Ŋɔi Piɛɛ í yɔɔ bɛbɛi iyi kù jɛ àla. Nɔ í ni, ntɔ ntɔ Ilaaɔ̃i í bɛ sim amalekaɛ wa ku na ku nyam hai si awɔi Herodu, do laalɔ iyi Zuifu ŋau à waa bi a ceem fei.

Wooda ku kɔsi 32:36

Ntɔ ntɔ, Aɔ̃ Lafɛ̃ɛ á kiiti inɛɛ ŋau. Amma á ce araarei woo ce icɛɛ ŋa waati iyi á yɛ iyi à kua gbugbã, nɔ aru kaa wɛɛ má walakɔ inɛ iyi í nɛ araɛ.

Kuyɛi Zãa 11:18

Dimii andunya fei í damɔɔ. Amma idɔɔkɔ̃ɛ í to wa. Waati í to i kiiti iku ŋa. Waati í nɔ í to i na woo ce icɛɛ ŋa riba nŋa, hai walii ŋa do woo dasi naanɛ ŋa hee do inɛ ŋa iyi à waa jirimaɛ ŋa fei, hai keekeò nlaɛ. Waati í to i ce nfei inɛ ŋa iyi à waa ce nfei andunya.