Ɛsitɛɛ 7:9 - Bibeli do fee

⁹ Nɔ Haabona inɛ akãi woo ce icɛ ŋau í sɔ̃ ilaaluu í ni, Hamaa í ce sɔɔlui jĩi bii aa bagãm Maadosee inɛ iyi í faabaɛ í jɔ̀ a kù ba a kù kpaɛu. À lɔ jĩi nɔu idei Hamaa takaɛ bɛ, kugbokaɛ agbãawɔ ciitaai. Ŋɔi ilaaluu í ni a bagãm Hamaa si bɛ.

Ɛsitɛɛ 7:9 Iomraidhean Croise

Ilaalu 2, 9:32

Ŋɔi Yehu í wu iju í cɔ fɛrɛntiu nɔ í ni, yooi í jɛ inɛm, yoo. Ŋɔi inɛ ngboi woo ce icɛi ilaalu ŋau aŋa minji walakɔ mɛɛta à waa cɔɔ wa hai do fɛrɛntiu.

Ɛsitɛɛ 1:10

Si ajɔ mɛɛjesiai jingauu ilaaluu í wɛɛò inɔ didɔ̃ na atɛ̃ vɛ̃ɛu iyi í mɔ. Ŋɔi í kpe inɛmɔkɔ bantãm mɛɛje ŋa iyi à jɛ woo ce icɛɛ waati kãma feiu. Iri nŋa wee. Mehumaa do Bizitaa do Haabona do Bigitaa do Abaguta do Zetaa do Kaakasi,

Ɛsitɛɛ 5:14

Ŋɔi Zerɛsi aboɛ do kpaasiɛ ŋau fei à sɔ̃ɔ à ni, dɛdɛ jĩi iyi kusɔɛ í to agbãawɔ ciitaa, ala daakɔ nɔ i sɔ̃ ilaaluu i ni ku jɔ̀ a bagãm Maadosee. Bii ì ce bɛɛbɛ aa yɔkɔ i sì ilaaluu jingauu do inɔ didɔ̃. Si bɛi ideu í dɔ̃a Hamaa si, ŋɔi í ce sɔɔlui jĩi nɔu.

Ɛsitɛɛ 6:14

Si bɛi wa fɔ ideu gbakã, ŋɔi inɛ ŋa iyi ilaaluu í bɛ siɛu à to wa, nɔ kù kpɛ má á gbãa í koo jingau iyi Ɛsitɛɛ í ce nŋa sɔɔluɛu.

Ɛsitɛɛ 6:2

Ŋɔi à cio tengi bii wa fɔ yaase bɛi Bigitani do Terɛsi inɛmɔkɔ bantãm minji ŋa iyi à jɛ woo degbe andɛ koofai inɔ ilei ilaalu ŋau à waa busi njɛ bɛi aa ce a kpa ilaaluu nɔ Maadosee í jɔ̀ ide nŋau í fita gbugbãa.

Ɛsitɛɛ 8:7

Ŋɔi ilaalu Asuerusi í jɛa Ɛsitɛɛ do Maadosee Zuifuu í ni, ǹ jɔ̀ à bagãm Hamaa si jĩi si na iyi í jɔ̀ wa kpã Zuifu ŋa iju, nɔ andi mii iyi í jɛ amaniɛ fei ǹ so ǹ na awɔ Ɛsitɛɛ.

Ɛsitɛɛ 9:14

Ŋɔi ilaaluu í nyi í na ŋa wooda nŋu mɔ má nɔ à fangaaɛ si ilui Suzeu bii fei. Nɔ í jɔ̀ à koo à kɔa ikui ama mɛɛwai Hamaa ŋau si jĩi.

Ɛsitɛɛ 9:25

Amma Ɛsitɛɛ í koo í ba ilaalu, nɔ ilaaluu í na wooda í jɔ̀ à kɔɔ si tia à ni a jɔ̀ laalɔ iyi Hamaa í cea Zuifu ŋa sɔɔluɛu ku bii si irii nŋu takaɛ, nɔ a bagãɛ si jĩi nŋu do amaɛ ŋa.

Iri ku kɔ̃ 141:10

Jɔ̀ ilu inɔ kukã ŋau a dasi cɛkũm dii aŋa taka nŋau nɔ amu n ba n fita si.

Iri ku kɔ̃ 35:8

Jɔ̀ wahala ku ba ŋa a maà mà. Jɔ̀ taa iyi à léem nɔu ku mu ŋa ku ba a cuku nɔ a maa wa si wahala.

Iri ku kɔ̃ 73:19

À ce nfei anu akã. Kuwɛɛ nŋa í to kɔɔ. Zigiida í ce nfe nŋai anu akã.

Daniɛli 6:24

Ŋɔi do inɔ didɔ̃ nla nla, ilaalu í na wooda í ni a nya Daniɛli wa hai si inɔ isau. Ŋɔi à nya Daniɛli wa hai si inɔ isau, nɔ nkãma kù coo si na iyi í jɔ̀ í dasi naanɛɛ si Ilaaɔ̃ Lafɛ̃ɛɛ.

Daniɛli 6:7

Ŋɔi inɛ ngbo minji ŋau do akawei kukpɛ̃i ilɛ ŋau à bɔ bi ilaaluu nɔ à sɔ̃ɔ à ni, ilaalu Dariusi, hunde sisɔ kú jɛ ti awɔ ilaalu hee do ajɔ fei.