Ɛsitɛɛ 8:11 - Bibeli do fee

¹¹ À kɔ sii à ni, ilaalu í na Zuifu ŋa iyi à wa si bommau tengi bii à wa fei wooda í ni a tɔtɔɔ a kɔ̀ò ara nŋa. Í mu nŋa kpãa a kpa inɛ ŋa iyi aa na a ba ŋa igũ ku ce si ilɛ iyi í wa si bommau fei do si dimi baa yooma fei. Aa yɔkɔ a kpa baa abo nŋa ŋa mɔm do ama nŋa ŋa, nɔ a wusɛ amani nŋa ŋa a soo.

Ɛsitɛɛ 8:11 Iomraidhean Croise

Ɛsitɛɛ 3:13

Woo bɛ ŋa à so tia ŋau à waa kpɔ̃ɔ si ilɛu fei si bommai ilaaluu. Si tiau à na woodai à ni a saka Zuifu ŋa nɔ a kpa aŋa fei a maà ce araare nŋa, hai awaasũ do mɔkɔ ngbo fei, inaabo do ama keeke fei, nɔ a wusɛ amani nŋa ŋa a soo. Fei ndɛɛ aa cooi ajɔ akã si ajɔ maatɛtasiai cukpa maateejisia iyi à ya kpe Adaa.

Ɛsitɛɛ 9:18

Amma Zuifu ŋa iyi à wa ilui Suze à kpa mbɛɛ nŋa ŋa si ajɔ maatɛtasia do si ajɔ maatɛ̃ɛsiai cukpau nɔ à sĩmi si ajɔ maatũsiaɛ à jɛ jingau do inɔ didɔ̃.

Iri ku kɔ̃ 137:8

Awɔ Babilɔni iyi aa ce nfeɛ kaa kpɛ, ilu inɔ didɔ̃i inɛ iyi á sãaɛ laalɔ iyi ì ce nwa.

Iri ku kɔ̃ 68:3

Bɛi cua í ya fangaa, bɛɛbɛi à fangaa. Ilu inɔ kukã ŋa à ce nfei si wajui Ilaaɔ̃ bɛi akai nyikɔ̃ í ya yɔ si ina.

Ezai 10:6

Nŋui an bɛ ku koo si inɛi ilɛ ŋa iyi a kù waa jirimam. Bii í koo, an jɔ̀ ku ko mii ndu ŋa ŋa wai, aŋa iyi à dede idɔɔkɔ̃m, nɔ ku jojo si ŋa bɛi pɔkɔdɔ iyi í wa si kpãa.

Ezekiɛli 39:10

Inɛ ŋa a kaa nɛ bukaatai jĩi ku bɔ ku dɛdɛ inɔ sako má. A kaa da jĩi kãma si inɔ agbo ŋa má, domi do jĩnɛ ŋaui aa maa kòò ina. Inɛ ŋa iyi à tako à ko amani nŋa ŋau, aŋa mɔ aa ko tu ŋai. Inɛ ŋa iyi à tako à gba mii ndu nŋa ŋau, aŋa mɔ aa gba mii ndu ŋa ŋai. Amu Aɔ̃ Lafɛ̃ɛi ǹ fɔ bɛɛbɛ.