Ɛsitɛɛ 8:7 - Bibeli do fee

⁷ Ŋɔi ilaalu Asuerusi í jɛa Ɛsitɛɛ do Maadosee Zuifuu í ni, ǹ jɔ̀ à bagãm Hamaa si jĩi si na iyi í jɔ̀ wa kpã Zuifu ŋa iju, nɔ andi mii iyi í jɛ amaniɛ fei ǹ so ǹ na awɔ Ɛsitɛɛ.

Ɛsitɛɛ 8:7 Iomraidhean Croise

Ɛsidarasi 4:6

Si waati iyi Asuerusi í jɛ bomma kù kpɛ mɔm, ŋɔi inɛ ŋau à ceaa tia wa. Si tia nŋau à waa má inɛi Zudaa ŋa do inɛi Zeruzalɛmu ŋa ide.

Ɛsitɛɛ 7:10

Nɔ à bagãm Hamaa si jĩi iyi wa bi ku bagãm si Maadoseeu. Ŋɔi idɔɔkɔ̃i ilaaluu í bɛi í sũ.

Ɛsitɛɛ 7:9

Nɔ Haabona inɛ akãi woo ce icɛ ŋau í sɔ̃ ilaaluu í ni, Hamaa í ce sɔɔlui jĩi bii aa bagãm Maadosee inɛ iyi í faabaɛ í jɔ̀ a kù ba a kù kpaɛu. À lɔ jĩi nɔu idei Hamaa takaɛ bɛ, kugbokaɛ agbãawɔ ciitaai. Ŋɔi ilaaluu í ni a bagãm Hamaa si bɛ.

Ɛsitɛɛ 8:1

Ajɔ nŋu bɛ mɔi ilaalu Asuerusi í na Ɛsitɛɛ mii ndii Hamaa ŋa fei, nŋu iyi í jɛ mbɛɛi Zuifu ŋau. Nɔ Ɛsitɛɛ í sɔ̃ ilaaluu í ni Maadosee nyaanzei nŋui wa jɛ. Ŋɔi ilaaluu í ni Maadosee ku naa wa.

Mɔnda ŋa 13:22

Inɛ jiida í ya jɔ̀a amaɛ do tɔkuɛ ŋa tubu, amma amanii ilu dulum, ti inɛ dee dee ŋai á na ku jɛ.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.